1 Juan 1:5 - La'aqtaqa Ñim Lo'onatac 'Enauacna 2013

⁵ So Jesucristo qomi' ỹapaxagueneque da Ñim Lo'onatac 'Enauacna yo'oqchiguiñi qataq cam hueta'a Ñimaye qalaq qaica ca napalaxa. Qaq 'era dam qara'aqtaxanaxac maye qami' sa'aqtaxanaxama.

Nuevo Testamento Toba Sur

⁵ Qaq 'eda dam n'aqtaxanaxac mayi qomi' ÿapaxaguenque so Jesucristo dam qami' sa'axataqtapeguema, 'eeta': Ñi Dios yi'oqchiguiñi naq'en 'enauacna, qaq sa ishit da huo'o ca napalaxa da hueto'ot ñimayi.

Nuevo Testamento Toba Sombrero Negro

⁵ Dojo' 'naqataĝanaĝac jo'ne Jesucristo qo'mi yapaĝagueneque nataq'aen queda'me ami jechoĝotaqatapema: ñe'me Dios mach'e yoqochiñe qa'a yataqachiñe ja 'nalegue, nataq'aen qaya'te gamachaqaega 'lalaĝa ta'le ue'tot joñe'me.

1 Juan 1:5 Iomraidhean Croise

Salmos 139:12

qaq ñaqaiyeta na napalaxa saishet da aỹem ỹoxochiisop da qoneta, cha'aye ye pe qalaq yo'oqchiguiñi nache 'eeta'am ye na'a'q. Cha'aye na napalaxa qataq na yo'oqchiguiñi nache 'eeta'a't 'anqa'en.

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Isaías 2:5

¡Qolaq, qami' Jacob llalaqpi, qolaqtaigui qome da lcoỹaraxanaxac Ñim Nataxala'!

Isaías 60:19

Qaq huaña nache saishet da 'auen da añi nala' 'am icoỹattalec ye na'a'q, qataq ñi ca'agoxoic da 'am icoỹattalec ye pe, cha'aye Aỹem Nataxala', nachaỹem qome maye chochaq tatec 'arcoỹaraxanaxat, Aỹem maye 'Anatamnaxala', nachaỹem qome 'am secoỹattalec.

Daniel 2:22

Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 1:4

Qaq se'eso Na'aqtac, nacheso so chegoqchigui da nca'alaxa, qaq de'era nca'alaxa, nachera da yo'oqoolec naqa'en na shiỹaxauapi.

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 9:5

Nagui da Aỹem ñaq soota'a ana 'alhua, qalaq Aỹem maye Nachaỹem lcoỹaraqte 'enauac ana 'alhua.

1 Corintios 11:23

Cha'aye aỹem saconeguet de'era napaxaguenataxanaxac maye chegoqo'ot So Qarataxala' Jesucristo, da se'eso pe co'ollaq yaqta'a da qoỹaneuo, nache ỹacona aso nauole 'ayiiña.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

1 Juan 3:11

Cha'aye dam chegoqta'ague da qami' qaỹapaxagueetegueque da ñi 'oonolec da shenaqta, iuen da ỹataqta ỹauotec ca lỹa.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.