Ester 5:3 - La'aqtaqa Ñim Lo'onatac 'Enauacna 2013

³ nache so nta'a, inat asomaye, 'eeta': ¿Ta'ainec 'am, nate'e Ester? ¿Negue't cam qonetapeguec? ¡Aỹem 'am sanem qome cam 'auỹaxanaique, na'aictaxa da tachiguingui na laiñi da ỹo'onataxanaxac! Nache aso Ester ỹasateguet somaye, 'eeta':

Toba del Oeste

³ Joñe'me jaliaĝanec yenat ca'li: «Jega Ester, am jaliaĝana: ¿jach'e ga'me auelotaque? Yataqata ja'uo qomle joga'me aviyaĝanaque, chayovida'a da'me am janem yema jena'me lae jenjo' yejaliaĝa, qom naq'aeta da'me jayem aviyaĝanot.»

Ester 5:3 Iomraidhean Croise

1 Reyes 2:20

Nache asomaye, 'enapeco': Sauotaique da 'am seỹaxanot, qaq saq 'amaqtaq da huotaique da seỹaxaneua'a. Nache so nta'a, 'enapeco': 'Am ỹate'e, maicheye cam 'auỹaxanaique, cha'aye aỹem saishet da 'am saq sashenem ca 'auỹaxanaique.

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Ester 5:4

Da 'auaỹamaxareeta 'am nta'a, qaq 'am ñachoxonnot da 'aualegueua'a nagui ca nquia'axac maye saỹamaxattapiguiñi da 'am sho'oxoren, qataq 'annaictague' qome so Amán. Qaq huaña nache so nta'a damaxasoxon, 'eeta':

Ester 5:6

Qaq co'ollaq huaigui so nquia'axac, nache so nta'a 'enapega aso Ester, 'eeta': ¡Ñaq aỹem 'auỹaxanot, maicheye cam 'auỹaxanaique, qaq aỹem 'am sanem qome, na'aictaxa da tachiguingui na laiñi da ỹo'onataxanaxac!

Ester 7:2

qaq so lỹa na'a'q nache huaigui se'eso nquia'axac da so nta'a 'enapega aso Ester, 'eeta': ¡Ñaq aỹem 'auỹaxanot cam qonetapeguec, qaq aỹem 'am sanem qome, na'aictaxa da tachiguingui na laiñi da ỹo'onataxanaxac!

Ester 9:12

nache 'enapega aso nate'e Ester, 'eeta': Nam judiopi ỹalauat so quinientos ỹalleppi, qataq soua diez llalqa so Amán, huaña ye huaqta'a't nỹecpi ye Susa. Qaq ¿chaq negue't ca lỹa ỹo'ot da huaña na laỹepi 'alhuapi maye selotague'? ¡Ñaq aỹem 'aua'aqtaxanem, negue't ca lỹa qonetapeguec, nache aỹem 'am sanem qome camaye!

Marcos 6:23

Na'aictaxa da tachiguingui na laiñi nam 'alhuapi maye selotague' da 'auỹaxaneua'a, qalaxaye, nache 'ena'am san da ỹa'aqtac da 'am sami'.

Lucas 18:41

–¿Negue't ca 'anshetaique da 'am so'otec? Nache somaye 'enapeco': –'Am Nataxala', qomye ñeshetaique da aỹem ỹe'egueloqot da imeenaxanaxac.

Hechos 23:19

Nache so nta'a ỹacona na lhuaq so nsoq, nache iỹotauga. Nache inattac, 'eeta': –¿Negue't cam huotaique da aỹem 'aua'aqtaxanem?