1 Juan 2:5 - La'aqtaqa Ñim Lo'onatac 'Enauacna 2013

⁵ Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

Nuevo Testamento Toba Sur

⁵ Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

Nuevo Testamento Toba Sombrero Negro

⁵ Qalaĝaja, gamachaqaega jo'ne yauo'oe daa'me 'laqataqa joñe'me Dios, nach'ega male yovita da'me loqopich'i jo'ne yataqatelegue. Nach'eda eeta da'me male jayatenaq queda'me jonaqataye joñe'me.

1 Juan 2:5 Iomraidhean Croise

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

1 Juan 3:24

Da salaxasoxoguet Ñim Lo'onatac 'Enauacna, nache ỹataqta ña'araqtaua'a Ñimaye, qaq Ñimaye qomi' hueta'agueta. Qaq de'era saỹatenaq chegoqchigui So Saqcha'a Na'añaxac Qui'itta maye qomi' ỹanema.

Salmos 119:2

Ỹataqta machiguiñi qome ca ỹaỹamaxatteque naua lamaxasoxonaxaco, qataq imauec da lquiyaqteỹaxac da nmittapigui naamaye.

Apocalipsis 14:12

Qaq ỹoqo'oye na lalamaxatpi Ñim Lo'onatac 'Enauacna, iuen da ỹaỹaten da lhueneguet qataq na'añaxateguet na lqalaiguesat qataq na nque'eenaxacpi. Nataqa'en iuen da ỹalaxaguet nam lamaxasoxonaxacpi Ñim Lo'onatac 'Enauacna qataq queto'ot da ỹa'amaqteetac So Jesús.

1 Juan 5:2

Da qomi' sauotaxac Ñim Lo'onatac 'Enauacna, qataq so'otaq 'enauac nam lamaxasoxonaxacpi, nache nataqa'en saỹatenaq da sauotaxac na llalaqpi Ñimaye.

Juan 15:5

Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Ezequiel 36:27

Qami' sanaiguilo qome so Saqcha'a Ỹa'añaxac, nache so'ot da qaupaquiitelec qome na iqataxacpi, qataq na ỹamaxasoxonaxacpi,

1 Juan 4:18

Ca shiỹaxaua maye huo'o da lauotaxanaqtaic, camaye saishet huo'o ca ñe'etaique. Cha'aye cam hueta'a da nsoxoyec, nache qaica ca ncolanaxa. Nachaqrata da que'eca 'eesa nsoxoyec, camaye ỹo'orauec da ncolanaxa. Da huo'o ca huo'o da lcolanaxa da Ñim Lo'onatac 'Enauacna ỹauo'o ca nhuaxanaguec, qaq camaye saxanaxa da ỹaỹaten da dauotaxanaqta.

Salmos 119:146

Aỹem, 'am seỹaxanot: «Ñaq aỹem 'anca'alaxatec qome.» Yaqto' sepacchiguilo naua 'aramaxasoxonaxaco.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Apocalipsis 12:17

Qaq ỹoqo'oye se'eso shiguiỹac leguemaxaic ỹataqta dalemataỹa asa'aso 'alo, nache jec da iloquiaxan na no'onañi llalaqpi asomaye, qaq damaye 'eeta', nam ỹataqta ỹalaxaguet nam lamaxasoxonaxacpi Ñim Lo'onatac 'Enauacna, qataq saq ỹaxanec da lpi'iỹaxac So Jesús.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Santiago 2:22

Da lpi'iỹaxac so Abraham, damaye ỹachaxan som ỹo'ot. Qaq chegoqchigui 'enauac da ỹo'ot, nache da lpi'iỹaxac somaye ivira'a da ỹataqta nalochiguiñi.»

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Juan 6:56

Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

Eclesiastés 8:5

Qaq cam ỹalaxaguet ca namaxasoxonaxac, nache sa ivireguet ca qauem, qaq ca ỹaanaxanaxaic qalaq ỹaỹaten ca laloqo' qataq ca 'eetec da ipacchigui damaye.

Salmos 106:3

Ỹoqo'oye machiguiñi qome ca ỹo'ottac da no'on lataxac, qataq ca nache 'eetai' da ỹo'ottac da nalochiguiñi lataxac.

Proverbios 8:32

Qaq nagui, qami' ỹalaqpi, aỹem qana'axaỹaxañiỹa, qoquiitegue qome da ỹataxac yaqto' qauamaichiguiñi.

Salmos 119:4

Cha'aye 'Am Nataxala', 'auamaxasoxooleguete co'ollaxa naua 'aramaxasoxonaxaco da yaqto' ỹataqta qaipacchiguilo.

Proverbios 28:7

Ca ñalec ỹaanataxanaxaic camaye ipacchiguilo naua lqataxaco Ñim Lo'onatac 'Enauacna, qaq ca saiỹotec ca quia'axaic qalaq ỹo'ot da lcoxo ca lta'a.

Salmos 105:45

da yaqto' ỹaỹamaxattec qataq ilotelec da llec na lqataxacpi, qataq na lapaxaguenataxanaxacpi Ñim Nataxala'. ¡Qaỹo'oxoren qome Ñim Nataxala'!

1 Juan 4:17

Qaq da ỹoqta 'eesa da sauotaxac na qarqaỹañicpi qataq shenaqta'am da 'eetec So Jesucristo co'ollaq huetalec ana 'alhua, nache saishet qone' da qomi' icolanaqche't que'eca na'a'q qom ñe'eguelaq So Jesús da nmit 'enauac na shiỹaxauapi.

2 Juan 1:6

Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.