Apocalipsis 3:3 - La'aqtaqa Ñim Lo'onatac 'Enauacna 2013

³ Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Nuevo Testamento Toba Sur

³ Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Nuevo Testamento Toba Sombrero Negro

³ Anetoviñetac da'me napaĝaguenataĝanaĝac jo'ne joote auacoñiyeguet ca'li: naqaeda oquitalegue qama'le a'niyelaqaeyot ñe'me Dios. Qalaĝaja qom ja aneloyiye qama'le ami jec'atalo qomle, da'me jadenaĝat ga'me cachaĝaic jo'ne ja qoyayaten ga'me laloqo' da'me novi', qama'le paja'a da'me ami je'uaĝa'n qomle.

Apocalipsis 3:3 Iomraidhean Croise

Ezequiel 20:43

Qaq huaña qome yemaye, nache qauennache 'enauac nam qauem qauo'oche maye ishepaxanaqchet da qarataxaqui, nache maiche qauqaiquiỹa qome dam qarataqui souaxat nam qalota qauem maye qauo'oche co'ollaxa.

Ezequiel 36:31

Qaq qom qauennache dam qauem qarataxaqui co'ollaxa, qataq nam qauem maye qauo'oche, nache maiche qami' pa'aỹo'oto qome da huo'o da qara'agaqai, souaxat nam qarasouaxashechi, qataq nam qauem maye qauo'oche co'ollaxa.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Marcos 13:33

Qaq ỹoqo'oye qami' ỹataqta qanchilỹañi qome qataq qanloitec, cha'aye sa qauaỹaañi ca laloqo' ca ỹe'eguelaxasoxoc.

Marcos 13:36

cha'aye Aỹem ishet da ñeque'elaxatta da ñevi', nache qami' selaleguete da qauo'ocheeta.

1 Ts 5:2

Cha'aye qami' mashe qauaỹaañita que'eca na'a'q maye lviraxaqui So Qarataxala'. Camaye huetoigui ca na'a'q da sa qaỹauapeque, 'eeta'am ca cachaxaic da quetagui ye pe.

1 Timoteo 6:20

'Am Timoteo, ỹataqta 'ampogoxoinapegue' da 'auaỹamaxatchiguiñi da 'aro'onataxanaxac. Saisheto' da 'ana'axaỹaxaategalo naua ltaxaỹaxaco nam saishet da ỹa'amaqten So Jesucristo, qataq saishet da 'auqocha'a nam dataỹa'agueta qataq quetapegueleguete naua qarapaxaguenataxanaxaco. Ne'ena shiỹaxauapi 'eetega da ỹaỹaten dam 'eesa lataxac,

2 Timoteo 1:13

Qoquetelco' da lataxac da 'am sami' napaxaguenataxanaxac maye no'on. Qataq saisheto' da 'axanec da 'arpi'iỹaxac Ñim Lo'onatac 'Enauacna qataq da nsoxoyec maye qomi' qoỹanema, cha'aye mashe ña'araqtaua'a So Cristo Jesús.

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

2 Pedro 1:13

Nagui da ñaq ñeca'altauec, nache aỹem sa'amaqten da maiche ỹo'onataxanaxac da qami' seuennataxanaxaategueque 'enauac de'era.

2 Pedro 3:1

Qami' ñauochaxau' ỹaqaỹa't, maye sa'amaqtenaqtac So Cristo, qami' samaxalo ana lỹa ỹere. Qaq ne'enaua dos ỹerel maye qami' samaxalo, sauotaique da qami' seqatalo da yaqto' ishet da ỹaỹamaqchiguiñi da qantoonaxaqui.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Apocalipsis 3:2

Qaq ỹoqo'oye qoñisheguem qome qataq 'ana'añaxat da 'auaỹamaxaañi na lataxacpi maye mashe huotaique da 'axaañi da 'auo'ottac, cha'aye Aỹem sela'a da mashe saishet da 'aualaxaguet Ñim Lo'onatac 'Enauacna.