Apocalipsis 2:3 - La'aqtaqa Ñim Lo'onatac 'Enauacna 2013

³ Qataq ỹataqta huo'o da 'anhualaxaunaxac. Qataq souaxat da Aỹem 'aualaxaguet, nache lta'araic da 'anque'eenaxac. Qalaxaye na'aictaxa da nache 'eetec de'era, qalaq ñaq 'eetalec da saishet da 'anasamiisop da Aỹem 'aualaxaguet.

Nuevo Testamento Toba Sur

³ Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.

Nuevo Testamento Toba Sombrero Negro

³ Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

Apocalipsis 2:3 Iomraidhean Croise

Salmos 37:7

Ỹataqta 'añe'emaxat da qoueto'ot Ñim Nataxala', qataq 'auauo'o da 'arhualaxavic da 'auata'a da 'am itauan Ñimaye. Saishet da 'am inogoqchet ca huo'o da na'achecỹaxac, huo'otaq ca lapaqtapiguiñi na qauemsat.

Salmos 69:7

Cha'aye souaxat da qoneta, nache ñeque'etaxangui da ñesheunaguec, da ỹa'aloxo qalaq ỹapolec da ỹashiguiỹaxac,

Miqueas 7:9

Qaq aỹem ña'añaxateguet qome da layeloxo Ñim Nataxala', cha'aye aỹem huo'o da ỹasouaxashet hueto'ot ñimaye, qaq ñimaye aỹem nmit qome nache ivitta'a da aỹem ỹo'otec ca ỹaỹamaqchiguiñi lataxac. Qaq ñimaye aỹem ỹauegueuga qome ca ỹo'oqchiguiñe, qataq aỹem ỹachaxana da nalochiguiñi lo'onataxanaxac.

Marcos 15:21

Nache so huataxanaqpi nnaicapegue' So Jesús, qaq co'ollaq huangui so nqa'aic, nache qanatena'aguet so ỹale le'enaxat Simón, somaye lma' co'ollaxa ye Cirene. So Simón, nache llalqa so Alejandro qataq so Rufo, somaye chegoqtauga na no'onaxa, nache so huataxanaqpi 'enapega da ỹache so npe'enaxala' So Jesús.

Lucas 14:27

Qataq ca Aỹem quegue, da huo'otaq saishet da lhuennataxa da Aỹem ileetalec, qaq camaye saishet da ỹapaxaguenatac.

Lucas 18:1

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Lucas 21:19

Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Lucas 5:5

Nache so Pedro 'enapeco': –'Am Napaxaguenataxanaq, qomi' imauec so pe da sha'acoqtac, qalaq qaica ca qaralliiguishec. Qalaxaye 'am da aỹem 'auamaq, nache nagui sasaxañi na ỹaleguec.

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Romanos 12:12

Nagui da ñaq qauacheetaique Ñim Nataxala', nache qauachaxañi da qaramaicỹaxaqui. Qataq da huo'o ca qanque'eenaxaqui souaxat Ñim Nataxala', nache qauauo'oi ca qanhualaxaunaxaqui. Qataq da qanqouagaxauñiitacot Ñim Nataxala', nache qauachaxañi da nache qoquiito'ot da qanqouagaxaunaxaqui.

Romanos 16:12

Nataqa'en samaxa da iquinaxanaxac aca Trifena qataq aca Trifosa maye do'onataxaatracot Ñim Lo'onatac 'Enauacna. Nataqa'en aca ñauochaxaua qarqaỹa Pérsida, maye nataqa'en qalota da lo'onataxanaxac da do'onataxaatacot Ñim Lo'onatac 'Enauacna.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Romanos 8:25

Qalaxaye da huo'o ca seuataqtaique da saxanaxa da selaqa'a, nache iuen da huo'o da qarhualaxavic da seuataqtaique.

1 Corintios 13:7

Ca huo'o da lsoxoyec, camaye nala'aguet 'enauac na chochaqna ivireguet.

1 Corintios 16:16

Ỹoqo'oye ñeshetaique da qami' ỹataqta qaualaqailec ca shiỹaxaua maye 'eeta'am na Estéfanas, qataq nataqa'en 'enauac nam detaunaxaatac qataq do'onataxaatacot Ñim Lo'onatac 'Enauacna, 'eeta'am namaye.

2 Corintios 10:15

Qataq saishet da ñepa'axanapeguelec ca lo'onatac ca lỹa shiỹaxaua da huo'otaq se'enaxatteguem ca maiche ỹalamaxat. Nachaqrata da aỹem ñaquitta'a da nquic da qarpi'iỹaxaqui Ñim Lo'onatac 'Enauacna, yaqto' aỹem ishet da nquictec da ỹo'onataxanaxac da qoñiita. 'Era da sauotaique da seviraxata'a da ỹo'onataxanaxac.

2 Corintios 11:23

¿Namayepi peta'a lamaxashecpi So Cristo? Qaq da nache 'eetec, nache aỹem ỹactec da ñapactelec namayepi, qaq na'aictaxa da 'eco' huo'o da aỹoic da shenapec de'era. Qalaxaye aỹem ỹactec da ỹo'onataxanaxac, saq 'ena'am namayepi. Ỹactec da ñeuaxanaguec, qataq ỹactec da ñecoñetaguec. Qalota da sootaigui da lchec da nleuaxa.

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

2 Corintios 4:16

Qaq ỹoqo'oye saishet da saq ña'añaxataq. Na'aictaxa da taỹañicra da la'añaxac da qaro'ocỹaxac, qalaxaye dam saqcha'a qarca'alaxa nquictasheguem da la'añaxac.

2 Corintios 5:9

Qaq ỹoqo'oye, ñepogoxoinaqtapegue' da qomi' salaxasoxoguet So Qarataxala' nagui da ña ñachaataqtaigui da qaro'ocỹaxac, huo'otaq da mashe saishet da ñachaataqtaigui.

2 Corintios 6:5

Qataq qomi' qaiuaxaata'ape qataq qomi' qaicoñe't, qomi' qaicogaxaata'ape qataq ỹaguec da qaro'onataxanaxac, ivira'a da saishet da so'ochaq qataq seqouataq.

Gálatas 6:2

Da qaviyeeguet ca lqalaic, nache ñi 'oonolec iuen da itauan ca lỹa. 'Era da lataxac da qaỹalaxaguet na lqataxacpi So Cristo.

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

Filipenses 2:16

Saishet da qaỹa'axañiiñi da qaua'amaqchiñiitac de'era na'aqtac maye chegaqaigui da nca'alaxa. Yaqto' aỹem ishet da qami' ña'amaqteetaleguete que'eca na'a'q qom ñe'eguelaq So Cristo, qataq saỹateeta de'era ỹo'onataxanaxac, qataq de'era ña'añaxataxac da saishet da saqca ca naigui.

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Colosenses 1:11

Qataq ỹachegoxotchigui da lta'araic la'añaxac Ñimaye da qami' 'añaxaiqa naqa'en, da yaqto' huo'o da qanhualaxaunaxaqui qataq ishet da qanaloỹa'aguet 'enauac na lqalaiguesat. Huaña, nache ỹataqta lta'araic da qantonaxaqui,

1 Ts 2:9

Qami' qarqaỹarolqa, aỹem sepeta'a da qami' qantooñita'ac da qapa'atta qaro'onataxanaxac da yaqto' ñauegaq ca qarhuenec. Cha'aye naxa da sa'axataqtac da no'on na'axaỹaxac maye chegoqo'ot Ñim Lo'onatac 'Enauacna, nache nataqa'en so'onataxanaqtac ye na'a'q qataq ye pe yaqto' saishet da huo'o ca qomi' ime'egueta da qomi' itauaategueque ca qarhuenec.

1 Ts 5:12

Qami' qarqaỹa't, qami' ñachoxorenaqtoto da ỹataqta qauauo'oi naq 'enec na lataxala'pi na 'amqaanataxanaxaicpi. Cha'aye namayepi ỹataqta ỹauo'o da na'añaxataxac da qami' ỹapaxagueetegueque da lataxac da na'amqaanataxanaxac.

2 Ts 3:13

Qami' qarqaỹa't, saisheto' qome da qanasamiiñi da qauo'ocheetac ca ỹaỹamaqchiguiñi.

2 Ts 3:5

Huo'o da qaryaxa da So Qarataxala' qami' itauneque da ỹataqta qauauochec na laỹepi shiỹaxauapi, 'eeta'am Ñim Lo'onatac 'Enauacna da ỹauotec 'enauac namayepi, qataq da qami' ỹanema da qara'añaxaqui da yaqto' ishet da qauataiỹa'aguet 'enauac da qanque'eenaxaqui, qoñiita'am So Cristo da nala'aguet co'ollaxa na nque'eenaxacpi.

2 Ts 3:8

qataq saishet da choche sacheguenaqtac ca aloq ñi 'oonolec da qoñiita da huo'otaq sa sesheetenaq. Nachaqrata da so'onataxanaqtac, ñasamaqtañi naua na'axa'te qataq naua pesa'ache, cha'aye sauoqtaique da saishet da huo'o ca ime'eguet da huetapegueto qomi'.

1 Timoteo 4:10

Qaq nachera da huo'omshe ña'añaxataqtac, cha'aye mashe hueto'ot Ñim Lo'onatac 'Enauacna da qanaquitaxac. Ñimaye maye nache 'eetai' da nca'altauec, qataq nacheñi ñi lca'alaxaqui 'enauac nam ỹa'amaqten Ñimaye, qalaxaye nataqa'en 'enauac na laỹepi shiỹaxauapi.

1 Timoteo 5:17

Ca nataxala' da ỹataqta ỹaỹaten da ilo'ogue na 'amqaanataxanaxaicpi, camaye ỹataqta qaỹauotec qome qataq qaipagaqchiichigui da lashiichiỹaxac da lo'onataxanaxac. Lamaaxa da ỹataqta nañaneguet da la'aqtaxanaxac qataq da lapaxaguenataxanaxac da ỹa'axattac da no'on na'axaỹaxac.

Hebreos 10:36

Ỹataqta qami' 'añaxaiqa qome saishet da huo'o ca chegoqchigui qanqa'eñi da qaỹa'axañiiuec da qarpi'iỹaxaqui da qoviitaigui da qanque'eenaxaqui, yaqto' qaupaquiitelec da qauo'oche dam 'eetapeguec Ñim Lo'onatac 'Enauacna qataq qauacoñiiguet dam qami' ỹachaxanapecoto Ñimaye.

Hebreos 12:1

¡'Enauac se'eso shiỹaxauapi nagui qomi' datataua'alo da qomi' ỹachaxaategalo da lpi'iỹaxac! Qaq ỹoqo'oye naua vi'iye maye souaqtaiguilo iuen da saxanaxañi da so'otaqtac ca qarasouaxashet, nataqa'en ño'onaxataqchigui 'enauac nam saishet da qomi' ỹalemaxa't, nache semataqo'ot Ñim Lo'onatac 'Enauacna da qanaquitaxac. Cha'aye de'era achaalataxac 'eeta'am ca qomitaxac, qaq da ñe'etaxaloxo qalaq 'eeta'am da lpattapiguilo naua qarchel da saishet da qomi' ỹashenema da ñeqalgoxosoq.

Hebreos 13:13

Qaq ỹoqo'oye nataqa'en qomi' iuen da qarỹatec So Jesús da ñeuanaqaua'a de'era ne'enaguec maye qaỹo'otec co'ollaq qaiuaxaneguet so npe'enaxaqui.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Hebreos 6:12

Qataq sa saỹamaxarenaq da qavi'eguelaqaỹa da qami' hualaicpi. Nachaqrato' da saishet da huo'o ca huaña da qauqolectaxañi, qoquiitegue da lataxac som huo'o da lpi'iỹaxac Ñim Lo'onatac 'Enauacna, cha'aye da nache qoñiitec de'era, nache qauacoñiiguet dam qami' ỹachaxanapeguema Ñimaye.

Hebreos 6:15

So Abraham huo'o da lhualaxavic co'ollaq iuattaique de'era, qaq Ñim Lo'onatac 'Enauacna ỹataqta ipaqueelec co'ollaxa de'era ỹachaxanapec.

2 Pedro 1:6

qataq ñi 'oonolec da qoñiita da nala'agueta da nllerañi naua qauema lqopitaxanaqtaico. Qataq qauauo'oi da qarhualaxaviqui, qataq qaỹa'añiỹot da qanachaalataxaqui Ñim Lo'onatac 'Enauacna,

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.