Apocalipsis 2:4 - La'aqtaqa Ñim Lo'onatac 'Enauacna 2013

⁴ Qalaxaye ñaqaiyeta huo'o da sa saỹamaxaren da qoneta, cha'aye mashe saishet da ỹoqta 'eesa da Aỹem 'auauotec, saq 'ena'am dam hua'auchiguiñi 'arauotaxanaqtaic Aỹem can ñaq cheta'ague da 'aua'amqaanataxan.

Nuevo Testamento Toba Sur

⁴ Qalaxayi aÿim huo'o da sa saÿamaxaden da qoneta, cha'ayi ¿tá'ainco'? Yi sa ishit da natenguet som hua'auchiguiñi lataxac da 'adauotaxanaqtaic.

Nuevo Testamento Toba Sombrero Negro

⁴ Qalaĝaja 'uo da'me jo'ne ja ami 'te ja'amaqateneque: queda'me male jaleca da'me adoqopich'ii nayi, ja ena'am da'me jo'ne 'uaechiñe.

Apocalipsis 2:4 Iomraidhean Croise

Mateo 25:7

Nache 'enauaque se'esoua qa'añel ñiyishegue'm, nache ỹaỹamaxaayiñi soua lcoỹaraxanaxaqui'.

Filipenses 1:9

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac,

2 Ts 1:3

Qami' qarqaỹa't, ỹataqta nache 'eetai' naxa da sanaqtacot da qana'achecỹaxac Ñim Lo'onatac 'Enauacna souaxat da qoñiita. Qaq damaye nache lataxac, qaq ỹoqo'oye qami' ỹataqta nquictasheguem da qarpi'iỹaxaqui Ñimaye qataq ñi 'oonolec ỹataqta nquictasheguem da lauotaxanaqtaic ñi lỹa.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.