1 Juan 1:6 - La'aqtaqa Ñim Lo'onatac 'Enauacna 2013

⁶ Qaq da shenaqtega da qanauochaxaua Ñim Lo'onatac 'Enauacna, qalaxaye qolaqto'ot da so'otaqtac da qaye'etaxaloxo, nache qomi' choche satenataxanaqtac, shenaqta'am nam tenataxanaxaicpi maye sa ỹalaxaguet Ñimaye.

Nuevo Testamento Toba Sur

⁶ Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

Nuevo Testamento Toba Sombrero Negro

⁶ Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe.

1 Juan 1:6 Iomraidhean Croise

Salmos 82:5

Qalaxaye namayepi qaica ca ỹaỹaten, qataq qaica ca ỹaỹaanapec, cha'aye namayepi quetaigui na napalaxa, nda'a't da ỹacholaxaatac na na'attalecpi ana 'alhua.

Salmos 94:20

Cha'aye 'am, saishet da 'anauochaxaua na nta'alpi maye cachaxaicpi, nam ỹo'ot na sa ỹaỹamaxañi da yaqto' dataỹa'aguet na namaxasoxonaxacpi,

Proverbios 2:13

nam ca'ai so no'on nqa'aic qataq quegue so nqa'aic maye napalñi,

Mateo 7:22

Qaq qom ivita que'eca na'a'q da Ñim Lo'onatac 'Enauacna nmit 'enauac na shiỹaxauapi, nache qalota qome na 'enapec: «'Am Qarataxala' maye qomi' 'aralamqa'ate, qomi' naxa 'am sa'axataqtac da sa'aqtaxanaqteguem na laỹepi shiỹaxauapi. Qomi' so'onataxanaqtega da 'are'enaxat da so'oraqauec na saqcha'a na'añaxac leguemaxaicpi, qataq so'otaqtac na sa qaỹauanapegapi.»

Juan 11:10

Qalaxaye ca queuotapigui' ye pe, nache camaye ishet da huo'o ca ỹe'egueneguet, cha'aye qaica na yo'oqchiguiñi.

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Santiago 2:14

Qami' ỹaqaỹarolqa maye sa'amaqtenaqtac So Cristo, ¿negue'to' cam naigui da huo'o ca 'oonolec da qoñiita da 'eetega da huo'o da lpi'iỹaxac Ñim Lo'onatac 'Enauacna, da huo'otaq saishet da huo'o ca ỹo'ot ỹaỹamaqchiguiñi maye ỹachaxan da huo'o da lpi'iỹaxac? ¡Da nache qoñiitec de'era, nache saishet da qami' qanca'alaxatre'c!

Santiago 2:16

nache qaica ca naigui da qonapega camaye da qoneta': «'Aue qome, saqca ca da, da 'icỹaxac, 'aayiñi naua 'ogo qataq 'auque'e, 'aviraxata'a da ỹataqta 'am comaraxaic», da huo'otaq 'am saishet da 'aỹa'anem cam iueetaique maye napogoña qataq cam chec.

Santiago 2:18

Qaq nam 'eetega da ỹalaxaguet Ñim Lo'onatac 'Enauacna qalaxaye saishet da ỹo'ot ca ỹaỹamaqchiguiñi, aỹem ishet da shenapega namayepi, sheeta': «'Am, qonetega da 'aualaxaguet Ñim Lo'onatac 'Enauacna, aỹem qalaxaye so'ot ca ỹaỹamaqchiguiñi. Ñaq aỹem 'auachaxana cam ỹa'axat da 'aualaxaguet Ñim Lo'onatac 'Enauacna, qaq aỹem qalaq 'am sachaxana da salaxaguet Ñimaye chegoqchigui dam ỹaỹamaqchiguiñi maye so'ot.

1 Juan 1:10

Qataq da shenaqtega da saishet da huo'o ca so'otaq qarasouaxashet, nache qomi' so'otaxac Ñim Lo'onatac 'Enauacna da 'eeta'am ca tenataxanaxaic, qataq saishet da qomi' netaiguilo da la'aqtac maye qomi' ỹanema.

1 Juan 1:8

Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

1 Juan 2:4

Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

1 Juan 4:20

Qaq da shenaqtega da sauotaxac Ñim Lo'onatac 'Enauacna, qalaxaye ñequiỹaqta'a't, nache qomi' tenataxanaxaiqa. Cha'aye da saishet da sauotaxac ca qarqaỹa maye seloqta'a, nache hua'aguectoxo' da ishet da sauotaxac Ñim Lo'onatac 'Enauacna maye saishet da selaqa'a.