Lûke 9:60 - Mbëtï Ndjapä: TÄFO MADƗ̈

⁶⁰ Jezü tô rə̂ ndə̂nə̈ sə̈ tchë päkëdə̂: «Amö gbotə̂ akuzü andjë chî akuzü ndə̂ andjê, momö ndə̂ zə nə̈, amö e ndə̂kə̂ mu pö ndə̂ Gbölö gö-gbïɛ̈ ndə̂ Ndjapä.»

Lûke 9:60 Iomraidhean Croise

Dokʉ̈ Timotë 5:6

Praâbalë tchanə̈ ndə̂ gbô arə tchêbêche âtə ndə̂po lakə̂ tcho tə̂ yê, tche tchû nə̂, ndə̂ gbô tchë ndə̂po la tʉ̈rʉ̂ la yê lâme.

Apökälîbïchi 3:1

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Sârede kə̂ to rə̂ lə̂nə̈ päkëdə̂: «Tchanə̈ ndə̂ tche wâ la ayingö ndə̂ Ndjapä mïndûu manə̈ bïchuû la akêkêrə̂ mïndûu manə̈ bïchuû tö rə̂ päkëdə̂: Më wûnsə̂ akua ndə̂ mo mbô rə̂ lâme nə̂, azü wüntî pä gbô mö kä la tʉ̈rʉ̂ la zə̈, dëkë mo tchû nə̂

Bïchuû Timotë 4:5

Praâbalë andə̂ zə nə̈, äwäpä lə̂ arə gbɛ̂ mo mbo rə âroabô masə̂nə̈ rô-ê, amö rʉatə̂ su zə̈ lə̂ arə yûkü, kə̂ mbo kua ndə̂kə̂ mu Tchôtchô Pö, kə̂ mbo kua ndə̂ zə̈ ndə̂ Ndjapä zâ rə̂ sə̈ mö.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Ëfêze 2:5

Ndə̂ azə̈ wâ alême batə̂ azü ndə̂ andjë tchû lə̂ köbosə̂ kə̂ mbo rə ndə̂ azə̂ ndə̂ âwâbô wâ lə̂ köbo nə̈-ê, tche zâ tchîsûwu sə̈ azə̂ lə̂ köbosə̂ Krîsiti. Âwâ lə̂ köbosə̂ tchôtchô su ndə̂ Ndjapä ânyë a tchâ nyê.

Ëfêze 2:1

Dokʉ̈tchê alême nyë wä batə̂ azü ndə̂ andjë tchû lə̂ köbosə̂ kə̂ mbo rə ndə̂ nyê ndə̂ âwâbô wâ lə̂ köbo nə̈-ê, la ngbongbo rə ndə̂ nyê.

Dokʉ̈ Körɛ̂nte 9:16

Bhândə̂ mê, ndə̂kə̂ mu Tchôtchô Pö wâbo tə̂ pö ndə̂kə̂ bhi gogo-a, ädə̈ ngâ rə ndə̂ më wâ ndə̂kə̂ mbo rə̂. Nyonyo kä tə̂ mê, âdə më âmuabô Tchôtchô Pö mû-î.

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Matiyə̈ 8:22

Jezü tô rə̂ ndə̂nə̈ sə̈ tchë päkëdə̂: «Amö za tchêngbâ mê, kə̂ gbotə̂ akuzü andjë chi akuzü ndə̂ andjê.»

Lûke 15:24

bëte modô ndə̂ mê ndə̂ nyê wun tchë âtə, tche tchû alême nə̂ ânyë kə̈ jô âtə, tche yû alême nə̂ ânyë më kä gbô tchë âtə.› Andjë jêtə̂ kə̂ mbo gbölö kpülü nə̈.