2 Samuel 8:3 - La'aqtaqa Ñim Lo'onatac 'Enauacna 2013

³ Qaq David nataqa'en loxonec co'ollaxa so Hadad Ezer, som llalec so Rejob, maye nta'a ye Soba, co'ollaq somaye taỹa'a da yaqto' ñe'eguelaxaala't ye 'alhua maye sa qaỹapeque ye tala Éufrates.

Toba del Oeste

³ Ñe'me David nach'e ena'am nomat ñe'me Hadad-ézer, c'oĝot ñe'me Rehob, jo'ne nejaliaĝanec di'me Sobá, ca'li ñe'me te'me yitaĝa 'niyelaĝatela't da'me nejaliaĝatelegue di'me aleua nach'edi jo'ne ua'a di'me ñache jo'ne Éufrates.

2 Samuel 8:3 Iomraidhean Croise

1 Samuel 14:47

Qaq 'era da 'eetec so Saúl co'ollaq mashe lta'a so Israel le'ecpi, nache 'enauaque naua pa'aiguelo naua nma'ate da deloctague' so mpa'aguenaxauapi maye lma' co'ollaxa ye Moab, Amón, Edom, qataq so nta'a ye Soba, qataq so lta'a so filisteopi, qaq nache camachaqca ca nqo'ona somayepi nache loxonec.

2 Samuel 10:19

Qaq so nta'alpi maye ntaune' co'ollaxa so Hadad Ezer, co'ollaq ỹauaachigui da so Israel le'ecpi loxonec so siiriopi, nache somayepi nmane' so Israel le'ecpi, qataq nañan da nache qailo'ogue. Huaña co'ollaxa nache so siiriopi ñi'iỹa da ỹe'eguelaxalec da itauan so amoniitapi.

2 Samuel 10:16

Nache so Hadad Ezer damaxasoxona so laỹepi siiriopi maye netaña da pa'aitague da le'ego so tala Éufrates, nache somayepi taỹa ye Jelán, nache datalec so Sobac, som lataxala' so nalleppi so Hadad Ezer.

1 Crónicas 18:3

So David, nataqa'en loxonec so Hadad Ezer, som nta'a ye Soba, yem huaña da pa'aỹa'ague ye Jamat, co'ollaq taỹa ye 'alhua maye hueto'ot na loigue so tala Éufrates da yaqto' nquigaxatec da lo'onataxanaxac.

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.

Salmos 72:8

Qataq imata'a't qome da ilo'ogue ana auaxai, chegoqchiguiña ye tala Éufrates, nache ivitta'alo naua loga'te ana 'alhua.

Salmos 60:1

'Am Qanatamnaxala', qomi' qoca'aisalo co'ollaxa, qataq qomi' 'anlaxaayiñi souaxat da 'aralemataic, qaq nagui qalaq qomi' 'anauaxaỹaxaayishegue'm qome.

1 Reyes 4:21

Qaq so Salomón, nache ilotague' 'enauac yi'iye 'alhua, chegoqchiguiña ye Éufrates, ivitta'a ye na'alhua so filisteopi, qataq ivitta'a ye loga't ye 'alhua Egipto. Qaq se'eso nta'alpi somayepi, nache irotega co'ollaxa na lachetaqtaxanaxatpi, qataq nache do'onataxaatacot so Salomón, 'enauaque soua na'axa'te co'ollaq ña nca'altauec somaye.

Deuteronómio 11:24

Nache 'enauac da qaralamaxache qome ye 'alhuapi maye qauapiilec. Qaq naua loga'te ye qana'alhuai chegoqchiguiña qome ye toolec 'alhua nache ivitta'a ye Líbano, qataq chegoqchiguiña ye tala Éufrates, nache ivitta'a aso auaxai Mediterráneo.

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

2 Samuel 10:15

Qalaxaye so siiriopi co'ollaq ila'a da iqallem so Israel le'ecpi, nache qaltaq laỹona'tpi.

2 Samuel 23:36

qataq so Igal, som llalec so Natán, maye lma' ye Soba, qataq so Bani, maye Gad le'ec,

2 Crónicas 8:3

Ime nache so Salomón, qaltaq nqo'ona ye Jamat maye huaigui ye Soba, nache deuotaxanec.