Apocalipsis 11:3 - La'aqtaqa Ñim Lo'onatac 'Enauacna 2013

³ Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Nuevo Testamento Toba Sur

³ Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.

Nuevo Testamento Toba Sombrero Negro

³ Qama'le jamaĝalo'te qomle gaa'me dos 'yaqataĝanaĝanaqa jo'ne uo'oe gaa'me louo jo'ne napidalo'te, qaedi 'yaĝatetedac na'me 'yaqataĝanaĝac chayovida'a qom nalo'taguet da'me mil doscientos sesenta naa'me noloqo'ote.”

Apocalipsis 11:3 Iomraidhean Croise

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

2 Samuel 3:31

Qaq co'ollaq ime de'era, nache so David 'enapega so Joab, qataq so nnaictague' laỹepi, 'eeta': «Qancolaxachiỹa'aisalo qome naua qorogolli', nache qaỹa'añiiñi na quesaxaguet nogoxot da qauo'oche da lataxac da nasouaxac, souaxat da l-leuaxa ye Abner.» Nache so nta'a David, ca'attaueegue co'ollaxa aso laỹe' so Abner,

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

2 Reyes 19:1

Qaq so nta'a Ezequías co'ollaq hua'axaỹa de'era, nache ncolaxata'alo soua alogo, nache ỹaayiñi soua sansatte' alogo souaxat da nqui'ic, nache taua'a aso atamnaxaqui maye lalamaqte Ñim Nataxala'.

1 Crónicas 21:16

Qaq co'ollaq namatasheguem so David, nache ila'a so lamaxashec piguem le'ec Ñim Nataxala', da huaỹoteguelec na piguem qataq ana 'alhua, nasoqta'a so lainec, nache ỹareetalec ye Jerusalén. Huaña, nache so David, qataq so nqueroxonecpi, ỹaayiñi naua sa nsattegueta logo, nache nqollemta'aguet na 'alhua.

Nehemías 9:1

Qaq so na'a'q veinticuatro se'eso ca'agoxoic siete, nache so Israel le'ecpi qaltaq ỹo'ot so laponaxac da yaqto' nqouaqchet, qataq ỹaatrañi soua sansatte' alogo qataq imeelec na lqaic so alo,

Da na'aqtaguec so Job 16:15

Aỹem nlaqchigui da ỹaquicoxo, nache saayiñi soua aỹogo ỹasouaxaqui', nache sa'areguet na ỹaqaic na 'alhua.

Salmos 69:11

Qataq da saayiñi naua anogo nasouaxaqui', nache aỹem qane'eetapigui.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Jeremías 1:10

«Aỹem sanaigui na 'ap naua ỹa'aqtaqa. Nagui 'am sanem da huo'o da qonec, da 'aulo'ogue na nta'alpi qataq na ỹotta'a't shiỹaxauapi, da yaqto' ishet da 'anqat qataq 'auamaxañi, qataq da 'anlaxaañi qataq 'aulaxachigui, qataq nataqa'en ishet da 'ano'oxoosheguem qataq 'aỹa'aañi.»

Lamentaciones 2:10

Som ỹa'axaiquipi maye nataxala'pi yem huo'o da lyac Sión, qalaq choche ñe'emaxat, nso'ona'aguet na 'alhua qataq imettalec na lqaic na namoxoỹaxa, qataq ỹaatarañi naua sansattegueta alogo. Qaq nam qa'ampiolec ye Jerusalén qalaq naqtañi saishet da nlosheguem souaxat da la'aloxo.

Ezequiel 4:6

Qaq qom inoxoorec que'ecaua na'axa'te, nache qaltaq 'apa'axaañi na 'oiguishec 'araỹe da 'annaañi, nache 'anỹoxola't na lasouaxashetpi na nhuo' le'ecpi ye Judá, nache ivittrec caua cuarenta na'axa'te. 'Oonolec na'a'q ye 'oonolec vi'i na lasouaxashetpi namaye.

Daniel 12:7

Qaq so shiỹaxaua maye ỹaatrañi soua alogo maye chegaqaiguilo na lino, ỹaayeshigue'm naua lhuaxaye ỹachaxanoto na piguem, nache ỹan so la'aqtac ỹachegoxotchigui da le'enaxat Ñim Lo'onatac 'Enauacna maye Nca'altauec, nache, 'eeta': Qom inoxoore'c caua tres y medio vi'iye, qom mashe vi'iiguet da nlaqtaguec da la'añaxac nam nhuo' le'ecpi, huaña qome nache ime de'era.

Daniel 7:25

Qataq isheueetac qome Ñim Nataxala' maye Nataỹaña 'Enauacna, qataq nquigaxattañi qome nam nhuo' le'ecpi maye lalamaxat Ñimaye, qataq nmitaique qome ca lataxac da naralaxat na lqataxacpi Ñim Lo'onatac 'Enauacna, qataq nam lataxacpi da na'amqaanataxanaxac, nache na nhuo' le'ecpi maye lalamaxat Ñim Lo'onatac 'Enauacna, huetalec qome da la'añaxac camaye, choche ivittre'c caua tres vi'iye qataq ca laiñi ca lỹa vi'i.

Daniel 8:14

Nache so lỹa namaxashec piguem le'ec ỹasat, 'eeta': «Qomye qom ivittrec caua dos mil trescientos avit, qataq nte'eta, nache qaiqui'itaxat qome añi atamnaxaqui.»

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Jonás 3:5

Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Jonás 3:8

Nacherata da 'enauac na shiguiỹacpi da qaỹauo'o ca lapo', qaq na shiỹaxauapi qalaq ỹaayiñi qome caua sansatte' alogo, maye naigui da huo'o da nqui'ic, nache iỹaxanot Ñim Lo'onatac 'Enauacna, qataq ñi 'oonolec ỹaxanec qome ca qauem lataxac, qataq da layeloxo.

Números 11:26

Nache se'eso qanayeuta'a npe'lpi, dos soua no'oirañi nqueroxonqa maye ỹalectaiguilo se'eso setenta nca'aguishecpi, nache saishet da taua'alo so npe'l maye huaña da qanauane' Ñim Nataxala'. Qaq 'oonolec so le'enaxat da Eldad, qaq so lỹa Medad, soomaye nataqa'en taiguilo so laỹe so Saqcha'a La'añaxac Ñim Nataxala', nache da'aqtaxaata'ape soomaye 'eeta'ama ca na'aqtaxanaxanec.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Mateo 18:16

Qalaxaye camaye da saishet da 'am ỹalaxaguet, nache 'am 'auỹaxana ca 'oonolec, huo'otaq caua dos nam Aỹem ca'attague'pi yaqto' 'ara'aqtaxanaxau'. Cha'aye ana nere maye huetalec na la'aqtacpi Ñim Lo'onatac 'Enauacna, dapaxaguenataxanec da huo'o ca 'eeta'am de'era, nache qaiue'n caua dos huo'otaq caua tres da da'aqtaxa'n.

Lucas 10:13

So Jesús nataqa'en, 'eeta': «Qami' maye qoñiitaña na nỹecpi Corazín ¡ỹataqta qauem da qa'aita'ague! ¡Nataqa'en qauem da tata'ague na shiỹaxauapi maye netaña ye nỹecpi Betsaida! Cha'aye nam so'otpi maye sa qaỹauanapega maye qami' huaiguilo, taxa da so'ot da huaigui ye nỹecpi ye Tiro qataq ye Sidón, nache salcoshe'eguectaxa da yeemaye naralaxa't da lataxa'c. Qataq ỹaayiñi naua alogo maye qaica ca lya'c qataq imeeleguete naua lqaigo da ỹachaxan da ntogotaxac.

Lucas 24:48

da qami' qaua'axacheeuec 'enauac de'era qarauanaqchiqui.

Juan 15:27

Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

Juan 3:27

Nache so Juan 'enapegalo soomaye, 'eeta': –Qaica ca shiỹaxaua maiche nallegoxottela't da huo'o ca ỹo'ot da huo'otaq saishet da ỹanem Ñim Lo'onatac 'Enauacna camaye.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Hechos 13:31

Nache ỹataqta huo'oi soua na'axa'te da nachaxaategalo soua lapaxaguenataqa maye ỹataqta nnaigaxau' co'ollaq chegoqchiguiña ye 'alhua Galilea, choche ivitta'a ye nỹecpi ye Jerusalén. Qaq nagui nachesoua soomaye som da'aqtaxaatapeguema na shiỹaxauapi de'era.

Hechos 2:32

Qaq ỹoqo'oye Ñim Lo'onatac 'Enauacna qaltaq nca'alec naqa'en So Jesús. Qaq de'era 'enauac da shenaqta sauanaqchigui.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

1 Corintios 12:28

Na 'amqaanataxanaxaicpi, Ñim Lo'onatac 'Enauacna ỹami' da lo'onataxanaxac ñi 'oonolec namayepi. Ỹamataxaachiguiñi na lamaxashecpi So Jesús. Ime, qataq jec na la'aqtaxanaxanecpi Ñim Lo'onatac 'Enauacna. Ime, qataq jec na dapaxaguenataxanapecpi. Nataqa'en nam ishet da ỹo'ot na sa qaỹauanapega. Ime, qataq jec na ishet da nataren na sa no'on, qataq na itaunec da lhuenaxanaxa ca lỹa, qataq na ishet da nataxala'. Ime, qataq huo'o na ỹanem da ishet da detaxaiguilo naua na'aqtaqa sa qaỹauanapegalo.

2 Corintios 13:1

Qaq mashe ivi' tres nagui da she'eguelaxalec da qami' ñeqo'onalo. Qaq qantooñita'aque qome naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eetra': Da qaỹauo'o ca lasouaxashet ca nỹa, qalaq iue'n caua dos huo'otaq tres shiỹaxau' da da'aqtaxa'n.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Deuteronómio 17:6

«Qalaxaye iuen da dos huo'otaq tres caua shiỹaxau' maye ỹa'axa't da ỹauaachiyigui camaye, nache camaye ishet da qaỹalauat, qaq da huo'otaq 'oonolec shiỹaxaua ca da'aqtaxan, nache saishet da qaỹalauat camaye.

Deuteronómio 19:15

Ca 'oonolec shiỹaxaua da ỹa'axat da ỹauaachigui ca lỹa da dalaataxan, huo'otaq ỹo'ot ca sa ỹaỹamaxañi, nache saishet da qaỹa'amaqten ca la'aqtaxanaxac. Cha'aye da nache 'eetec de'era, nache iuen da dos huo'otaq tres caua ỹa'axa't cam ỹauaachiguilo.

Apocalipsis 11:2

Qalaxaye saishet qome da 'analoqten ye nqasoxoc añi no'onaxanaxaqui, cha'aye yi'iye ndaqa' sanem nam saishet da ỹa'amaqten Aỹem. Namayepi ilo'ogue qome ye Jerusalén iviraxattre'c caua tres vi'iye qataq laiñi ca lỹa vi'i.

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

Apocalipsis 12:6

Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Apocalipsis 13:5

Qaq se'eso shiguiỹac leguemaxaic qaỹasheetem da 'eetega 'amaqtaqaic qataq da ỹa'axat da 'eetega nacheñi Ñim Lo'onatac 'Enauacna. Qataq nataqa'en qoỹami' da lo'onataxanaxac ca nta'a iviraxattre'c caua cuarenta y dos ca'agoxoiqa.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.