Lûke 9:47 - Mbëtï Ndjapä: TÄFO MADƗ̈

⁴⁷ Jezü wûnsə̂ pö lâme bhâtə̂ su andjê. Tche zâ ngâ bechë, kə̈ gï tchë ndrotə̂ yê,

Lûke 9:47 Iomraidhean Croise

Matiyə̈ 12:15

Ndə̂ Jezü djê pö ndə̂ rə ndə̂ andjë nyîndə̂ kə̂ mbo rə̂ tə̂ yê lâme, tche âlafô tchâme kə̈ rô ëtə̂. Agbölö kpûlû azü zâ tchêngbâ yê, ânyë tche tchâ tə̂kömbô ndə̂ andjê gbɛ̂.

Matiyə̈ 9:4

Jezü wûnsə̂ pö bhâlə̂ su andjê, kə̈ tô rə̂ sə̈ andjê päkëdə̂: «Nyë rɨ̈ tchə̂lə̂ nyê tə̂ ngbongbo nə̈ käko bëte giamâ?

Lûke 5:22

Jezü wûnsə̂ pö bhâtə̂ su andjê, kə̈ tô rə̂ sə̈ andjê päkëdə̂: «Nyë rɨ̈ tchə̂lə̂ nyê käko bëte giamâ?

Jâan 16:30

Käko ârâ wünsə̂ nə̈ pä mo wünsə̂ arə gbɛ̂, ânyë âkʉ̂ bata sə̂nə̈ pä ngâ akrə kä yû mö la ngâ pö-a, bëte rə̂ kä ânyë ârâ gâmba rə̂ pä mo tö bhândə̂ Ndjapä.»

Jâan 2:25

A wâbo ndə̂kə̂ nyisə̂ pö pâ ngâ akrə balë sə̈ Jezü-a, bëte tchetchë la tə̂ yê, tche wünsə̂ rə ndə̂ âwâ bhâlə̂ su azü.

Jâan 21:17

Jezü kâ tô rə̂ sə̈ tchë tə̂ vötaâ nə̈ päkëdə̂: «Chemön, modô ndə̂ Jâan, mo nyîndə̂ mê nə̂?» Pîêre wâ la nyonyo bëte rə̂ ndə̂ Jezü kâ tô rə̂ sə̈ tchë tə̂ vötaâ nə̈ päkëdə̂: «Mo nyîndə̂ mê nə̂?» Tche tô rə̂ sə̈ Jezü päkëdə̂: «Gbölö Gbïɛ̈, mo wünsə̂ rə gbɛ̂, mo wûnsə̂ nə̈ nə̂ pä më nyïndə̂ zə̈!» Jezü tô rə̂ sə̈ tchë päkëdə̂: «Amö bata aɛ̈bro-ngbaga ndə̂ mê.

Dokʉ̈ Körɛ̂nte 14:20

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.

Aheborö 4:13

Ngâ rə balë ndə̂ Ndjapä mbô rə̂ ndə̂ âwâ wü tchâtchu yê wâbo-a. Lə̂ la Ndjapä arə gbɛ̂ wä kpändëwä, tche wün tchô pâ arə gbɛ̂, azəzə̂ kä ndə̂ âtosə̂ tchêngbâ arə ndə̂ azə̈ mbô rə̂ sə̈ tchë.

Apökälîbïchi 2:23

Pâ arə lâme gbɛ̂ më âkä won abechë ndə̂ yê. Käko a-Egilîze gbɛ̂ wun-adje sə̂nə̈ pä më də̈ akrə ndə̂ mê wunsə̂ apö ndə̂ âwâ lə̂ su akrə, la gʉ tə̂ su azü. Mê kʉadje rə sə̈ akrə balë balë lə̂ gûtə̂ nyê gundə̂sə̂ arə ndə̂ tche mbô rə̂.