Apocalipsis 3:2 - La'aqtaqa Ñim Lo'onatac 'Enauacna 2013

² Qaq ỹoqo'oye qoñisheguem qome qataq 'ana'añaxat da 'auaỹamaxaañi na lataxacpi maye mashe huotaique da 'axaañi da 'auo'ottac, cha'aye Aỹem sela'a da mashe saishet da 'aualaxaguet Ñim Lo'onatac 'Enauacna.

Nuevo Testamento Toba Sur

² Qaq 'anlouec qome, nachi 'au'añaqchit dam ñaq huo'o 'ad'onataxanaxac mayi mashi huotaique da imeuo. Cha'ayi aÿim sela'a da sa ishit da nalochiguiñi da 'ad'onataxanaxac da imeteetac ñi ita'a Dios.

Nuevo Testamento Toba Sombrero Negro

² Chane'eja aneloyiye nayi, ena'te a'uochiitac, nataq'aen a'uañaqachichi' gaa'me uo'oe jo'ne at'onataqadi' 'me yamta'le ye'm, qa'a jelotapega nayi da'me at'onataĝanaĝaqui jo'ne ja nalo'ta't, nach'eda jo'ne nach'e eta't yec'atetac joñe'me mach'e Ñedios.

Apocalipsis 3:2 Iomraidhean Croise

1 Reyes 11:4

Qaq co'ollaq mashe ỹa'axaiquiolec so Salomón, nache aso lhuapi ỹashaxanec da lquiyaqteỹaxac, nache taỹa so ỹaqa'a atamnaxala'pi, nache da lquiyaqteỹaxac mashe saishet da 'eesa da ỹalaxaguet Ñim Nataxala', qaq saishet da 'eeta'am so lta'a David.

1 Reyes 15:3

Qaq so Abián, qalaq ipacchigui da qaltaq ỹo'ottac na saỹaỹamaxañipi nasouaxashetpi maye ỹo'ot co'ollaxa so lta'a. Nache da lquiyaqteỹaxac, saishet da ỹataqta ỹalaxaguet Ñim Nataxala' maye Natamnaxala', qaq saq 'ena'am so David, maye chegoxoguet somaye.

2 Crónicas 25:2

Qaq nam ỹo'otpi so Amasías ỹataqta ỹaỹamaxareeta Ñim Nataxala', qalaxaye somaye saishet da ỹoqta no'on da lquiyaqteỹaxac.

Da na'aqtaguec so Job 16:5

Qalaxaye naua no'o'n ỹa'aqtaqa qami' ỹa'añaqche't taxa, da yaqto' qami' qaramchiguilo qataq 'añaxaiqa.

Isaías 35:3

Ña qaua'añaqchichi nam qaica ca la'añaxac, qataq qaỹa'añem da la'añaxac nam mashe nasamñi,

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Isaías 57:12

Qalaxaye sa'axat qome da 'arataxac maye 'aupettega da ỹaỹamaqchiguiñi.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Daniel 5:27

qaq ye TEKEL, naigui da 'am nta'a, mashe 'am qanaloqten qaỹauota'a aso naloqnaxanaxaqui, nache qaỹaỹaten da saishet da 'avi' yem ỹoqta 'arsallaxa ctaxa,

Zacarías 11:16

Cha'aye Aỹem sanaña qome, ne'ena 'alhua ca qagueta lo'o, maye saishet da qochetega aca qagueta maye isomapec, qataq saishet da nmitaique acam deqat, qataq saishet da nataren aca que'emaq, qataq saishet da iquia'axan aca qaica ca la'añaxac, nacherata da chec qome na lapat aca ỹataqta chaxarai, nache ỹataqta qaica ca no'onaxatañi ivira'alo naua nna'ache.»

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Mateo 25:7

Nache 'enauaque se'esoua qa'añel ñiyishegue'm, nache ỹaỹamaxaayiñi soua lcoỹaraxanaxaqui'.

Hechos 18:23

Qaq co'ollaq mashe huo'oi soua na'axa'te da hueta'a yemaye, nache qaltaq inoxonec, quetaguilo yeua 'aleu' Galacia qataq ye Frigia, da ỹa'añaqchettac 'enauac na 'amqaanataxanaxaicpi.

Deuteronómio 3:28

Qaq nacherata da 'auapaxaguen qome, 'aua'añaqchet, qataq qaramchigui 'anqa'en so Josué, cha'aye nacheso qome so lataxala' ne'ena nhuo' le'ecpi, qataq ỹanem qome yi'iye 'alhuapi maye choche 'aumeten nagui.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Apocalipsis 2:4

Qalaxaye ñaqaiyeta huo'o da sa saỹamaxaren da qoneta, cha'aye mashe saishet da ỹoqta 'eesa da Aỹem 'auauotec, saq 'ena'am dam hua'auchiguiñi 'arauotaxanaqtaic Aỹem can ñaq cheta'ague da 'aua'amqaanataxan.

Apocalipsis 3:1

«'Auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Sardis. Qoneta': ‹Aỹem maye Aỹem hueto'oto soua siete saq cha'alo la'añaxaco Ñim Lo'onatac 'Enauacna qataq soua siete huaqaañi: Ñaq 'ana'axaỹaxana dam 'am sa'axatem: Aỹem saỹaten 'enauac nam 'auo'ottacpi, qataq saỹaten da 'ana'aqtaguec da qoỹeetega Aỹem 'aualaxaguet. Qalaxaye de'era saishet da 'en.

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.