Lûke 9:5 - Mbëtï Ndjapä: TÄFO MADƗ̈

⁵ Tchô gbɛ̂ ndə̂ azü gö nə̈ kôsə̂ kə̂ kʉ nyê bhândə̂ andjê, nyë wütu lə̂ gö nə̈ lakə̂ gʉgʉ cho tchâda nyê ndə̂kə̂ nyisə̂ ngbongbo rə ndə̂ andjê sə̈ andjê.»

Lûke 9:5 Iomraidhean Croise

Matiyə̈ 10:18

A â-eadje la nyê ku tchâtchu akömändâ la agbïɛ̈ bëte mê, ndə̂kə̂ pa nyë to pö ndə̂ rə ndə̂ nyë wûnsə̂ nə̈ pâ mê sə̈ andjê, ndjë la azü ndə̂ andjë wâbô wâtə̂ ajuîfu-î.

Mâreke 6:11

Âdə angâ azü lə̂ ngâ gö âkosə̂ kə̂ kʉ nyê âdəndjë rə̂ ndə̂ andjë kôsə̂ kə̂ dje pö ndə̂ nyê, kə̂ wutu ndə̂ nyê lə̂ gö nə̈, nyë gʉ̈gʉ cho tchâda nyê. Nyë mbö tâ käko ndə̂kə̂ nyisə̂ nə̈ sə̈ andjê pä andjë mbô ngbongbo rə nə̂.»

Mâreke 9:37

«Akrə ndə̂ tche mbô rə̂ la ngâ yɛ̈yɛ̈ bechë batə̂ tchanə̈ âtə la rə̈ mê, dëkë mëmê la tə̂ mê kä ndə̂ tche mbô rə̂ la mê. Akrə ndə̂ tche mbô rə̂ la mê, âdə̂âbo mëmê la kütû mê kä ndə̂ tche mbô rə̂ la mê-a, praâbalë tche mbö ndjë rə̂ la tchanə̈ ndə̂ tche wân mê.»

Lûke 10:16

Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Lûke 5:14

Jezü tô rə̂ sə̈ tchë la gbôgbô päkëdə̂: «Toabô rə̂ tô sə̈ ngâ akrə-ê. Praâbalë amö e kə̂ matə̂ zə̈ tə̂ earə̂ kə̂ wa ngela sə̈ Ndjapä, kə̂ kʉ rə ndə̂ Möyîze tô pö ndə̂nə̈ alême ndə̂kə̂ nyisə̂ nə̈ sə̈ azü gbɛ̂ pä tə̂ zə̈ dâka nə̂.»

Lûke 9:4

Nda gbɛ̂ ndə̂ nyê liadje lə̂nə̈, ânyë ngâ akrə kʉ̂ nyê bhândə̂ yê, nyë lö kütû lə̂ nda nə̈ lâme zoo kə̂ ro etə̂.

Lûke 9:48

kə̈ tô rə̂ sə̈ andjê päkëdə̂: «Akrə ndə̂ tche lûsə̂ bechë âtə la rə̈ mê, dëkë mëmê la tə̂ mê kä ndə̂ tche lûsə̂ mê. Akrə ndə̂ tche lûsə̂ mê, dëkë tche lü ndjë sə̂ akrə ndə̂ tche wân mê. Bëte akrə ndə̂ tche wâ kpîɛ̂kpîɛ̂ rə̂ ârô masə̂nə̈ lə̂ gûtə̂ nyê, akrə lâme kä ndə̂ âwâ gbölö!»

Abadjângele 13:51

Käko aköchë bïchuû lâme gʉ̂gʉ cho tchâda andjê lə̂ gö nə̈, la tchêngbâ nə̈ andjë ê atə̂ Ïkönïwûme.

Abadjângele 18:6

Praâbalë andjë kôsə̂ pö nə̈, kə̈ drô tchë. Tche nyôânyoa lə̂ba tə̂ yê sə̈ andjê kə̈ tô rə̂ päkëdə̂: «Äwäpä jï nyê wa lə̂ küma nyê la tə̂ nyê, më wâbo la pö lə̂ küma mê-a. Angaâtə, më âe pu azü ndə̂ andjë wâbô wâtə̂ ajuîfu.»