Apocalipsis 10:2 - La'aqtaqa Ñim Lo'onatac 'Enauacna 2013

² Qaq na lhuaq qalaq nasoqta'a aso nerole ỹauattagui. Qaq so namaxashec piguem le'ec can vi'iiguet, nache na lapia' maye aloic petalec naqa'en aso auaxai, qaq na ne'emaq qalaq petalec naqa'en na 'alhua.

Nuevo Testamento Toba Sur

² Nataq'en lasoqta'a aso nedole ÿauattagui. Nachi na lapia' mayi aloic petalec naq'en aso auaxai, qataq na n'emaq, qalaq petalec naq'en na 'alhua.

Nuevo Testamento Toba Sombrero Negro

² Lajoqot'a jajo'me nede jo'ne 'nouatetaye, qama'le yachetañgui jo'me lapia' jo'ne yayaten joga'me noĝop let'adaic, qama'le jo'me 'nemaq yachetalegue jena'me lañaĝa.

Apocalipsis 10:2 Iomraidhean Croise

Salmos 2:8

Qaq aỹem 'auỹaxanot qome, nache 'am sanem na ỹotta'a't shiỹaxauapi da yaqto' 'aralamaxatpi, qataq ivira'alo qome naua loga'te ana 'alhua da 'am sanem da 'aralamaxat.

Salmos 65:5

'Am Atamnaxala' qataq 'am qarca'alaxaqui 'am qomi' 'auasategueta ỹataqta qaica ca 'ena'am da la'amaqchec da ỹaỹamaqchiguiñi maye 'auo'ot. Qaq 'enauac na netalec ana 'alhua ỹataqta 'am pi'iỹa'a qataq na netaleguete naua qaỹoqtalo auaxai.

Isaías 59:19

Qaq 'enauac qome ana 'alhua, chegoqchiguiña da nala' lliguisheguem, nache ivira'a da nala' lliguiñi, da huo'o naq 'enec naqa'en Ñim Nataxala' qom ila'a da la'amaqchec, cha'aye Ñimaye qom anac qalaq 'eeta'am aso tala da ỹa'auat, souaxat da ỹasheerelec na la'at maye huo'o da la'añaxac.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Apocalipsis 10:5

Qaq som namaxashec piguem le'ec maye selota'a petalec na 'etaxat qataq na 'alhua, somaye ỹachaxanot na piguem na lhuaq aloic.

Apocalipsis 6:1

Qaq co'ollaq choche nqat aso 'oonole soua siete na'anaxanaqtel se'eso Qagueta Llalec, nache aỹem sa'axaỹa so 'oonolec se'esoua cuatro shiguiỹa'c maye nca'altraue'c da lavilỹaxac 'eeta'am na nalataxa, 'eeta': «¡'Aỹala, ña 'anquigueuo!»

Apocalipsis 6:3

Qaq se'eso Qagueta Llalec, can qaltaq nqat aso lỹa na'anaxanaqte, nache sa'axaỹa da la'aqtac so lỹa shiguiỹac maye nca'altauec, 'eeta': «¡'Aỹala, ña 'anquigueuo!»