Apocalipsis 4:2 - La'aqtaqa Ñim Lo'onatac 'Enauacna 2013

² Qaq nache saqaỹaloq da souaigui da la'añaxac So Saqcha'a Na'añaxac Qui'itta, nache sela'a aso 'eeta'am ana nso'onaxaqui na nta'a, neto'ot na piguem. Qaq asa'aso so'onaxaqui huo'o so nso'ootangui.

Nuevo Testamento Toba Sur

² Huaña, nachi aÿim souaigui da l'añaxac so Espíritu Santo, nachi sela'a aso nta'a nso'onaxaqui neto'ot na piguem. Qaq asa'aso so'onaxaqui huo'o so nso'ootangui.

Nuevo Testamento Toba Sombrero Negro

² Qanach'e ua'a da'me jayem ua'ajop da'me lañoqotaĝanaĝac ñe'me Dios Lepaqal, qama'le jauana di'me nejaliaqa' jo'ne na'ague di'me piyem, nataq'aen da'me 'uo ñe'me jo'ne ñichiñe netaue ñe'me nejaliaĝaiqui.

Apocalipsis 4:2 Iomraidhean Croise

1 Reyes 22:19

Nache so Micaía, qaltaq 'enapec: Qaq souaxat de'era 'ara'aqtac, nache nagui 'ana'axaỹaxana da la'aqtac Ñim Nataxala', 'eeta': Aỹem sauaachigui Ñim Nataxala' da nso'ootangui aso nso'onaxaqui, qaq so nalleppi Ñimaye nachattañi, huo'o so pa'ata'ague na aloic qataq na ne'emaq.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Jeremías 17:12

Nache aỹem Jeremías sheeta': Añi qanatamnaxaqui añimaye ỹataqta huo'o da llo'oxoyec, añimaye nache 'eetai' co'ollaxa da qaỹoqotcheguemec.

Ezequiel 1:26

Qaq na pa'asheguem se'eso 'eeta'am ca lapoxot, qalaq sela'a aso 'eeta'am aca so'onaxaqui maye chegaqaigui na coma' zafiro, qaq na pa'asheguem asa'aso 'eeta'am aca so'onaxaqui, qalaq huo'o so hueta'a 'eeta'am na shiỹaxaua.

Ezequiel 1:28

'eeta'am da lataxac so quemoxonalo da nachaxan huetaigui na lo'oc na piguem da ime na auot. Qaq 'era da 'eetec da aỹem nachaxana da llo'oxoyec Ñim Nataxala'. Qaq co'ollaq sela'a nache sa'alyiñi naua illecte nache seviraxata'aguet na ỹatap na 'alhua.

Ezequiel 10:1

Qaq ime nache sela'a na pa'asheguem som 'eco' 'eeta'am na lapoxot maye nalotcheguema naua lqaigo soua huo'oi naua laua't, da huo'o so netalec 'eeta'am aca so'onaxaqui maye chegaqaigui na coma' zafiro.

Daniel 7:9

Qaq so ñaq semeteetac somaye, nache qaỹauo'o aso so'onaxaquipi, nache huo'o so 'oonolec ỹa'axaiquiolec nso'ooñi. Qaq soua alogo somaye ỹataqta ỹapaga'q 'eeta'am ana aloñi, qaq na laue qalaq 'eeta'am na qui'itta qagueta laue. Qaq na le'eraxa asom nso'onaxaqui, qataq soua lasaxannal asomaye, qalaq 'eeta'am na le'eraxa na norec,

Mateo 22:43

Nache So Jesús 'eeta': –So David co'ollaq ỹachegoxotchigui da ltaunaxanaxac So Saqcha'a Na'añaxac Qui'itta so lerec, 'eeta': «Ñim Lo'onatac 'Enauacna 'enapega ñi Ỹataxala' maye Lca'aguishec, 'eeta': ‹'Anso'oota'ague qome da aỹoic, nato' qom mashe ñauec 'enauac nam 'am ipa'agueetacpi.›» Ñaq Aỹem qaua'aqtaxañim: Da so nta'a David iỹaxana da Lataxala' So Lca'aguishec Ñim Lo'onatac 'Enauacna, qaq ¿ca 'eeteco' qone' da ca Lca'aguishec Ñim Lo'onatac 'Enauacna da chegoxoguet so David? ¡Ye so David ỹamata'ac da saq 'ena'am da la'amaqchec!

Hebreos 8:1

Qaq 'era da ỹoqta ỹactec da 'onaxaic, 'eeta': Qomi' huo'o Som Lataxala' na ntaxaỹaxanaxanecpi neta'ague da piguem, nso'ootañi, hueta'ague da aloic añi nso'onaxaqui Ñim Lo'onatac 'Enauacna.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Apocalipsis 12:5

Qaq asa'aso 'alo ñiguiñi so llalec ỹale, som ỹataqta lta'araic da la'añaxac da ilo'ogue 'enauac nam ỹotta'a't shiỹaxauapi ana 'alhua. Qalaxaye se'eso llalec asomaye qaiuotaxanec, nache qaira'a cam hueta'a Ñim Lo'onatac 'Enauacna.

Apocalipsis 17:3

Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Apocalipsis 21:10

Qaq can ñaq sootaigui se'eso ỹauanaqchec maye aỹem ỹachaxana So Saqcha'a La'añaxac Ñim Lo'onatac 'Enauacna, nache som namaxashec aỹem ỹaviguisheguemec aso qaỹoqotcheguemec 'alhua. Huaña, nache aỹem ỹachaxana so lta'araic nỹecpi qui'itta le'enaxat Jerusalén, anacta chegoqo'ot na piguem, chegaqa'a cam hueta'a Ñim Lo'onatac 'Enauacna.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Apocalipsis 4:5

Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.

Apocalipsis 4:9

Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':

Apocalipsis 5:1

Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Apocalipsis 6:16

Qaq 'enauac namayepi detaqtacot ana qaỹoqotcheguemec 'alhuapi qataq na coma'pi, 'eeta': «¡Ña qomi' qaupataqaiyiñi qome, yaqto' saishet da qomi' ila'alo ñi nso'ootangui añi nso'onaxaqui! ¡Qataq saishet da ỹauo'o ca qanhuaxanaguec Ñi Qagueta Llalec!