1 Juan 4:3 - La'aqtaqa Ñim Lo'onatac 'Enauacna 2013

³ Qaq da huo'o ca 'eetega da saq 'en de'era, nache camaye saishet da netanguit So Saqcha'a La'añaxac Ñim Lo'onatac 'Enauacna. Nachaqrata da hueto'ot som saqcha'a la'añaxac som npa'aguenaxaua So Cristo. Qaq qami' mashe qaua'aqaitapeguelec da se'eso saqcha'a na'añaxac iuen da anac, qaq aỹem sauotaique da qami' sa'aqtaxanema da somaye mashe hueta'a ana 'alhua.

Nuevo Testamento Toba Sur

³ Qalaxayi cam sa ishit da ÿoqta 'eesa naq'en so Jesús, qaq camayi sa ishit da netanguit so n'Espíritu ñi Dios. Chaqdata da camayi hueto'oto naua nhuennataxaco mayi npa'agueneto so Cristo. Qaq qami' mashi qau'aqaitapeguelec da huo'o ca na'a'q, qaq yi'o'q ne'enaua nhuennataxaco. Qaq nagui mashi huetalguete naamayi ana 'alhua.

Nuevo Testamento Toba Sombrero Negro

³ Qalaĝaja gamachaqaegaua jo'ne ja dechoqotaĝatec queda'me Jesucristo yataqachiñe jiyaĝaua ca'li, nach'egaua ja ueteda'ajop joñe'me Dios. Nach'egaua yataqachiñe laute'u joñe'me Cristo, jogaa'me jo'ne joote auomachiiya queda'me novi't qomle, qama'te eja joote novi't qama'le quetedalegue jena'me aleua.

1 Juan 4:3 Iomraidhean Croise

Mateo 24:5

Cha'aye ỹataqta qalota qome na anac, nache choche ne'enaqchingui da ỹe'enaxat, nache 'enapega na shiỹaxauapi, 'eeta': «Aỹem maye nachaỹem Lca'aguishec Ñim Lo'onatac 'Enauacna.» Qataq do'onataxana qome da ỹe'enaxat, nache qalota qome na ỹatenachet.

1 Juan 2:18

Qami' ỹalqolqa, mashe souaqtaiguilo naua pa'atre'c na'axa'te, qaq ana 'alhua mashe saqaỹaloq da imeuo. Qami' qaua'aqaitapeguelec naxa da, qom yaqta'a da nvi' ca loga'tna, nache nvi' ca npa'aguenaxaua So Cristo. Qalaxaye aỹem sauotaique da qami' sa'aqtaxanema da mashe qalota na yo'oq nam ipa'agueetac So Cristo. Qaq ỹoqo'oye qomi' saỹatenaq da mashe souaqtaiguilo naua pa'atre'c na'axa'te.

1 Juan 2:22

Qaq ỹoqo'oye ¿negue't cam tenataxanaxaic? Qomye nacheca cam 'eetega So Jesús da saishet da Lca'aguishec Ñim Lo'onatac 'Enauacna. Qaq 'eca, cam npa'aguenaxaua So Cristo, cha'aye sa ỹaconeguet Ñim Lo'onatac 'Enauacna maye Nta'a qataq So Jesús maye Llalec.

2 Juan 1:7

Ana'ana 'alhua qalota na ỹatenachettac na shiỹaxauapi, 'eetega da So Jesucristo saishet da anaỹa ana 'alhua da 'eeta'am cam ỹoqta 'eesa shiỹaxaua, maye huo'oi naua lapa'ache qataq naua lpi'ineqa. Qaq 'era dam la'aqtaxanaxac som npa'aguenaxaua So Cristo, som tenataxanaxaic.