1 Juan 5:3 - La'aqtaqa Ñim Lo'onatac 'Enauacna 2013

³ Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

Nuevo Testamento Toba Sur

³ Cha'ayi da qaÿauotec ñi Dios, damayi naigui da qaÿalaxaguet nam lamaxasoxonaxacpi ñimayi. Qaq nam lamaxasoxonaxacpi sa ishit da qapa'atta.

Nuevo Testamento Toba Sombrero Negro

³ Nach'eda queda'me ta'le qadoqopita ñe'me Dios, qama'le jiyamaĝata' jodaa'me lamaĝajoĝonaĝaco. Nataq'aen jodaa'me lamaĝajoĝonaĝaco yataqata ja dajali',

1 Juan 5:3 Iomraidhean Croise

2 Reyes 18:6

Qaq somaye ỹataqta ỹalaxaguet Ñim Nataxala', qataq saishet da ca'ai Ñimaye, nacherata da ỹataqta ipacchiguilo naua lamaxasoxonaxaco Ñim Nataxala', maye ỹanema co'ollaxa so Moisés.

Salmos 119:140

Naua 'ara'aqtaqa ỹataqta qui'itte', ỹoqo'oye ne'ena 'aramaxashec ỹataqta ỹauoteque.

Salmos 119:45

Qaq ỹataqta aỹem huesochiguiñi qome, cha'aye ỹataqta ñemitapigui naua 'aramaxasoxonaxaco.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Proverbios 3:17

Da llecỹaxac damaye ỹataqta 'onaxaic, da qanayecteguelo naua lleco qalaq ỹo'ot da nlagaxayec.

Daniel 9:4

Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Mateo 23:4

Cha'aye namayepi ỹauo'o na damaxasoxoolec ỹataqta alaqaic da ishet da qaipaqueelec, qalaxaye saishet da ỹo'ot ca qapio'olec na'añaxataxac da yaqto' ishet da ipaqueelec namayepi.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Romanos 7:12

Qalaxaye nache 'ena'am da shenaqapec da ne'ena namaxasoxonaxacpi chegoqtot Ñim Lo'onatac 'Enauacna. Qaq ỹoqo'oye ñi 'oonolec nam lamaxasoxonaxacpi ỹataqta 'onaxaic qataq nalochiguiñi.

Romanos 7:22

Cha'aye dam pa'auo da iquiyaqteỹaxac ỹataqta huo'o da lqopiche nam namaxasoxonaxacpi maye chegoqo'ot Ñim Lo'onatac 'Enauacna.

Deuteronómio 5:10

Qalaxaye ca Aỹem ỹauotec, qataq ỹalaxagueta naua ỹamaxasoxonaxaco, nache sanem da chochaq tatec ỹauotaxanaqtaic 'enauac ca chegoxoguetpi camaye.

Deuteronómio 7:9

Ỹoqo'oye qauauattoñiita qome da Ñim Nataxala' maye Qanatamnaxala'ai, Ñimaye ỹataqta 'eesa, qataq ipactelec da naỹamaxataxac, qataq da lchoxonnataxanaxa maye ỹanem cam ỹauotec, qataq ỹo'ot na lamaxasoxonaxacpi Ñimaye, nache ivitta'a ca ỹataqta qalota maye chegoxoguetpi camaye,

Hebreos 8:10

Ỹoqo'oye da dalaxaic ñaỹamaxataxac da ñaỹamaxate' na Israel le'ecpi, damaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac. Nache namayepi, Aỹem Lataxala', qaq namayepi, nache ỹalamaxatpi. Qaq de'era san ỹa'aqtac, damaye ỹataqta 'eesa.

1 Juan 2:3

Qomi' saỹatenaq qataq sauattonaqta Ñim Lo'onatac 'Enauacna, cha'aye salaxasoxogueta naua lamaxasoxonaxaco.

2 Juan 1:6

Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.