Esdras 1:3 - La'aqtaqa Ñim Lo'onatac 'Enauacna 2013

³ Ỹoqo'oye da qoñeeta da huo'o ca camachaqca da chegoqchiguiña ye 'alhua Judá da jec, da taỹa ye Jerusalén da no'oxoosheguem aca atamnaxaqui maye lalamaqte Ñim Nataxala' maye Natamnaxala' ye Israel le'ecpi maye netaña ye Jerusalén, nache Ñim Lo'onatac 'Enauac hueta'aguet qome.

Toba del Oeste

³ Chane'eja da'me ami, gamachaqaegaua jo'ne ovitaue ga'me noic jo'ne lec'oqo'tepi joñe'me Jaliaĝanec, 'noota qom naqaeñe ami lecochiyalo, qama'le oquiye nayi, auajoyiyi jodi'me Jerusalén, di'me aleua jo'ne Judá, qaedi a'noĝoñijeguem ga'me netamenaĝaiqui ñe'me Jaliaĝanec, mach'e Nedios ga'me Israel laje'pi, nach'eñe Dios jo'ne ue'ta jena'me Jerusalén.

Esdras 1:3 Iomraidhean Croise

1 Reyes 18:39

Qaq co'ollaq ỹauaachigui de'era so shiỹaxauapi, nache ỹataqta ỹa'alyiñi naua l-llecte, qataq iviraxata'aguet naqa'en naua lata'pi na 'alhua, nache 'enapeco': «¡Ñim Nataxala', nacheñi Ñim Atamnaxala', Ñim Nataxala', nacheñi Ñim Atamnaxala'!»

1 Reyes 8:23

nache 'enapeco': «'Am Nataxala' maye Natamnaxala' na Israel le'ecpi, na pa'asheguem na piguem qataq na huetalec ana 'alhua, qaica ca Atamnaxala' da 'eeta'am 'am, da 'aupacchiguilo naua 'anaỹamaxataxaco, qataq da 'archoxonnataxanaxa cam ỹataqta lquiyaqteỹaxac da 'am do'onataxanot,

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Esdras 1:4

Qataq camachaqca nam lca'alaxaicpi, da jec chegoqchiguiña ca lma' maye hueta'a nagui, nache cam lauoreuapi itauan qome ỹanem ca lcat plata, oro, nogoxoshetpi, qataq ca 'atetpi, qataq ca maiche ỹan lachetaqtaxanaxat da ỹamaxa aca atamnaxaqui maye lalamaqte Ñim Nataxala' maye naña ye Jerusalén.»

Esdras 4:3

Qalaxaye so Zorobabel qataq so Josué, qataq so lataxala'pi so Israel le'ecpi, 'enapeco': 'A'i, qomi' sa seshetaq da qami' ñashenaqtegueta da qomi' qauauaqaigueta da ño'oxonaxasheguem añi atamnaxaqui maye lalamaqte Ñim Qanatamnaxala'. Qomi' ñeroqte' da souaqapegue' da ño'oxonaxasheguem añi atamnaxaqui maye lalamaqte Ñim Nataxala', maye Natamnaxala' so Israel le'ecpi, cha'aye nachera da lamaxasoxonaxac ñi Ciro, maye nta'a ye Persia.

Esdras 5:13

Qaq so mashe qaỹata'ague de'era, qataq huetoigui so la'auaxanec vi'i da lo'onataxanaxac so Ciro, maye nta'a ye Babilonia, nache somaye damaxasoxoolec da qaỹe'eguelaxalec da qano'oxoosheguem ana'ana atamnaxaqui maye lalamaqte Ñim Lo'onatac 'Enauacna.

Esdras 5:3

Qalaxaye so Tatenay, maye ilotague' so netaña ye pa'aỹa'ague da avit so tala Éufrates, qataq so Setar Bosnay, qataq so ltauapi, nqo'ona co'ollaxa somayepi nache inat, 'eeta': «¿Negue't ca qami' ỹamaxaleguete da qaltaq qavi'iguelaqailec da qano'oxoñiisheguem ana atamnaxaqui, qataq na lpaqtaxat?»

Esdras 6:7

qauauaqaita'a ca nta'a, qataq ca ỹa'axaiquipi maye lataxala'pi na judiopi, da maiche huapegue' da qaltaq no'oxootapiguisheguem aca atamnaxaqui maye lalamaqte Ñim Lo'onatac 'Enauacna, da ipagaqchiichiguiña ca toguishec lma'.

Salmos 132:13

Ñim Nataxala', lca'aua'a co'ollaxa añi qasoxonaxa Sión, cha'aye ỹauotaique da lanataqa', co'ollaq 'eeta':

Salmos 83:18

Yaqto' namayepi ỹaỹateeta da nache 'Am Nataxala', qataq da nache 'amta da 'Anataỹaña 'Enauacna, maye 'aulo'ogue 'enauac ana 'alhua.

Isaías 37:16

«'Am Nataxala' maye Qaica ca 'Auqalanapec, maye 'Am Natamnaxala' na Israel le'ecpi, qataq añi 'anso'onaxaqui netanguilo ñeua ne'enaqtaqa le'enaxat querubines. Qataq nachaq 'amta da 'am natamnaxala', 'enauac nam nta'alpi ana 'alhua. 'Am maye 'auo'ot co'ollaxa na piguem qataq ana 'alhua.

Isaías 44:28

Aỹem shenapega ñi Ciro, sheeta': Nache 'am maye 'aulo'ogue qome ana ilopi qaguetapi, qataq 'am 'auo'ot qome nam sheetapeguecpi. Qataq shenapega ye Jerusalén, sheeta': 'Am, qaltaq 'am qano'oxoosheguem qome, qaq añim atamnaxaqui qalaq, sheeta': 'Am qalapaxañi qome ca 'aro'oxonaxala'.»

Isaías 45:5

Aỹem nachaỹem Nataxala', qaica ca lỹa, qaica ca lỹa atamnaxala'. 'Am seqataxanai' co'ollaxa da yaqto' ishet da 'auloqui, na'aictaxa co'ollaxa da saishet da aỹem 'auauatton,

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Deuteronómio 32:31

Qataq na qampa'aguenaxauapi ỹaỹaten da cam npaxattalec namayepi saishet da 'eeta'am Ñim qomi' npaxattaleguete.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»