Lûke 9:51 - Mbëtï Ndjapä: TÄFO MADƗ̈

⁵¹ Ndə̂ lo ndə̂kə̂ pa a za Jezü kə̂ kenga la tchë atə̂ lafô âsə̈ ndo, tche nyîndə̂ nə̈ la su yê gbɛ̂ ndə̂kə̂ e atə̂ Jerûzalêmo.

Lûke 9:51 Iomraidhean Croise

Mâreke 16:19

Pânə̈ ndə̂ Gbölö Gbïɛ̈ Jezü tô pö sə̈ andjê, a zâ tchë kə̈ kênga la tchë bhâ lafô ânyë tche sə̂ də ndôkö könô Ndjapä.

Lûke 12:50

Äwä ndə̂kə̂ pa më gbo ngâ batɛ̂me, më âwun yûkü batɛ̂me nə̈ zoo kə̂ gbo rə̂!

Lûke 13:22

Ndə̂ Jezü sə̂ lakə̂ e atə̂ Jerûzalêmo, tche rô lə̂ ayɛ̈yɛ̈ gö la agbölö gö lakə̂ nyisə̂ rə sə̈ azü.

Lûke 17:11

Ndə̂ Jezü zâ köbo ndə̂kə̂ e atə̂ Jerûzalêmo, tche dô lə̂ agö ndə̂ Samarï la andə̂ Galilë.

Lûke 18:31

Jezü kʉ̈ adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ gîtə̂ yê la andjê bhâchï, ânyë kə̈ tô rə̂ sə̈ andjê päkëdə̂: «Nyë djë rə̂, azə̈ âe atə̂ Jerûzalêmo ndə̂kə̂ pa pö gbɛ̂ ndə̂ a-earə̂ ndə̂ma Ndjapä mbô rə̂ lə̂ mbëtï pâ Modô ndə̂ Akrə alême, âmbo gundə̂sə̂ nə̈.

Lûke 19:11

Jezü kä tô ngâ ndoka sə̈ azü ndə̂ andjë sə̂ lakə̂ dje pö lâme. Tche tö rə̂ bëte rə̂ ndə̂ tche ndô la gö ndə̂ Jerûzalêmo nə̂, ânyë azü nə̈ wüntî pä Gbölö gö-gbïɛ̈ ndə̂ Ndjapä âwutu angangaâtə.

Lûke 19:28

Pânə̈ ndə̂ Jezü tô pö lâme, tche zâ köbo dokʉ̈tchê tə̂ akpûlû azü nə̈ ndə̂kə̂ e atə̂ Jerûzalêmo.

Lûke 24:51

Ndə̂ tche âsə̈ e tchôtchô pö pâ andjê, tche krʉ̂ tchə̂lə̂ tə̂ yê la andjê, ânyë a kênga la tchë atə̂ lafô.

Lûke 9:57

Ndə̂ gbô andjê ndə̂po lə̂ köbo, ngâ akrə tô rə̂ sə̈ Jezü päkëdə̂: «Tchô gbɛ̂ ndə̂ mô eadje tâ, mê ânə ngbâ zə̈.»

Jâan 13:1

Lö balë ndə̂kə̂ pa a mbo kpülü ndə̂ Pâke, Jezü wûnsə̂ nə̈ pä dalo ndə̂ yê wûtu nə̂ ndə̂kə̂ pa tche gbotə̂ tchêbêche âtə, kə̂ ka pu Bha nə̈. Jezü lâme ndə̂ tche nyîndə̂ azü ndə̂ yê logbɛ̂ pâ cho âtə, tche ânyində̂ andjê käko ndjoa ëtə̂ manə̈.

Jâan 16:28

Më tö bhândə̂ Bha mê ânyë kə̈ nə̂ atə̂ bêche. Angaâtə, mê âgbo pâ cho âtə ndə̂kə̂ dotə̂ mê pu Bha mê.»

Jâan 16:5

Angaâtə, mê âka pu tchanə̈ ndə̂ tche wân mê, ânyë ngâ akrə balë lə̂ gûtə̂ nyê yuabô mê yû päkëdə̂: ‹Mo âe atə̂ tchêbâ?›

Jâan 17:11

Më kä sə̂âbo bêche âtə-a, bëte mê âgu atə̂ndə̂ zə̈, praâbalë andə̂ andjë nə̈, gbô andjê kä bêche âtə. Bha mê ndə̂ mo dâka gbɛ̂, amö bata andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê lâme, ndə̂kə̂ pa andjë wa balë batə̂ rə̂ ndə̂ më wâ balë la mö.

Jâan 6:62

Käko âdə Modô ndə̂ akrə âkenga atə̂sə̂ tchô ndə̂ tche sə̂ tâ dokʉ̈tchê lâme, nyë âto rə̂ atöko?

Abadjângele 1:2

ndjoa ësə̂nə̈ ndə̂ a kênga la tchë atə̂ lafô. Dokʉ̈tchê ndə̂kə̂ pa tche kenga atə̂ lafô, lə̂ köbosə̂ gbôgbô ndə̂ Kpɨ̂ki Yingö, tche zä bâlâ alême tə̂ abadjângele ndə̂ yê ndə̂ tche dɨ̂ andjê bëte kua ndə̂ yê.

Abadjângele 1:9

La tchêngbâ pö ndə̂ tche tô rə̂ lâme, tche kênga atə̂ lafô kpôlə̂ la andjê, praâbalë ndə̂ gbô andjê sə̂ lakə̂ wun tchë, ngâ ndrö gʉ̂â sə̂ yê lə̂ la andjê.

Ëfêze 1:20

Ndjapä mbô rə̂ lə̂ köbosə̂ Krîsiti, ndə̂ Ndjapä jô tchë lə̂ kuzü, ânyë kə̈ mbô rə̂ pä tche sə də ndôkö könô yê bhâ lafô.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Aheborö 6:20

Bhâye kä ndə̂ Jezü lî dokʉ̈tchê tə̂ azə̂ ndjë bëte azə̂. Bëte tche dötə̂ yê tə̂ gbölö earə̂ kə̂ wa ngela pïï etə̂ batə̂ känyï ndə̂ Mëlëkïsëdêke.

Dokʉ̈ Pîêre 3:22

Tche gû atə̂ lafô nə̂, ânyë kə̈ sə̂ də ndôkö könô Ndjapä. Angaâtə aânje, atchozö ndə̂ andjë wâ la kümändëmä la andjanə̈ ndə̂ andjë wâ la gbôgbô, andjë kä tchâtchâ yê.