Apocalipsis 4:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Nuevo Testamento Toba Sur

¹ Qaq aÿim Juan can ime de'eda, nachi ñamatashiguem, nachi sela'a so lasom na piguem nauattaigui. Qaq se'eso nvilÿaxac mayi 'eeta'am ana nashiide som hua'auchiguiñi da aÿim ntaqtega nachi aÿim 'enapega, 'eeta': –Ña 'annotshiguema ne'ena, yaqto' 'am sachaxana nam huotaique da nachaxan qom mashi ime de'eda.

Nuevo Testamento Toba Sombrero Negro

¹ Mane'e ca'li yem da'me dojo', qama'le jauana ga'me jom jo'ne 'nouatetaye da'me jeloje'ma di'me piyem, qama'le yitaĝa jomachiya ga'me najamaĝa jo'ne 'uaeñe da'me jomachiya ca'li, nataq'aen da'me ena'am jaga'me najeede qom qoyajediye, qama'le jayem dojapegue', enaac: “Auenidije'ma jena'me jenjo' qama'le am jaloĝonalo jogaa'me uo'oe qom'che jo'ne di'yo't qom yenoĝodegue naa'me naajo' jo'ne uo'oe nayi.”

Apocalipsis 4:1 Iomraidhean Croise

Éxodo 1:1

Qaq 'ena na le'enaxatpi so llalaqpi so Israel, maye da lỹa le'enaxat Jacob, som lỹateuo co'ollaq ivireua'a ye Egipto, qataq ñi 'oonolec somayepi nache ỹataqtac som maiche lalamaxat llalaqpi:

Éxodo 19:24

Qalaxaye Ñim Nataxala' 'enapeco': «'Asoma, 'aunotec. Qaq qom ime, nache qaltaq 'annotsheguem, 'annaictague' qome ca Aarón. Qalaxaye ye ntaxaỹaxanaxanecpi qataq ye shiỹaxauapi qonapega da saishet da napacalec so na'anec da aỹem nnotsheguema. ¡Ten qom selaxachigui yemayepi!»

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Proverbios 25:7

cha'aye no'on da maiche 'am qaỹaviguisheguema camaye, qaq saq 'ena'am da qaỹauota'a da 'ara'aloxo da 'am ỹauaachigui na 'amaqtaqaicpi. Ỹoqo'oye da huo'o ca 'auauaachigui,

Ezequiel 1:1

So na'a'q cinco so ca'agoxoic cuatro, so vi'i treinta, nache aỹem Ezequiel sooto'ot na loigue ye tala Quebar, salectaigui so ncoñeteguishecpi. Nache nque'elaxatta da nauatoigui na piguem, nache huo'o so ỹauanaqchec chegoqo'ot Ñim Lo'onatac 'Enauacna.

Mateo 3:16

nache nachelaxan. Qaq So Jesús co'ollaq ca'ai so 'etaxat, nache ila'a na piguem da nauatoigui, nache ỹauaateguet So Saqcha'a La'añaxac Ñim Lo'onatac 'Enauacna da naỹaña Somaye 'eeta'am da lataxac na qoto'.

Marcos 1:10

Qaq co'ollaq nnoxoosheguem So Jesús da chegaqangui so 'etaxat, nache Somaye ila'a na piguem da nauatoigui, qataq So Saqcha'a La'añaxac Ñim Lo'onatac 'Enauacna naỹaña Somaye, 'eeta'am na qoto'.

Lucas 3:21

Qaq co'ollaq so Juan imat da nachelaxaatac 'enauac so shiỹaxauapi, nache anac nataqa'en So Jesús da yaqto' qanachelaxan. Qaq So Jesús co'ollaq ña nqouagaxaueetac, nache na piguem nauatoigui,

Juan 16:13

Qalaxaye qom anac cam Saqcha'a Na'añaxac Qui'itta maye ỹoqta 'eesa, nache Camaye qami' ỹapaxagueneque 'enauac nam lataxaguesat maye 'eesa; cha'aye Camaye saishet da maiche nallegoxottela't ca la'aqtaxanaxac, nachaqrata da ỹa'axat 'enauac nam hua'aqchigui, qataq qami' ỹaỹaanaxanaxaneque cam ñaq naỹa'acna.

Hechos 10:11

Ila'a na piguem da 'eeta'am da nauatoigui, nache ỹauaateguet so 'eeta'am na hualoq laỹe lta'araic, qaicoñetta'a't naua cuatro ltelal da naỹaña ana 'alhua.

Hechos 7:56

Nache somaye 'enapeco': –¡Ña qauloỹa! Aỹem sela'a da nauatoigui na piguem qataq sela'a da Shiỹaxaua Llalec, damaye nachattañi neta'ague da aloic Ñim Lo'onatac 'Enauacna.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Apocalipsis 1:12

Qaq can ñamata'ague na ilaq da sechemaxata som aỹem detaqtacot, nache sela'alo soua siete ncoỹaraxanaxaqui' maye chegaqaiguilo na ndotec oro.

Apocalipsis 1:19

'Iyiñi 'enauac nam 'auauaachigui: nam mashe yo'oq qataq cam ñaq taỹa'a da yo'oq.

Apocalipsis 11:12

Ime, qaq se'esoua dos na'aqtaxanaxanaqa hua'axaỹalo so nvilỹaxac ỹataqta lamaxaraic, 'eeta': «¡Qauanaisheguemec ne'ena pa'asheguem!» Nache soomaye taresheguemec na piguem, huenoorelec so lo'oc, ỹauaachigui 'enauac nam ipa'agueetacpi soomaye.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 16:17

Qataq jec so pa'atec soua siete namaxa'she piguem lashe' da icorelec na pa'asheguem so huetagui aso ỹomaxaqui, huaña, nache chegoqoolec aso so'onaxaqui maye netaña aso no'onaxanaxaqui late'erai so nvilỹaxac ỹataqta alam, 'eeta': «¡Mashe sogote da ime!»

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.

Apocalipsis 22:6

Ime, nache so namaxashec piguem le'ec aỹem 'enapega, 'eeta': «Ne'ena na'aqtacpi ỹataqta 'eesa, qaq namayepi ishet da qaipi'iỹa'a. Qaq Ñim Lo'onatac 'Enauacna maye Nataxala' Ñim ỹanem So Saqcha'a la'añaxac nam la'aqtaxanaxanecpi nacheñi Ñim namaq na lamaxashec da yaqto' ỹachaxana na lo'onataxanaxanecpi nam mashe nayeeta'a da yo'oq.» Nache So Jesús 'enapeco':