Lûke 9:52 - Mbëtï Ndjapä: TÄFO MADƗ̈

⁵² Tche wân angâ azü dokʉ̈tchê tchâtchu yê. Azü lâme ê, kə̂ lî lə̂ ngâ gö ndə̂ Samarï ndə̂kə̂ nyikrə kə̂ nə ndə̂ Jezü.

Lûke 9:52 Iomraidhean Croise

Matiyə̈ 10:5

Jezü wän adjisîpili ndə̂ yê lə̂ könô gbɛ̂ tchə̂pânə̈ bïchuû lə̂ gö nə̈. Tche zâma sə̈ andjê päkëdə̂: «Nyë ëäbô ê bhândə̂ azü ndə̂ andjë wâbô wâtə̂ ajuîfu-î. Nyë lïäbô lî lə̂ ngâ gö ndə̂ Samarï-ê.

Lûke 10:1

La tchêngbâ nə̈, Gbölö Gbïɛ̈ dɨ̂ angâ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû, kə̈ wân andjê bïbïchuû ndə̂kə̂ ro dokʉ̈tchê kulə̂ agö gbɛ̂, la atchô gbɛ̂ ndə̂ tchetchë la tə̂ yê, tche nyîndə̂ kə̂ e tâ.

Lûke 10:33

Praâbalë ngâ akrə gö ndə̂ Samarï ndə̂ tche sə̂ lakə̂ e atə̂lə̂ ngâ gö ngbî. Tche wûtu ndola köchë lâme, ndə̂ tche âsə̈ wun tchë nyonyo yê mbô tchë tə̂ gbölösə̂nə̈.

Lûke 17:11

Ndə̂ Jezü zâ köbo ndə̂kə̂ e atə̂ Jerûzalêmo, tche dô lə̂ agö ndə̂ Samarï la andə̂ Galilë.

Lûke 17:16

Tche tê tchâtchâ Jezü, kə̈ chî küma yê tə̂ cho lakə̂ za ayîabâ sə̈ tchë. Köchë lâme wätə̂ akrə gö ndə̂ Samarï.

Lûke 7:27

Bëte Jâan də̈ akrə ndə̂ Mbëtï Ndjapä tô pö ndə̂ yê päkëdə̂: Ndjapä tö rə̂ päkëdə̂: ‹Akrə ndə̂ më wân tchë dokʉ̈tchê tə̂ zə̈ kä âtə, ndə̂kə̂ nyikrə köbo tchâtchu zə̈.›»

Jâan 4:4

Ndə̂kə̂ ka atə̂ Galilë, tche wä ndə̂kə̂ ro lə̂ gö ndə̂ Samarï.

Jâan 4:5

Tche wûtu lə̂ ngâ gö ndə̂ Samarï ndə̂ rə̈ nə̈ wû pä Sïchâre. Gö nə̈ lâme wä ndola kɨ̈ndɨ̈ ndə̂ Jakôbo zâ rə̂ sə̈ modô ndə̂ yê Jozêfu.

Jâan 4:9

Ɛ̈chë gö ndə̂ Samarï lâme tô rə̂ sə̈ Jezü päkëdə̂: «Atöko kä ndə̂ momö ndə̂ mo wâtə̂ juîfu, mo yûkû ngû ndə̂kə̂ ndjo rə̂ tchânə̂ mê, ndə̂ më wâtə̂ ɛ̈chë gö ndə̂ Samarï âtə?» Bëte ajuîfu nyîâbo ndə̂kə̂ sə lə̂ gbâtə̂ andjê la azü gö ndə̂ Samarï-a.

Jâan 8:48

Ajuîfu tô rə̂ ndə̂nə̈ sə̈ Jezü päkëdə̂: «Ndə̂ ârâ tô rə̂ pä mo də̈ akrə gö ndə̂ Samarï, ânyë ngâ ngbongbo tchozö kä lə̂ zə̈ lâme, lëge pö də̂âbo rə̂?»