Ester 1:3 - La'aqtaqa Ñim Lo'onatac 'Enauacna 2013

³ Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Toba del Oeste

³ Ca'li male tres jaa'me 'uoidi da'me 'uo ga'me lejaliaĝa ñe'me Asuero, qama'le ya'uo joga'me neualayaĝac let'adaic qaedi yanema gaa'me jaliaĝanaqa jo'ne lecochaĝa'u nataq'aen gaa'me najoĝola'te jo'ne yelodelegue di'me Persia choqodi'me aleua laqaya lenaĝat Media. Nataq'aen yiyaĝanalo gaa'me coico lejaliaĝanaqa chayovida'alo yemeda gaa'me nejaliaĝanaqa nataq'aen gaa'me necochaĝa'u jo'ne yelolo'te gaa'me ale'u laqaya'.

Ester 1:3 Iomraidhean Croise

Génesis 40:20

Qaq co'ollaq mashe ivita so na'a'q tres, maye laloxoqui som lañoxoc so faraón, nache ỹo'ot so lta'araic lquia'axac da dequi'iỹa'ai' 'enauac so ltauapi. Qaq so faraón co'ollaq ña datataigui so lquia'axauapi, nache damaxasoxoolec da qanqateeguesopa aso ncoñetaxanaxaqui so lataxala' so ỹomaxaqui lo'opi, qataq so lataxala' so nauole lo'opi.

1 Reyes 3:15

Qaq co'ollaq nlouec so Salomón, nache nanoma da dechoxootac. Huaña nache ỹe'eguelaq, taỹa ye Jerusalén, qaq co'ollaq ivireuo nache taua'a ye netaña aso arca maye laỹe' da naỹamaxataxac Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Qaq ime, nache ỹo'ot so nquia'axac, nache dequi'iỹa'ai' 'enauac so ltauapi.

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Ester 1:14

Qaq soua ỹataqta pa'ata'agueta so nta'a, qalaq nachesoua soua Carsena, Setar, Admata, Tarsis, Meres, Marsena qataq so Memucán, qaq se'esoua siete nachesoua soua ỹataqta 'amaqtaqaiqa ye Persia qataq ye Media, som ỹalectraigui so na'atta'a't ltauapi so nta'a, qataq huetalec da 'amaqtaqaic no'onataxanaxac yi'iye 'alhua.

Ester 1:4

da yaqto' ỹachaxana da nsallaxa qataq da la'amaqchec da lo'onataxanaxac, qataq dam qaica ca 'ena'am llo'oxoyec da la'añaxac. Qaq se'eso nquia'axac qataq so na'ashaxac ivira'a so laiñi so 'oonolec vi'i,

Ester 2:18

Ime nache so nta'a, ỹo'ot so lta'araic nquia'axac, qataq so na'ashaxac da yaqto' ỹo'oxoren aso Ester, nache icoyeguen 'enauac so nta'alpi, qataq ltauapi da lo'onataxanaxac, qataq nquigaxaañi ye lcata aso lsheetenaxanaqte so netalec so 'alhuapi maye ilotague', qataq ỹanec so qalota lachetaqtaxanaxatpi, ipagaqchiichigui da 'eetec da lsoxoyec ca nta'a.

Ester 3:7

Qaq so la'auaxanec ca'agoxoic se'eso vi'i, som ca'agoxoic maye le'enaxat Nisán, co'ollaq mashe doce vi'iye da lo'onataxanaxac so Asuero, nache qaỹauo'o so alletaxac ỹauaachigui qanqa'en so Amán, da yaqto' ishet da qaỹaỹaten ca na'a'q qataq ca ca'agoxoic maye huetoigui qanqa'en som lapaxañi somaye, nache se'eso alletaxac taalec so na'a'q trece so ca'agoxoic doce, som ca'agoxoic maye le'enaxat Adar.

Isaías 21:2

Qaq aỹem Isaías, ỹataqta huo'o da lchec som ỹauanaqchec maye aỹem ỹachaxana Ñim Lo'onatac 'Enauacna, som que'elaqtaxanaxaic deque'elaqtaxan qataq som laqtaxanaxaic delaqtaxan. ¡Ña 'anachaañi 'am Elam! ¡Qataq 'auloqui 'am Medos! Aỹem, nache tachiguiña ñaqa'en da nachoxoc na shiỹaxauapi.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Daniel 5:1

So Belsasar maye nta'a ye Babilonia, ỹo'ot so lta'araic lquia'axac, nache icoyeguen so mil som 'amaqtaqaicpi yi'iye 'alhua, qaq co'ollaq mashe deque'etacpi, nache so nta'a qataq som icoyeguenpi co'ollaxa ỹataqta ỹaguec so nỹomigui lataxa.

Daniel 5:28

qaq ye PARSÍN: qalaq naigui da mashe colaxagui da 'aro'onataxanaxac 'am nta'a, nache qoỹanem ye medos qataq ye persas.»

Daniel 6:1

So nta'a Darío, lhuennataxac co'ollaxa da ỹanem da lo'onataxanaxac da ilo'ogue na laỹe 'alhuapi, so ciento veinte shiỹaxauapi.

Daniel 8:20

So qagueta lhuaraic maye dos soua lcoue, somaye naigui nam nta'alpi ye Media qataq ye Persia.

Marcos 6:21

Qaq co'ollaq ivita so na'a'q maye lañoxoqui, nache so nta'a Herodes ỹo'ot so lta'araic lquia'axac. Nache icoyeguen so nataxala'pi, qataq so lataxala'pi na huataxanaq qataq so shiỹaxauapi maye 'amaqtaqaicpi ye 'alhua Galilea. Qaq aso Herodías ila'a da se'eso na'a'q, nacheso so ishet da huetoigui da ỹalauat so Juan.