3 Juan 1:2 - La'aqtaqa Ñim Lo'onatac 'Enauacna 2013

² 'Am ỹauotaxat ỹaqaỹa, ñachoxoreetacot Ñim Lo'onatac 'Enauacna da yaqto' 'am ỹami' ca no'on 'icỹaxac, qataq seỹaxaatacot Ñimaye yaqto' saq na'aigue 'enauac nam 'auo'ottacpi qataq saqca cara da 'anachaalataxac.

Nuevo Testamento Toba Sur

² 'Am ñauochaxaua ÿaqaÿa, da ñoqouagaxaunaxac, ñishitaique da ÿaÿamaqchiguiñi 'enauac cam 'au'ot, qataq saqca ca da da 'anachaalataxac, da yaqto' 'eeta'am da 'adquiyaqteÿaxac mayi ÿaÿamaqchiguiñi.

Nuevo Testamento Toba Sombrero Negro

² Am yaqaya jo'ne am joqopita, jalcote ñachoĝodenot joñe'me Dios qaedi yataqachiñe am ue'tajop da'me 'noota nataq'aen machiñe auen da'me 'uo da'me liyamaĝac na'me at'oyaĝac, nach'e naq'aeta na'me adepaqal.

3 Juan 1:2 Iomraidhean Croise

Mateo 9:12

Nache So Jesús co'ollaq hua'aqchigui da la'aqtac som fariseopi, nache 'enapeco': –Nam iuen ca natannaxanaq qalaq nachena nam sa no'onpi, saishet da nachena nam no'oitapi.

Filipenses 2:27

Qaq 'eesa da huo'o so na'a'q da sa no'on ñimaye, hua'c da ỹoqta ileu, qalaxaye Ñim Lo'onatac 'Enauacna ỹataqta ichoxoren ñimaye, qataq nataqa'en aỹem yaqto' saishet da nquigaxatec da ỹaquicoxo.

Filipenses 2:4

Qataq saishet qome da huo'o ca ỹa'auaxaañi da nmitaique ca maiche laỹamaxa. Nachaqcata cam nataqa'en ishet da ỹaỹamaxaañi ca lỹa.

2 Ts 1:3

Qami' qarqaỹa't, ỹataqta nache 'eetai' naxa da sanaqtacot da qana'achecỹaxac Ñim Lo'onatac 'Enauacna souaxat da qoñiita. Qaq damaye nache lataxac, qaq ỹoqo'oye qami' ỹataqta nquictasheguem da qarpi'iỹaxaqui Ñimaye qataq ñi 'oonolec ỹataqta nquictasheguem da lauotaxanaqtaic ñi lỹa.

2 Ts 2:13

Qalaxaye qomi' nache 'eetai' da sanaqtacot da qana'achecỹaxac Ñim Lo'onatac 'Enauacna souaxat da qoñiita, Ñimaye qami' ỹauoteque qataq qami' lca'agui'she, nache 'eetai' da chegoqta'ague co'ollaq saxanaqca 'enauacna yaqto' qanca'alliueeguesop de'era lhuaxanaxanaxac. Qami' lca'agui'she, ỹachegoxotchigui So Saqcha'a Na'añaxac da qami' iỹotaugalo da ỹauo'oi qami' lalamaqa'ate, cha'aye souaxat da qauacoñiiguet da no'on na'axaỹaxac.

Santiago 5:12

Qami' ỹaqaỹarolqa, dam ỹoqta napactelec 'enauac na laỹepi 'eeta': Saisheto' qome da 'an ca 'ara'aqtac da chegoqchigui 'anqa'en da la'añaxac na piguem huo'otaq ana 'alhua, huo'otaq ca lỹa. Nachaqrato' da 'oonolec ca 'ara'aqtac 'anqa'en da 'auasat. Qoneta': «Aja'.» Qaq da sa 'ashet, qaq qoneta': «saishet.» Ten, qom ỹauo'o ca qanhuaxanaguiiqui Ñim Lo'onatac 'Enauacna, da saishet da qaupaquiilec ca qara'aqtaqui.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

3 Juan 1:1

Aỹem maye aỹem nataxala' qataq selotague' nam ỹa'amaqten So Jesús, samaxa ana ỹere ca ñauochaxaua ỹaqaỹa Gayo:

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.