Daniel 8:3 - La'aqtaqa Ñim Lo'onatac 'Enauacna 2013

³ Qaq so ñamatasheguem nache sela'a so qagueta lhuaraic neto'ot na loigue aso tala. Qaq somaye dos soua lcoue logorail, qaq aso 'oonole soomaye nca'ataxanauo da ñaxat, qalaxaye ỹataqta logorai napacalec aso lỹa.

Daniel 8:3 Iomraidhean Croise

1 Crónicas 21:16

Qaq co'ollaq namatasheguem so David, nache ila'a so lamaxashec piguem le'ec Ñim Nataxala', da huaỹoteguelec na piguem qataq ana 'alhua, nasoqta'a so lainec, nache ỹareetalec ye Jerusalén. Huaña, nache so David, qataq so nqueroxonecpi, ỹaayiñi naua sa nsattegueta logo, nache nqollemta'aguet na 'alhua.

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Esdras 4:5

Nataqa'en ivira'a da huo'o so desheenaxana so ltauapi so nataxala', da nqanaxat da qano'oxootapiguisheguem aso atamnaxaqui. Qaq se'eso nache huetoiguilo soua vi'iye da lo'onataxanaxac so Ciro, nache ivitta'a da lo'onataxanaxac so Darío, maye nta'al ye Persia.

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Isaías 13:17

Aỹem samaxalec qome na Medos le'ecpi da iloquiaxan namayepi, nam Medos le'ecpi maye saishet da nmitta'a ca lcat plata, qataq saishet da qochetega ca lcat oro.

Isaías 21:2

Qaq aỹem Isaías, ỹataqta huo'o da lchec som ỹauanaqchec maye aỹem ỹachaxana Ñim Lo'onatac 'Enauacna, som que'elaqtaxanaxaic deque'elaqtaxan qataq som laqtaxanaxaic delaqtaxan. ¡Ña 'anachaañi 'am Elam! ¡Qataq 'auloqui 'am Medos! Aỹem, nache tachiguiña ñaqa'en da nachoxoc na shiỹaxauapi.

Isaías 44:28

Aỹem shenapega ñi Ciro, sheeta': Nache 'am maye 'aulo'ogue qome ana ilopi qaguetapi, qataq 'am 'auo'ot qome nam sheetapeguecpi. Qataq shenapega ye Jerusalén, sheeta': 'Am, qaltaq 'am qano'oxoosheguem qome, qaq añim atamnaxaqui qalaq, sheeta': 'Am qalapaxañi qome ca 'aro'oxonaxala'.»

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Daniel 10:5

qaq so ñamatasheguem nache sela'a so ỹale, ỹaatrañi soua alogo maye chegaqaiguilo na lino, qataq so nsaataxaqui oro.

Daniel 2:39

Qaq 'am nta'a, qom ime de'era 'aro'onataxanaxac, nache huo'o qome ca lỹa nta'a maye nquicchiguiñi da la'amaqchec, qaq qom ime camaye nache huo'o ca lỹa nta'a maye nachera da naigui so lcat bronce, nache camaye ilo'ogue qome 'enauac ana 'alhua.

Daniel 5:31

nache so Darío maye lma' ye Media, talec da no'onataxanaxac. Qaq so Darío, somaye ivi' co'ollaxa sesenta y dos vi'iye da llaxa.

Daniel 6:28

Qaq so Daniel, nache queto'ot da ỹataqta huo'o da la'amaqchec da huetaua'a da lo'onataxanaxac so nta'a Darío, qataq da lo'onataxanaxac so Ciro maye nta'a ye Persia.

Daniel 7:5

Qaq so lỹa shiguiỹac maye ca'atalec somaye, qalaq 'eeta'am na oso, qalaxaye somaye ỹacasheguem na 'oonolec laỹe, qataq netaguilo naua lhue soua tres ncheshe'ete, nache sa'aqchigui da qoỹenapega, qoỹeeta': ‹¡'Asoma qojec, nache qollec na lapat maicheye da 'auaỹemec!›

Daniel 8:2

Qaq so sootaigui so ỹauanaqchec, nache 'eeta'am ñaqa'en da soota'a ye huaqta'a't nỹecpi ye Susa, maye huaigui ye 'alhua Elam, maye hueto'ot na loigue aso tala Ulay.

Daniel 8:20

So qagueta lhuaraic maye dos soua lcoue, somaye naigui nam nta'alpi ye Media qataq ye Persia.

Zacarías 1:18

Qaq aỹem, qaltaq huo'o so lỹa ỹauanaqchec, co'ollaq ñamatasheguem nache sela'alo soua cuatro shiguiỹac lcoue.

Zacarías 2:1

Qaltaq huo'o so lỹa ỹauanaqchec, aỹem sela'a so ỹale nasoqta'a so naloqnaxanaxat da huo'o na qanaloqten.

Zacarías 5:1

Qaq aỹem Zacarías, huo'o so lỹa ỹauanaqchec. Aỹem sela'a aso nere maye huo'o so leraxat, asomaye huaỹotac.

Zacarías 5:5

Ime, nache npa'auec so namaxashec piguem le'ec maye aỹem na'aqtaxaatague', nache aỹem 'enapega, 'eeta': «¡Ña 'anamatasheguem nagui nache 'auamata'a aram nachaxan!»

Zacarías 5:9

Qaq ime, nache qaltaq ñamatasheguem, nache sela'alo soua dos 'alo. Qaq soomaye huo'oi naua laua't 'eeta'ama naua laua't na huaqap, nache soomaye huaỹoi' queroigui so la'at, nache ỹache' aso naloqnaxanaxaqui.

Zacarías 6:1

Aỹem, qaltaq huo'o so lỹa ỹauanaqchec, sela'alo soua cuatro naigona alaataxaqui', chegoqchiguinguilo soua dos qasoxonaxal maye ndota't na bronce.

Números 24:2

Qaq so Balaam co'ollaq ila'a so Israel le'ecpi da ỹataqtac so netañapi so lpe'lpi so maiche nalamaxat nhuo' le'ecpi, nache so Saqcha'a La'añaxac Ñim Lo'onatac 'Enauacna taigui somaye.

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

Apocalipsis 13:11

Ime, qaltaq sela'a so lỹa shiguiỹac leguemaxaic, somaye chegoqtoigui ana 'alhua. Qaq somaye dos soua lcouel, 'eeta'am na qagueta llalec, qalaxaye naua la'aqtaqa 'eeta'am so shiguiỹac leguemaxaic maye 'eeta'am na na'araxanaq;

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.