Lûke 9:44 - Mbëtï Ndjapä: TÄFO MADƗ̈

⁴⁴ «Pö ndə̂ mê to rə̂ âtə, nyë zä rə̂ lə̂ küma nyê: A âgboadje tə̂ Modô ndə̂ Akrə ëtchânə̂ azü.»

Lûke 9:44 Iomraidhean Croise

Matiyə̈ 16:21

Tə̂ lo nə̈ lâme, Jezü jêtə̂ kə̂ to rə̂ kraâ sə̈ adjisîpili ndə̂ yê päkëdə̂: «Äwäpä më e atə̂ Jerûzalêmo ndə̂kə̂ wun yûkü tə̂ gbölösə̂nə̈ tchânə̂ akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈. Andjê won-adje mê, lə̂ lö vötaâ la tchêngbâ nə̈, mê joadje.»

Matiyə̈ 26:2

«Nyë wûnsə̂ nə̈ nə̂ pä lə̂ lö bïchuû kpülü ndə̂ Pâke kä tâ: A âzadje Modô ndə̂ Akrə, kə̂ e la tchë ndə̂kə̂ won tchë tə̂ yö ndə̂ gba.»

Mâreke 8:31

La tchêngbâ nə̈, Jezü jêtə̂ kə̂ nyisə̂ rə sə̈ adjisîpili ndə̂ yê päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Mâreke 9:31

Bëte tche sə̈ lakə̂ nyisə̂ rə sə̈ adjisîpili ndə̂ yê, lakə̂ to rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, andjê won-adje tchë, lö vötaâ la tchêngbâ nə̈, tchê joadje lə̂ kuzü.»

Lûke 1:66

Azü gbɛ̂ ndə̂ andjë djê pö nə̈ ndə̂ a sə̂ lakə̂ to rə̂ lâme, andjë sə̂ lakə̂ rɨ tchə̂lə̂ andjê tâ lakə̂ yutə̂ andjê päkëdə̂: «Tchîsûwu ndə̂ bechë lâme âwa lɛ̂ɛ atöko?» Bëte gbôgbô ndə̂ Gbölö Gbïɛ̈ kä la tchë tə̂ lëge nə̈.

Lûke 18:31

Jezü kʉ̈ adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ gîtə̂ yê la andjê bhâchï, ânyë kə̈ tô rə̂ sə̈ andjê päkëdə̂: «Nyë djë rə̂, azə̈ âe atə̂ Jerûzalêmo ndə̂kə̂ pa pö gbɛ̂ ndə̂ a-earə̂ ndə̂ma Ndjapä mbô rə̂ lə̂ mbëtï pâ Modô ndə̂ Akrə alême, âmbo gundə̂sə̂ nə̈.

Lûke 2:19

Andə̂ Malê, tche bâta rə̂ lə̂ su yê lakə̂ za küma yê tâ.

Lûke 2:51

Pânə̈ Jezü dôtə̂ yê la andjê atə̂ Näzärête. Tche djê ma bha nə̈ la anyï nə̈. Rə gbɛ̂ ndə̂ âwûtu lâme, anyï nə̈ bâta rə̂ tə̂ su yê.

Lûke 24:44

Pânə̈ Jezü tô rə̂ sə̈ andjê päkëdə̂: «Ndə̂ gbô mê ndə̂po lə̂ gûtə̂ nyê alême, më tö rə̂ sə̈ nyê päkëdə̂: Pö gbɛ̂ ndə̂ a tô rə̂ la rə̈ mê lə̂ Mbëtï ndə̂ Möyîze, lə̂ Mbëtï ndə̂ a-earə̂ ndə̂ma Ndjapä ndjë lə̂ Apösômo, äwäpä arə nə̈ mbo gundə̂sə̂ nə̈.»

Lûke 9:22

Tche kä tô rə̂ päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Jâan 16:31

Jezü tô rə̂ sə̈ andjê päkëdə̂: «Nyë gämba rə̂ kütû angangaâtə?

Jâan 16:4

Praâbalë më tö pö lâme sə̈ nyê ndə̂kə̂ pa, âdə lo nə̈ âsə̈ wutu, sə̂nə̈ te lə̂ nyê pä më tô pö lâme sə̈ nyê alême nə̂.» «Më tôâbo pö lâme sə̈ nyê dokʉ̈tchê nə̂-a, bëte më alême kä ndrotə̂ nyê.

Jâan 19:11

Jezü tô rə̂ ndə̂nə̈ sə̈ tchë päkëdə̂: «Mo wâbo la gbôgbô pâ mê-a, kütû anə̈ ndə̂ Ndjapä zâ rə̂ sə̈ mö lâme. Bëte rə̂ kä ndə̂ akrə ndə̂ tche yôsə̂ mê sə̈ mö âtə, tche mbô gbölö ngbongbo rə nə̂.»

Abadjângele 2:23

Köchë lâme, a gbötə̂ yê tchânə̂ nyê lə̂ köbosə̂ nə̈ ndə̂ Ndjapä nyîkrə rə̂ dokʉ̈tchê tə̂ su yê. Nyë zâ tchë sə̈ azü ndə̂ andjë wûn-âbô sə̂ Ndjapä wûn, andjë î tchë bhâtə̂ yö ndə̂ gba ânyë kə̈ wôn tchë.

Aheborö 2:1

Bëte rə̂ kä, äwäpä la azə̂ gbo pâ apö gbɛ̂ ndə̂ azə̈ djê rə̂, ânyë kə̂ gboabô gbôtâ lə̂ köbo-ê.