Ester 3:2 - La'aqtaqa Ñim Lo'onatac 'Enauacna 2013

² Qaq 'enauac som do'onataxaatacot so nta'a maye hueta'a so nma' lta'araic, ỹa'alyiñi naxa naua l-llecte, qataq naqñi naxa da nateugueye, huo'otaq naxa da datateguet so Amán, cha'aye som nta'a nache lamaxasoxonaxac de'era, qalaxaye so Mardoqueo saishet co'ollaxa da ỹalaxaguet se'eso namaxasoxonaxac.

Toba del Oeste

² Qama'le nale qoyauana joñe'me Amam, yemeda jogaa'me namaĝa's yejoidiñe naa'me leliquetel nataq'aen naĝadiñi, en yelo'teguet da'me yataqata qouate'ca, qa'a naq'aeta da'me damaĝajoĝolegue ñe'me Asuero. Qalaĝaja joñe'me Mardoqueo yataqata ja yejoidiñe naa'me leliquetel, chayovida'a ja ch'e ta'le naĝañi.

Ester 3:2 Iomraidhean Croise

Filipenses 2:10

yaqto' 'enauac qome ishet da ỹa'alyiñi naua l-llectel, nam hueto'ot na piguem, qataq nam huetalec ana 'alhua, qataq nam huetaueegue da laỹe na 'alhua,

Salmos 15:4

qataq cam ỹo'otan ca shiỹaxaua maye 'itchiguiñi da qaỹo'otan, qalaxaye ỹo'oxoren ca huo'o naq 'enec naqa'en Ñim Nataxala', qataq ca ipacchiguilo naua la'aqtaqa Ñimaye, na'aictaxa da huo'otaq qauem ca ivireguet,

Ester 5:9

Qaq so Amán, co'ollaq ca'ai so nquia'axac, nache ỹataqta machiguiñi, qataq ỹaỹamaxareeta somaye, qalaxaye ỹataqta nlaxagui da layeloxo co'ollaq ilota'a so Mardoqueo, maye hueta'a so lasom som nma' lta'araic, cha'aye somaye saishet da ñesheguem, qataq saishet da choche deraỹapigui' co'ollaq ila'aguet somaye.

Ester 3:5

Qaq so Amán co'ollaq ỹaỹaten da so Mardoqueo saishet da ỹa'alyiñi naua l-llectel, huo'otaq da naqñi naxa da nateugueye somaye, nache ỹataqta nlaxagui da lalemataic,

Ester 3:1

Qaq co'ollaq mashe qaỹoqtegue de'era, nache so nta'a Asuero ỹauo'o da la'amaqchec so Amán, som llalec so Hamedata maye chegoxoguet so Agagueo, nache ỹanem da lo'onataxanaxac da lataxala' so nta'alpi ye qanayeeta'a 'alhua.

Ester 2:21

Qaq so Mardoqueo co'ollaq ñaq nso'ootañi netaña so lasom so lma' lta'araic so nta'a, nache hua'aqchiguilo co'ollaq detaqtega't soua Bigtán qataq so Teres, som lataxala'ate som nauaatalec so nta'a maye hueta'a so ñegueuo so nma' lta'araic. Qaq soomaye ỹataqta dalematai' co'ollaxa, nache detaqtrapigui ca lataxac da yaqto' ỹalauat so nta'a Asuero.

Ester 2:19

Qaq soua na'axa'te co'ollaq so qa'ampi, qaỹauega so lỹa nỹec maye naigui so lma' lta'araic som 'alpi, nache so Mardoqueo nso'ootañi hueta'a so lasom so lma' lta'araic so nta'a.

1 Samuel 15:3

Qaq ỹoqo'oye nagui 'anqo'ona yemayepi, nache saishet da 'auchoxoreetac da 'auloquiaxan, nache ỹataqta 'anmatchiguiñi qome da 'aualauat 'enauac ye ỹalleppi, 'alpi, ñaqpiolec, qataq na cheta'ague da ñiguiñi, qataq aye huacapi, qaguetapi, cameellopi qataq 'ashenapi.»

Deuteronómio 25:19

Ỹoqo'oye qom ivita da Ñim Lo'onatac 'Enauacna, qami' isoueeguesopa ye ỹotta'a't shiỹaxauapi maye qampa'aguenaxauaipi yem lauoreuapi yi'iye 'alhua, maye qami' ỹanema qome Ñim Nataxala' maye Qanatamnaxala'ai. Nache ỹataqta qauapalaxache qome da le'enaxat nam chegoxoguetpi so Amalec yi'iye 'alhua. ¡Saishet qome da qaucouaỹa'ai de'era!

Éxodo 17:16

Nache 'enapeco': «¡Ana la'ana Ñim Nataxala' ñasoqta'a! ¡Ñim Nataxala' nalattague' na amaleciitapi nache ivitta'a qome cam chegoxoguetpi namayepi!»

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Génesis 41:43

Qaq ime, nache so faraón inotaxanaxaangui aso naigona maye ca'attaueegue naxa aso lalamaqte somaye, huaña nache damaxasoxoolec da qaỹa'alaqtalec da tata'ague somaye, qoỹeeta': «¡Ña qauauachiigue ca llec!» Qaq 'era da 'eetec so José co'ollaq qoỹanem da ilo'ogue 'enauac ye 'alhua Egipto.

Ester 2:5

Qaq som huaqta'a't nỹecpi ye Susa, hueta'a so 'oonolec judío maye le'enaxat Mardoqueo, som llalec so Yaír, qataq chegoxoguet so Simea qataq so Cis, maye chegoxoguet so Benjamín.

Ester 3:3

Qaq huaña nache som lamaxashecpi so nta'a, inattac so Mardoqueo da ta'ainco' da saỹalaxaguet da lamaxasoxonaxac so nta'a.

Daniel 2:49

Qataq souaxat da lquiquiaxac so Daniel, nache so nta'a ỹanema soua, Sadrac, Mesac, qataq so Abednego, da no'onataxanaxac maye huo'o da la'amaqchec yi'iye 'alhua Babilonia, qaq so Daniel qalaq nache ỹalectaigui so ltauapi so nta'a.