1 Samuel 13:2 - La'aqtaqa Ñim Lo'onatac 'Enauacna 2013

² nache lca'aua'a so tres mil alleppi Israel le'ecpi. Qaq so dos mil nache no'ona'aguet somaye co'ollaq huaña ye Micmas, qataq aye qasoxonaxapi maye naña ye Betel, qaq so mil maye laỹepi somayepi, nache no'ona'aguet so Jonatán, maye hueta'a ye Gabaa maye lma' so Benjamín. Qaq som ỹacauec shiỹaxauapi, so Saúl ỹamaq da ỹe'eguelaxaua'alo soua lma'ate.

Toba del Oeste

² yauo'oe tres mil coico laje' jo'ne Israel laje'pi. Dos mil gaa'me ueteda'ajop joñe'me, ueteda'a di'me noic Micmás nataq'aen gaa'me qajoĝona'a di'me aleua lae jo'ne Betel. Gaa'me laqaya' mil qamqa'me ueteda'ajop ñe'me Jonatán, mach'e c'oĝot ñe'me Saúl, ueteda'a di'me noic jo'ne Guibeá, 'naleua di'me Benjamín. Gaa'me jiyaĝa'u laqaya', ñe'me Saúl e'n 'viyelaĝalo gaa'me 'lachaqa'te.

1 Samuel 13:2 Iomraidhean Croise

2 Samuel 20:1

Qaq huo'o so qauemaic shiỹaxaua netaña ye Gilgal, somaye chegoxoguet so Benjamín, le'enaxat Sebá, som llalec so Bicri. Somaye ỹashiiyigui co'ollaxa aso nasheere peenaq lcoue, nache 'eeta': ¡Qami' Israel le'ecpi, 'onaxaic da 'enauac she'eguelaxasaxalo naua qarma'ate, cha'aye qaica da huo'o ca ñeuanaqaua'a, qataq da huo'o ca qomi' taleguete nataqa'en da seca'ataqtague' so David, som llalec so Yesé!

2 Samuel 21:6

somaye sauoqtaique da qomi' qoỹanema caua siete som chegoxoguet somaye, qaq huaña ñaqa'enaq qome ye Gabaa maye lma' so Saúl maye lca'aguishec Ñim Nataxala', da secoñeraqrashegue'm, nache ỹauaachiguilo ñaqa'enaq Ñim Nataxala'. Nache so nta'a, 'enapeco': Aja', qami' sanema qome caamaye.

2 Samuel 23:29

qataq so Jéled, som llalec so Baná, maye nataqa'en Netofa le'ec, qataq so Ilay, som llalec so Ribay, maye lma' ye Gabaa, maye huaigui ye na'alhua so Benjamín,

Esdras 2:27

Qaq so chegoxoguetpi so Micmas, ivi' ciento veintidós ye lcata.

Nehemías 11:31

Qaq so chegoxoguetpi so Benjamín, nache naña co'ollaxa ye Geba, Micmas, Aías, Betel qataq so lauoreuapi nma'piolec

Josué 18:28

Selá, Elef, Jebús, maye da lỹa le'enaxat Jerusalén, Gabaa qataq ye Quiriat. Nache da ima'a't se'eso huaqta'a't nỹecpi maye ỹotta'a't naua nañalo, nache ivi' catorce, qataq lỹaueegue' so lauoreuapi nma'piolec. Qaq 'eso som 'alhuapi maye taỹot co'ollaxa da lalamaxat qanqa'en so llalaqpi so maiche nhuo' le'ecpi maye chegoxoguetpi so Benjamín.

Josué 22:6

Qaq co'ollaq ime de'era, nache so Josué, ỹanem da lqouagaxanaqtaic somayepi, huaña nache nquine', nache somayepi ỹe'eguelaxa so lma'pi.

Jueces 19:12

Qalaxaye so leviita 'enapeco': Saishet da saỹoxosoxoua'a ca huaqta'a't nỹecpi maye sa lma' na Israel le'ecpi. Nacherata da nache qolaqta qome yaqto' seviraqa'a ye Gabaa,

1 Samuel 10:26

Nataqa'en so Saúl ỹe'eguelaxa so lma' maye naña ye Gabaa. Nache Ñim Lo'onatac 'Enauacna ỹanem da lhuennataxac so 'añaxaicpi da yaqto' ca'ategue somaye.

1 Samuel 10:5

Qaq qom ime, nache 'anqo'ona ye Gabaa maye lalamaxat Ñim Lo'onatac 'Enauacna, maye naña ye lanataqa' yem alleppi filisteopi. Qaq qom choche 'aunoxoneua'a ye huaqta'a't nỹecpi, nache 'anatena'aguet qome ca na'aqtaxanaxanecpi dasottagui, chegoqtasheguema yem huaña ye atamnaqa'. Qaq nca'attaueegue ca ỹalleppi maye iviqueetapigui aca lviquepi, lhuaxanapi qataq aca lasheerepi.

1 Samuel 13:1

So Saúl mashe ỹe co'ollaq ilo'ogue so Israel le'ecpi, qaq co'ollaq mashe huo'oi soua ivi' vi'iye da ilotague' somayepi,

1 Samuel 13:11

qalaxaye so Samuel 'enapega somaye 'eeta': ¿Ta'ainco' ye 'auo'oto' de'era? Nache so Saúl 'enapeco': Qomye sela'a da mashe inoictauec da jec so shiỹaxauapi, souaxat da saishet da 'anvi' nache saishet da 'aupacchigui som 'araloqnec, qataq ye filisteopi mashe laỹoota'a't hueta'a ye Micmas,

1 Samuel 13:15

Nache so Samuel saqaỹaloq da ca'ai ye Gilgal da nqo'ona ye Guibea maye lalamaxat so Benjamín. Qaq so alleppi qalaq ca'ategue so Saúl da yaqto' deloqui. Huaña nache so Saúl naloqten co'ollaxa so shiỹaxauapi maye nnaictague', nache ivi' seiscientos ỹalleppi.

1 Samuel 13:16

Qaq so Saúl qataq so llalec Jonatán, qataq so alleppi maye nnaictrague' soomaye, nache hueta'a co'ollaxa ye Gabaa maye lma' so Benjamín, qaq so filisteopi qalaxaye nache lanataqa' co'ollaxa ye Micmas,

1 Samuel 13:23

Qaq huaña co'ollaxa nache so laỹepi nalleppi so filisteopi, jec da nqo'ona so na'axasoxonatac ye Micmas.

1 Samuel 13:5

Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

1 Samuel 14:31

Nache se'eso na'a'q so Israel le'ecpi ỹalauat so filisteopi, chegoqchiguiña ye Micmas, nache ivitta'a ye Ayalón. Qalaxaye so alleppi Israel le'ecpi ỹataqta ỹaguec da nasamñi.

1 Samuel 14:5

so 'oonolec soomaye pa'aỹa'ague da sheu' maye dataỹauga ye Micmas, qaq so lỹa pa'aỹa'ague da la'añaxa, maye datatauga ye Gabaa.

1 Samuel 14:52

Da nalaataxac so Saúl co'ollaq deloctague' so filisteopi ỹataqta lta'araic qataq qaỹoqtec, iviraxattrec soua vi'iye co'ollaq ña nta'a somaye. Ỹoqo'oye so Saúl da huo'o ñi ila'a nsoq da 'añaxaic, qataq sansatta nache ỹacona da ỹalecnoigui so nalleppi.

1 Samuel 15:34

Ime, nache so Samuel ỹe'eguelaxa ye Ramá, qataq so Saúl ỹe'eguelaxa so lma' maye naña ye Gabaa.

1 Samuel 24:3

Qaq co'ollaq ivita ye naña aso qagueta laỹe', qaq nache saqaỹapeque asomaye ye naña som auac maye nqañoxottaigui so David qataq so nalleppi, nache so Saúl taiguio' somaye da yaqto' lcotela't. Qaq so David qataq so nalleppi nache huetaiguio' se'eso auac da nqañoxottañi.

1 Samuel 26:2

Nache so Saúl jec, nnaicapegue' so tres mil nalleppi Israel le'ecpi maye ỹataqta ỹaỹaten da l-loquiaxac, nache nqo'ona ye toolec 'alhua ye Zif, da nmitaique so David.

1 Samuel 8:11

Nache 'enapega somayepi, 'eeta': «'Era qome da qami' ỹo'oteque ca nta'a maye qami' ilo'oguelo, camaye laỹona't qome ca qaỹa'alquipi, nache huo'o ca ipataxaguet aca naigonapi maye alaataxaquipi, qataq huo'o ca ipataxaguet da nelec ca caipi qataq huo'o ca ỹanagui da nhuataxauapi.