Apocalipsis 7:4 - La'aqtaqa Ñim Lo'onatac 'Enauacna 2013

^4-8 Ime, qaq aỹem sa'axaỹa da qanasaqtauec na le'enaqa'ate soua doce llalqa so Israel soomaye nachesoua soua Judá, Rubén, Gad, Aser, Neftalí, Manasés, Simeón, Leví, Isacar, Zabulón, José, qataq so Benjamín. Qaq ñi 'oonolec se'esoua doce ñalqa, nache qaỹa'an so doce mil nam chegoxoguet soomaye, yaqto' da ima'a't, nache ivi' ciento cuarenta y cuatro mil.

Nuevo Testamento Toba Sur

⁴ Ime, qaq aÿim sa'axaÿa so lcata yi ivi' na n'anguishicpi. 'Eeta': ciento cuarenta y cuatro mil da ima'a't na n'anguishic na llalaqpi so Israel.

Nuevo Testamento Toba Sombrero Negro

⁴ Qama'le nach'e ena'am jomachilegue jena'me liñi jogaa'me jo'ne joote nayelo da'me 'nanaĝanaĝac: qama'le nalo'taguet ciento cuarenta y cuatro mil, da'me mach'e nedo'ta't jena'me chiyoĝogueta jogaa'me doce lec'oqo'tepi ñe'me Israel.

Apocalipsis 7:4 Iomraidhean Croise

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Éxodo 28:21

Qaq que'eca coma'pi, nache ivi' doce, cha'aye ivi' doce soua llalqa so Israel. Qaq ñi 'oonolec ca coma'piolec huetalec na le'enaxatpi se'eso nhuo' le'ecpi, 'eeta'am ana na'anaxanaqte.

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.

Ezequiel 48:19

Qaq cam ỹo'ottac qome que'eca huaqta'a't nỹecpi, qalaq chegaqaigui qome 'enauac na chegoxoguetpi so Israel.

Ezequiel 48:31

Qaq ñi 'oonolec que'ecaua laso'omi ca huaqta'a't nỹecpi, nache huetalec ca le'enaxat ñi 'oonolec soua doce chegoxogueta so Israel. Qaq que'ecaua tres maye pa'aira'ague da sheu' nache ca 'oonolec huetalec qome da le'enaxat so Rubén, qaq ca lỹa qalaq huetalec ca le'enaxat so Judá, qaq ca lỹa qalaq huetalec da le'enaxat so Leví.

Zacarías 9:1

Qaq 'era da la'aqtac Ñim Nataxala', da yaqto' dataỹa'aguet ye 'alhua Jadrac, qataq ye huaqta'a't nỹecpi ye Damasco. «Ye huaqta'a't nỹecpi ye Siria lalamaxat Ñim Nataxala', qataq 'enauac na nhuo' Israel le'ecpi.

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Lucas 14:22

Qaq co'ollaq mashe ñe'eguelaq so namaxashec, nache da'aqtaxan, 'eeta': «'Am ña'aco', mashe sogote da so'ot 'enauac da aỹem 'auamaxalec, qalaxaye ñaqaiyeta ñaq huo'o ye ndaqa'.»

Lucas 22:30

nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Hechos 26:7

Nataqa'en nam llalaqpi soua sachegoxosoxogueta doce llalqa so Israel, namayepi nataqa'en iuattaique qom ivita da ipacchigui de'era qaỹachaxanapec co'ollaxa. Qaq ỹoqo'oye namayepi ỹo'oxoreetac Ñim Lo'onatac 'Enauacna 'enauaque naua na'axa'te qataq naua pe'. Qaq nachera de'era ñaquitaxac, 'am ita'a Agripa, da huo'omshe na judiopi aỹem npa'agueetega.

Romanos 9:27

Nataqa'en so na'aqtaxanaxanec Isaías co'ollaq detaxaỹa na Israel le'ecpi qalaq 'eeta': «Na'aictaxa da ỹataqta qalota na Israel le'ecpi da 'eeta'am na lsoche na delec maye hueto'ot na loigue aso auaxai, qalaxaye saq 'amaqtaq cam qanca'alaxatec.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Apocalipsis 14:1

Qaq can ime, nache qaltaq ñamatasheguem, nache sela'a So Qagueta Llalec petalec añi qaỹoqotcheguemec 'alhua le'enaxat Sión. Qaq Somaye nache hueta'aguet som ciento cuarenta y cuatro mil shiỹaxauapi maye quetague' Somaye, som qoỹettalec na latap da le'enaxat som Qagueta Llalec qataq da le'enaxat Ñim Lo'onatac 'Enauacna maye Lta'a.

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Apocalipsis 9:16

Ime, qaq sa'axaỹa ye lcata so alleppi maye nalaataxala' na caaỹo, qaq ivi' na doscientos millones.