Apocalipsis 1:8 - La'aqtaqa Ñim Lo'onatac 'Enauacna 2013

⁸ Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Nuevo Testamento Toba Sur

⁸ Qaq 'enapec ñi qadataxala' Dios: “Aÿim mayi nachaÿim l'atchiguiñi, qataq nachaÿim pa'ateec, shiita'am aca l'auaxana ana leetrapi qataq aca pa'ateec.” Qaq 'eda da 'enapec ñim qaica ca ÿaqalanapec, ñim nachi 'eetai' da huo'o, qataq ñim do'onataxaatac nagui, qataq naÿa'cna.

Nuevo Testamento Toba Sombrero Negro

⁸ “Naqayem jo'ne je'uaechiñe nataq'aen da'me naqayem jo'ne jep'ategue,” naq'aeta da'me 'laqatac joñe'me Jaliaĝanec Dios jo'ne qaya'te yaqalaatac, joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa.

Apocalipsis 1:8 Iomraidhean Croise

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 48:3

Nache 'enapega so José, 'eeta': «Ñim Lo'onatac 'Enauacna maye Qaica ca Ỹaqalanapec, aỹem nachaxana co'ollaq huaña ye huaqta'a't nỹecpi ye Luz yem huetaigui ye 'alhua Canaán, nache aỹem ỹaalec da lchoxonnataxanaxa,

Génesis 49:25

¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Isaías 41:4

¿Negue't co'ollaxa cam ỹo'ot de'era lataxac? qataq ¿negue't ca ỹo'ot da llecỹaxac nam shiỹaxauapi dam chegoqta'ague? Aỹem Nataxala', nachaỹemta da Aỹem Atamnaxala', Aỹem sa'auchiguiñi qataq sepa'atec.

Isaías 43:10

Qaq Ñim Nataxala' 'eeta': «Qami' maye qami' ỹa'aqtaxanaxanaqa, qataq qami' ỹamaxa'she, maye qami' lleca'agui'she, da yaqto' Aỹem qauauattoñi qataq Aỹem qaupi'iỹa'ai, qataq da yaqto' qauaỹachiñi negue't Aỹem. Qaq qaica co'ollaxa ca lỹa atamnaxala' co'ollaq saxanaxa da Aỹem yo'oq, qataq saishet qome da huo'o ca lỹa Aỹem ca'atalec.

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Isaías 48:12

Ñaq Aỹem 'aua'axaỹa 'am Jacob, qataq 'am Israel maye 'am seỹaxana co'ollaxa: Aỹem nachaỹemta Atamnaxala', Aỹem sa'auchiguiñi co'ollaxa qataq sepa'atec.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Números 24:4

nam hua'aqchiguilo naua la'aqtaqa Ñim Lo'onatac 'Enauacna, qataq ila'alo naua lauanaqcheco Ñim Lo'onatac 'Enauacna maye Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Apocalipsis 11:17

'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec; 'am maye 'anca'altauec, qataq nache 'eetai' da 'am huo'o. Qana'achec, cha'aye 'auachaxan da lta'araic 'ara'añaxac, qataq mashe 'auo'onataxan da 'alo'ogue 'enauac ana 'alhua.

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Apocalipsis 16:7

Nataqa'en sa'axaỹa so nvilỹaxac chemaqteua'a aso nca'atoxonaxalate, 'eeta': «Aja', 'am Ỹataxala' maye 'Aro'onatac 'Enauacna, qataq qaica ca 'auqalanapec, ne'ena 'arhuaxanaxanaxacpi ỹataqta ỹaỹamaqchiguiñi qataq 'eesa.»

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Apocalipsis 19:6

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, 'eeta'am da l-lamaxa na lta'araic la'auaxac qataq na lta'araic nalataxa, 'eeta': «¡'Enauac qome da qaỹo'oxoren Ñim Lo'onatac 'Enauacna, Ñim Nataxala' maye qaica ca ỹaqalanapec, cha'aye Ñimaye mashe do'onataxan!

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Apocalipsis 22:13

Qaq Aỹem maye Nachaỹem la'auaxanec, qataq Aỹem loga't, Nachaỹem maye sa'auchiguiñi qataq sepa'atec.»

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»