Apocalipsis 7:1 - La'aqtaqa Ñim Lo'onatac 'Enauacna 2013

^1-3 Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»

Nuevo Testamento Toba Sur

¹ Qaq can ime de'eda, nachi sela'alo soua cuatro namaxa'shi piguem lashi', nachattrañi, hueta'alo naua cuatro llico na l'at. Soomayi nllitrañi naua l'a'chi, da yaqto' sa ishit da ÿashiidelec ana 'alhua, qataq ana auaxai, qataq ana qo'ipaq.

Nuevo Testamento Toba Sombrero Negro

¹ Mane'e ca'li yem da'me dojo', qama'le jauanalo jaa'me cuatro piyem laje' jo'ne nechateta'ñalo naa'me cuatro loiquiaqa'te jena'me aleua, qama'le jogaa'me cha'li 'nelaĝatetedañe naa'me cuatro laya'che, qaedi ja yajedelegue jena'me aleua uotaĝa ga'me noĝop let'adaic, qama'le nach'e ena'ama gaa'me ep'a, qaga'te ta'le ch'e onole da'me yajedelegue.

Apocalipsis 7:1 Iomraidhean Croise

Isaías 11:12

Qataq nauaxaỹaxaasheguem qome aca la'anaxanaqte da yaqto' nam ỹotta'a't shiỹaxauapi ila'a, nache laỹona't na Israel le'ecpi maye qaỹauega co'ollaxa ye ỹaqa'a 'alhuapi, qataq chegoqchiguiña naqa'en 'enauaque naua laỹel ana 'alhua, na Judá le'ecpi maye nlagaxattac co'ollaxa.

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

Isaías 27:8

Ñim Lo'onatac 'Enauacna iuaxan co'ollaxa nam lalamaxat nhuo' le'ecpi, qataq ỹo'orauec ca'ai naqa'en na na'alhua, ỹo'orauec irolec som ỹataqta chaqaic la'atchiỹaxac Ñimaye, maye 'eeta'am da nasheeresheguem na la'at maye chegaqa'ague da nala' lliguisheguem.

Jeremías 49:36

Aỹem ñanacot qome ca la'at da talec ne'ena nhuo' le'ecpi, chegaqa'alo naua cuatro laỹel ana 'alhua, da yaqto' ilagaxatapec nache tateugalo naqa'en nache ivitta'a da qaica ca no'onañi na 'alhuapi da saivira nam naneltaxaatacpi ye Elam.

Ezequiel 37:9

Nache Ñim nataxala' aỹem 'enapega, 'eeta': «'Auachegoxotchigui da ỹe'enaxat da 'auỹaxanaique caua na'a'che maye ỹo'ot da nca'alaxa, qoneta': Da la'aqtac Ñim Nataxala' 'eeta': 'Am na'a'che, 'auanac qome 'auachegoqteguelo naua cuatro laỹel ana 'alhua, nache 'aỹa'anem ca lca'alaxa ne'ena no'ocỹaxacpi maye leuaxaicpi.»

Ezequiel 7:2

«Aỹem Nataxala', shenapega 'enauac na na'alhua na Israel le'ecpi, sheeta': Mashe nayeetai' ye 'oga't, mashe nayeetai' ye loga't imauec ana 'alhua.

Daniel 11:4

Qalaxaye qom mashe ỹaỹamaxañi ca lo'onataxanaxac camaye, nache ca lo'onataxanaxac colaxagui qome cuatro caua lpa'axaco. Qaq da la'añaxac que'eca nta'a, saishet qome da talec ca llalaqpi, qataq nataqa'en que'eca no'onataxanaxac qaica qome ca la'añaxac, saishet da 'eeta'am cam hua'auchiguiñi, cha'aye mashe colaxagui, nache anac qome ca laỹepi nta'alpi da talec que'eca no'onataxanaxac.

Daniel 7:2

«Aỹem so sechoxootac, nache sela'alo soua cuatro la'a'che, maye ỹasheerelec naxa aso auaxai late'erai, nache ỹataqta iraxan na 'etaxat.

Daniel 8:8

Qaq som quetaq lhuaraic, ỹataqta nquictauec da la'añaxac, qalaxaye so ivita da ỹataqta lta'araic da la'añaxac, nache aso late'erai lcoue huacaguec, qaq so lma' asomaye nache chegoqchiguiñalo soua cuatro lcoue maye ilotra'ague naua cuatro laỹel ana 'alhua.

Jonás 1:4

Qalaxaye Ñim Nataxala', anacot so la'at lta'araic ỹasheerelec naqa'en aso auaxai, qaq cha'aye ỹataqta lta'araic se'eso la'at, nache 'eeta'am da huotaique dolagui naqa'en aso notaxaqui.

Zacarías 6:1

Aỹem, qaltaq huo'o so lỹa ỹauanaqchec, sela'alo soua cuatro naigona alaataxaqui', chegoqchiguinguilo soua dos qasoxonaxal maye ndota't na bronce.

Zacarías 6:5

Qaq so namaxashec aỹem ỹasateguet, 'eeta': «Ne'enaua nachenaua naua cuatro la'a'che, maye chegoqtrot Ñim Nataxala' maye lalamaqte 'enauac ana 'alhua.

Mateo 24:31

Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Marcos 13:27

Ime, nache samaqteegalo na ỹamaxashecpi da coleelec imauec ana 'alhua, da lapona't nam Aỹem quetague'pi.

Apocalipsis 20:8

Nache nnoxoosheguem da yaqto' ỹatenachet na shiỹaxauapi maye hueta'a ye Gog qataq Magog maye naigui 'enauac na ỹotta'a't shiỹaxauapi ana 'alhua. Nache so pa'aguenataxanaxaic laỹona't na nalleppi ne'ena ỹotta'a't shiỹaxauapi da yaqto' nalat naqa'en; qaq namayepi saishet da qaivi' da qanaloqten, 'eeta'am da 'eetec da saishet da ishet da qanaloqten na lsoche na delec maye hueto'ot na loigue aso auaxai.

Apocalipsis 6:6

Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»

Apocalipsis 8:7

Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.

Apocalipsis 9:14

Qaq se'eso na'aqtac 'enapega se'eso namaxashec piguem le'ec maye ỹashettapigui aso lasheere, 'eeta': «'Asore'c qome ñeua cuatro namaxa'she piguem lashe' maye qaicoñettai'salo, huetra'a ye loigue aso tala late'erai le'enaxat Éufrates.»

Apocalipsis 9:4

Ime, nache Ñim Lo'onatac 'Enauacna ỹamaxalec asomayepi da nachaqnata nam qaica ca la'anaxat na latap aso la'anaxanaqte Ñimaye da ique'emaqchet, qalaxaye saishet da huo'o ca 'ena'ac ana 'alhua qataq ana 'epaqpi qataq ana nañiguishepi.