Ester 2:2 - La'aqtaqa Ñim Lo'onatac 'Enauacna 2013

² Qaq huaña nache som ltauapi da lo'onataxanaxac, 'enapega somaye, 'eeta': Iuen da qanmitaique, nache qanauegueua'a ñi nta'a cam ña qa'ampiolec, qataq ỹataqta 'onaxaipi.

Toba del Oeste

² Chane'eja jogaa'me lecochaĝa'u jo'ne yatenaĝanaĝayaqa yitaĝa dojedapegue' ñe'me Asuero, enaa'j: «Am jaliaĝanec, 'noota qom qoyelaque gaa'me q'añolel jo'ne uayamaqael qaedi qonauetequena.

Ester 2:2 Iomraidhean Croise

Génesis 12:14

Qaq so Abram co'ollaq ivireua'a ye Egipto, nache so Egipto le'ecpi, ila'a aso Saraí da ỹataqta 'onaxai.

1 Reyes 1:2

Ỹoqo'oye so lamaxashecpi somaye, 'enapeco': «'Onaxaictaxa da qanmichiỹaique aca 'oonole qa'añole maye ñaq lamaxai, da yaqto' huapegue', qataq ntela'a qataq lauañi' qanqa'en na nta'a yaqto' napaqhuec naqa'en na lo'oc.»

Ester 1:10

Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,

Ester 1:14

Qaq soua ỹataqta pa'ata'agueta so nta'a, qalaq nachesoua soua Carsena, Setar, Admata, Tarsis, Meres, Marsena qataq so Memucán, qaq se'esoua siete nachesoua soua ỹataqta 'amaqtaqaiqa ye Persia qataq ye Media, som ỹalectraigui so na'atta'a't ltauapi so nta'a, qataq huetalec da 'amaqtaqaic no'onataxanaxac yi'iye 'alhua.

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Ester 6:14

Qaq co'ollaq ñaq saxanaxa da ime da ltaxaỹaxac somayepi, nache nvireuo so lamaxashecpi so nta'a, da yaqto' iỹalapegue' da ỹauec so Amán, ỹauega so nquia'axac maye ỹo'ot aso Ester.