Ester 4:3 - La'aqtaqa Ñim Lo'onatac 'Enauacna 2013

³ Qaq nataqa'en 'enauac so laỹepi 'alhuapi maye ivira'a som lamaxasoxonaxac so nta'a, da ỹataqta huo'o da lta'araic laquicoxo so judiopi, qaq somayepi ỹataqta ỹachaxaata da laquicoxo, nache ỹo'ot da nqouaqchet, qataq nỹeetac, qataq daquicota, qataq somayepi qalota som nnangui so alo, qataq ỹaayiñi soua alogo maye sansatchiguilo.

Toba del Oeste

³ Nach'e ena'am yemeda naa'me ale'u lael, ca'li yataqata qonoma'a joga'me lamajoĝonaĝac ñe'me Asuero, qama'le naa'me judiopi yataqata totelo'te, yataqata ja deque'y, jalcote da'me noenaĝa'j, chayovida'a e'n ja 'noe'n naa'me leuo lael nataq'aen da'me uedalegue ga'me jalo.

Ester 4:3 Iomraidhean Croise

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Ester 3:12

Qaq so na'a'q trece so la'auaxanec ca'agoxoic se'eso vi'i, nache qaiỹaxaneuga so leraxanaxanecpi so nta'a, nache somayepi ỹeyiñi so lamaxasoxonaxac so Amán maye taỹa'a so nta'alpi maye ilotague' so 'alhuapi qataq som lataxala'pi som hueta'a so 'alhuapi. Qaq se'eso namaxasoxonaxac nanettalec da naneraguec, qataq naua lalamaqa'ate la'aqtaqa som netalec so 'alhuapi qataq so nhuo' le'ecpi maye qaỹamaxa, qataq nanettalec so nta'a Asuero qataq itoqootalec aso la'anaxanaqte,

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Ester 4:2

Nache ivitta'a so ñegueuo so lma' lta'araic so nta'a, qaq huaña nache vi'iiguet, cha'aye saishet da qaỹasheneuo da pa'auo ca 'eeta'am somaye da no'otaxac.

Ester 4:4

Qaq som qa'ampiolec maye do'onataxaatacot aso Ester, qataq so ỹalleppi maye nauaatalec asomaye, ỹa'axateua'a co'ollaxa aso Ester dam qanayeuaigui. Qaq huaña nache aso nate'e ỹataqta nlaxagui da laquicoxo, nache ỹamaxauga so Mardoqueo soua anogo da yaqto' nqa't soua alogo maye ỹaatrañi, qalaxaye somaye saishet da ỹaconegueta soomaye.

Ester 9:31

maye damaxasoxoolec da qaỹo'ot so na'ashaxac da ivita so na'a'q Purim, maye qoỹecchigui co'ollaxa, nache qaipacchigui da lamaxasoxonaxac so Mardoqueo, qataq aso nate'e Ester, maye taalec somayepi qataq cam chegoxoguetpi. Qaq nataqa'en qaỹalecnaxaneuo som lataxac da qaỹo'ot ca qouaqchetaxac, qataq ca naquicoxo,

Da na'aqtaguec so Job 2:8

Nache so Job, tauga so laponqa' so alo da nso'ongui, nache ỹacona so laỹe aso laxai naco'oña, nache nvictega.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

Ezequiel 27:30

Qataq nlamaxaren da na'alaqtapiguiñi da nỹeeteguelec 'am souaxat da laquicoxo, qataq imeelec na lqaic na 'alhua qataq nviingui na alo.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Jonás 3:6

Qaq so nta'a ye Nínive, co'ollaq la'axaỹaxac de'era, nache nataqa'en ñesheguem ca'ai aso nso'onaxaqui da nta'a. Ime, nache nqa't soua ỹaatrañi alogo, nache ỹaayiñi soua sansatte' alogo qataq nso'onangui so alo.

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Mateo 25:30

Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

1 Samuel 11:4

Nache so namaxashecpi ivira'a co'ollaxa ye Gabaa, yem netaña so Saúl, nache da'aqtaxanem so shiỹaxauapi de'era na'axaỹaxac. Nache 'enauac somayepi ỹataqta nỹeetagui.