Cantares 3:4 - La'aqtaqa Ñim Lo'onatac 'Enauacna 2013

⁴ Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

Cantares 3:4 Iomraidhean Croise

Cantares 8:2

Qataq nache ishet da 'am sauegueua'a ye lma' aso ỹate'e, nache 'eco' taxa da 'am ñapaxaguenaxala'. Nache aỹem 'am sami' na lli'i ana ỹañiguishe granadapi qataq da 'am ñeỹomaxangui na 'onaxaic lataxa.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Proverbios 4:13

'Anasoqchiyiñi qome naua ỹapaxaguenataxanaxaco, qataq saishet da qoca'aisalo naamaye, 'auaỹamaxatteque cha'aye nachenaua nam ỹo'o't da 'arca'alaxa.

Mateo 7:7

Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Lamentaciones 3:25

Ñim Nataxala', ỹauotec cam ỹataqta pi'iỹa'a Ñimaye, qataq cam ỹataqta nmitaique Ñimaye.

Jeremías 29:13

Qataq Aỹem qanmichiỹaique qome, nache Aỹem qauanachiỹa, cha'aye imauec qome da qarquiyateỹaxaqui da Aỹem qanmichiitaique.

Isaías 45:19

Aỹem saishet da ñeqañoxottañi co'ollaq setaqa, huo'otaq da sootaigui ca napalaxa ana 'alhua. Saishet co'ollaxa da shenapega nam chegoxoguetpi so Jacob, da sheeta': ‹Qanmiche cam qaica ca hueta'a da Aỹem qanmichiỹaique. Aỹem Nataxala', aỹem sa'axat cam 'eesa, qataq ñasaxauec cam ỹaỹamaqchiguiñi lataxac.›»

Cantares 6:12

Qaỹoqtegue nache ñanom da 'eeta'am da ñeqotta'ai' so nta'a llalec.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Mateo 28:9

Huaña, nache So Jesús nachaxanalo soomaye, nache iquiita'ape. Nache soua 'alol nquigueua'alo So Jesús, nache ỹa'aroto naua l-llectel, qataq qapaloiguilo naua lchel, nache ỹo'oxoreetrac.

Cantares 7:5

Na 'arqaic qalaq 'eeta'am ñaqa'en añi qasoxonaxa Carmelo. Na 'araue qashelec qataq tocalec da lo'oxoỹaxac, ana 'anamogue nache 'eeta'am da lcoñetegueshec ca nta'a.

Génesis 32:26

Qaq huaña nache se'eso shiỹaxaua 'enapego' somaye, 'eeta': «Aỹem 'axanec, ten mashe yaqta'a da yo'oxoñi.» Nache so Jacob 'enapeco': «Saishet da 'am saxanec, da saishet da aỹem 'auasaxalec ca 'archoxonnataxanaxa.»

Romanos 8:35

Qaq da inataxanaxac 'eeta': ¿Negue't ca ishet da qomi' nqateeguesopa da lauotaxanaqtaic So Cristo? ¡Qomye qaica! ¿Peta'a na sa ỹaỹamaxañisat qataq nam que'eenaxacpi qataq na lqalaicpi? ¿Peta'a ỹañoxot de'era na nqouaxa, huo'otaq na latomaxa huo'otaq na lchecsat qataq da nleuaxa? ¡'A'i, saishet!

Romanos 8:39

huo'otaq nam na'añaxacpi maye hueto'ot na piguem qataq nam huetaña na pa'aguiñi, qataq 'enauac na laỹepi lo'onatacpi Ñim Lo'onatac 'Enauacna, ¡qaica ỹataqta qaica, ca ishet da ỹañoxot da qomi' nqateeguesopa da lauotaxanaqtaic Ñim Lo'onatac 'Enauacna maye qomi' ỹachaxanalo, ỹachegoxotchigui So Qarataxala' Jesucristo!

Cantares 1:7

Ñaq aỹem 'aua'aqtaxanem, 'am maye 'arauotaxat da ñachaalataxac, ¿chaq hua'ague naxa ca lquia'aqa' 'anqa'en na 'ana'atetpi? ¿Chaq hua'ague naxa ca nmataqa' 'anqa'en ye na'a'q laiñi? ¿Ta'ainco' da 'anshetaique da sheeta'am aca queuoxoi, da salectaigui na na'atetpi na 'araỹepi?