Apocalipsis 1:1 - La'aqtaqa Ñim Lo'onatac 'Enauacna 2013

^1-2 Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Nuevo Testamento Toba Sur

¹ Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Nuevo Testamento Toba Sombrero Negro

¹ Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Apocalipsis 1:1 Iomraidhean Croise

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Daniel 8:16

nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Daniel 9:21

Qaq so ñaq ñatameetac, nache so Gabriel, som aỹem nachaxana co'ollaq huaigui so hua'auñi ỹauanaqchec, somaye anac huaỹotac da naỹa ye soota'a. Qaq da lviraxac somaye, hua'c da huetoigui so laloqo' naxa da qoỹanot Ñim Nataxala' ana nachetaqtaxanaqtepi ye avit.

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 3:32

qataq ỹa'axat nam maiche ỹauaachigui qataq hua'aqchigui. Qalaxaye saishet da huo'o ca ỹa'amaqten cam 'enapec camaye.

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

Gálatas 1:12

Damaye saishet da choche aỹem qaỹa'aqtaxanem huo'otaq da aỹem ỹapaxaguenec ca choche shiỹaxaua, nachaqrata da So Jesucristo, maye nacheso som aỹem ỹapaxaguenec damaye.

Efesios 3:3

Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.

Tito 1:1

Aỹem Pablo, aỹem l-latac Ñim Lo'onatac 'Enauacna qataq aỹem lamaxashec So Jesucristo, da setauan da lpi'iỹaxac na lca'aguishecpi Ñim Lo'onatac 'Enauacna, yaqto' namayepi ỹauattoota da 'eesa lataxac dam qara'amqaanataxanaxac,

Apocalipsis 1:19

'Iyiñi 'enauac nam 'auauaachigui: nam mashe yo'oq qataq cam ñaq taỹa'a da yo'oq.

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Apocalipsis 21:2

Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.

Apocalipsis 21:9

Ime, nache anac so 'oonolec soua siete namaxa'she piguem lashe' maye lasoqta'alo soua siete ỹomaxaqui' maye nlaqchiguilo soua pa'atre'c chaqaiqa napaxaco, nache aỹem 'enapega, 'eeta': «'Aỹala, 'anquigueuo yaqto' 'am sachaxana añim nauonaxaua maye huotaique da lhua Ñim Qagueta Llalec.»

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Apocalipsis 22:6

Ime, nache so namaxashec piguem le'ec aỹem 'enapega, 'eeta': «Ne'ena na'aqtacpi ỹataqta 'eesa, qaq namayepi ishet da qaipi'iỹa'a. Qaq Ñim Lo'onatac 'Enauacna maye Nataxala' Ñim ỹanem So Saqcha'a la'añaxac nam la'aqtaxanaxanecpi nacheñi Ñim namaq na lamaxashec da yaqto' ỹachaxana na lo'onataxanaxanecpi nam mashe nayeeta'a da yo'oq.» Nache So Jesús 'enapeco':

Apocalipsis 22:8

Qaq aỹem Juan sa'aqchigui qataq sauaachigui 'enauac ne'enapi. Qaq can ime da sa'aqchigui qataq sauaachigui, nache aỹem sa'aroto naua illecte so namaxashec piguem le'ec maye aỹem ỹachaxaatega 'enauac ne'ena da sauotaique da ñatamnot.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Apocalipsis 5:7

Qaq se'eso Qagueta Llalec jec da ỹacona aso nere maye qainaata'a't, huetaigui na lhuaq aloic som nso'ootangui aso so'onaxaqui.