Apocalipsis 3:11 - La'aqtaqa Ñim Lo'onatac 'Enauacna 2013

¹¹ Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Nuevo Testamento Toba Sur

¹¹ Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Nuevo Testamento Toba Sombrero Negro

¹¹ Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.

Apocalipsis 3:11 Iomraidhean Croise

Sofonías 1:14

¡Mashe sa qaỹapeque na lta'araic na'a'q maye lviraxaqui Ñim Nataxala'! ¡Mashe sa qaỹa'aguet, ỹataqta huo'o da lỹalaxa! Ỹataqta chaqaic da l-llimiaxa ca lviraxac Ñim Nataxala': ¡ỹoqo'oye ivira'a qome na ỹataqta 'añaxaicpi da ỹa'alaq!

1 Corintios 9:25

'Enauac na naỹamaxattac da taua'a ca qomitaxac, ỹataqta ndeneguet 'enauac nam ishet da na'aqchet. Qaq namayepi 'eetec de'era, cha'aye nshetaique da nauec cam qanallettapigui maye nataqa'en taỹa'a da imeuo. Qalaxaye qomi' sauoqtaique da ñauegaq cam qanallettapigui maye saishet da huo'o ca loga't.

Filipenses 4:5

Qaq 'enauac qome na shiỹaxauapi ỹataqta qami' ỹauattoote' qom qami' huotaxanaqtaqaiqa. Cha'aye So Qarataxala' mashe saqaỹapeque da nvi'.

2 Timoteo 2:5

Qaq nache 'ena'am ca ỹale da huo'otaq taua'a da qomitaxac, camaye saishet da nauec ca qanallettapigui da huo'otaq sa ipaguelec da ỹoqta lataxac da qomitaxac.

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

Santiago 5:9

Saishet qome da huo'o ca quetapeguelec ca lỹa, yaqto' Ñim Lo'onatac 'Enauacna saishet da ỹauo'o ca qanhuaxanaguiiqui, cha'aye Ñimaye nacheñi Ñim qomi' nmi't qataq saqaỹaloq da nvi'.

Apocalipsis 1:3

¡Ñim Lo'onatac 'Enauacna ỹami' da nqouagaxa cam itaxaỹaxan de'era na'aqtaxanaxac da ỹalectaigui na laỹepi shiỹaxauapi! ¡Qataq nataqa'en ỹaalec da nqouagaxa 'enauac nam na'axaỹaxaatega de'era na'aqtaxanaxac qataq ỹalaxaguet! ¡Mashe nayeetai' ca na'a'q da Ñim Lo'onatac 'Enauacna ipacchigui naqa'en 'enauac ne'ena ỹa'axattac ana'ana nere!

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Apocalipsis 22:12

«¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Apocalipsis 4:4

Nataqa'en huo'oi soua veinticuatro lỹa't so'onaxaqui', maye coleesopa aso late'erai so'onaxaqui. Qaq soomaye nso'ootanguilo soua veinticuatro nqueroxonqa. Qaq se'esoua nqueroxonqa ỹaatrañi naua alogo maye qaica ca 'ena'am da lapagaqa', qataq naua naro'ol ndotec ana chegaqaigui na oro.