2 Juan 1:3 - La'aqtaqa Ñim Lo'onatac 'Enauacna 2013

³ Seỹaxaato'ot Ñim Lo'onatac 'Enauacna maye Nta'a qataq So Llalec Jesucristo da ichoxoren 'enauac da qoñiita, qataq ỹataqta qami' ỹauoteque qataq qami' ỹanema ca l-lagaxayec. ¡Qataq qami' ỹo'oteque da qami' nlaqchiguilo da 'eesa lataxac qataq da nsoxoyec!

Nuevo Testamento Toba Sur

³ Qaq ñim qadta'a Dios qataq so qadataxala' Jesucristo som llalec ñimayi qami' ÿanema qome da lqouagaxanaqtaic qataq da lchoxonnataxanaxa qataq da l-lagaxayic. Qaq damayi qauacoñiiguet qami' mayi qauauattoñi da n'aqtac mayi 'eesa qataq da qanchoxonñiÿa't.

Nuevo Testamento Toba Sombrero Negro

³ 'Noota qom Dios mach'e Qadet'a, nataq'aen Jesucristo, jo'ne Lec'oĝot joñe'me Qadet'a, ami yecodelo'te da'me leyalaqataĝanaĝac nataq'aen ami yanema da'me anichoĝodenataguequi nataq'aen da'me at'emaĝaqui, qa'a yataqatelegue joñe'me, nataq'aen yataqachiñe ami noqopitalo.

2 Juan 1:3 Iomraidhean Croise

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

1 Timoteo 1:14

Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

2 Timoteo 1:13

Qoquetelco' da lataxac da 'am sami' napaxaguenataxanaxac maye no'on. Qataq saisheto' da 'axanec da 'arpi'iỹaxac Ñim Lo'onatac 'Enauacna qataq da nsoxoyec maye qomi' qoỹanema, cha'aye mashe ña'araqtaua'a So Cristo Jesús.

1 Juan 4:10

Da ỹoqta 'eesa nauotaxanaqtaic saishet da chegoqchiguilo qomi' da sauotaxac Ñim Lo'onatac 'Enauacna, nachaqrata da Ñimaye qomi' ỹauoteque. Ỹoqo'oye namaxa ana 'alhua So Llalec, da yaqto' ỹapalaxat na qarasouaxashetpi chegoqchigui da l-leuaxa.

2 Juan 1:1

Aỹem nataxala' qataq selotague' na 'amqaanataxanaxaicpi. Samaxa ana ỹere na qarqaỹañicpi maye lca'aguishecpi Ñim Lo'onatac 'Enauacna: Aỹem ỹataqta qami' sauoteque qalaxaye saishet da nachaỹemta, nataqa'en 'enauac nam ỹauatton da 'eesa lataxac,