Lûke 9:41 - Mbëtï Ndjapä: TÄFO MADƗ̈

⁴¹ Jezü zâ pö kə̈ tô rə̂ sə̈ andjê päkëdə̂: «Nyënyê ndə̂ azü ndə̂ tchô angêta ndə̂ nyë zâbo su nyê zä sə̈ Ndjapä âtə, mê âkä sə ndrotə̂ nyê zoo ëtə̂ lö atöko? Mê ârʉatə̂ su mê la nyê zoo dalatchêbâ? Nə la modô ndə̂ zə̈ nə̈ atâ!»

Lûke 9:41 Iomraidhean Croise

Matiyə̈ 11:28

«Nyë nə̈ pu mê, nyënyê gbɛ̂ ndə̂ nyë mô lakə̂ kʉ arə ndə̂ âlû, mê zadje kə̂ yatə̂ sə̈ nyê.

Matiyə̈ 12:39

Jezü tô rə̂ ndə̂nə̈ sə̈ andjê päkëdə̂: «Azü ndə̂ tchô angêta də̈ angbongbo azü, andjë nyîâbo ndə̂kə̂ dje pö ma Ndjapä-a. Andjë yükû nə̈ pä më mbo ngâ kpɨ̈ngbɨ̈ rə. Andjê wun-abô rə̂ tee-a, kütû kpɨ̈ngbɨ̈ rə ndə̂ Ndjapä mbô rə̂ balë lə̂ köbosə̂ earə̂ ndə̂ma Ndjapä Jönâse lâme.

Matiyə̈ 12:45

Tchâme, tche âkä e, kə̂ kʉ angâ angbongbo atchozö mïndûu manə̈ bïchuû ndə̂ andjë rô tchë la gbôgbô, andjë kangbâ andjê, kə̂ sə gbɛ̂ ë tchâalê nə̈. Pânə̈ rə nə̈ âkä watə̂ köchë lâme ngbo kə̂ ro anə̈ dokʉ̈tchê. Rə ndə̂ âwutuadje tə̂ angbongbo azü ndə̂ tchô angêta kä lâme.»

Matiyə̈ 16:4

Azü ndə̂ tchô angêta də̈ angbongbo azü, andjë nyîâbo ndə̂kə̂ dje pö ma Ndjapä-a. Andjë yükû nə̈ pä më mbo ngâ kpɨ̈ngbɨ̈ rə. Andjê wun-abô rə̂ tee-a, kütû kpɨ̈ngbɨ̈ rə ndə̂ Ndjapä mbô rə̂ balë lə̂ köbosə̂ earə̂ ndə̂ma Ndjapä Jönâse lâme.» La tchêngbâ nə̈ Jezü gbôtə̂ andjê tchâme kə̈ ê etə̂.

Matiyə̈ 17:17

Jezü zâ pö kə̈ tô rə̂ sə̈ andjê päkëdə̂: «Nyënyê ndə̂ azü ndə̂ tchô angêta ndə̂ nyë zâbo su nyê zä sə̈ Ndjapä âtə, mê âkä sə ndrotə̂ nyê zoo ëtə̂ lö atöko? Mê ârʉatə̂ su mê la nyê zoo dalatchêbâ? Nyë nə̈ la bechë nə̈ sə̈ mê!»

Matiyə̈ 23:36

Ɛn-ɛn, tə̂ lëge nə̈ më tö rə̂ sə̈ nyê, ngbanga jï azü ndə̂ a wôn andjê alême teadje pâ azü ndə̂ tchô angêta gbɛ̂!»

Matiyə̈ 3:7

Ndə̂ Jâan wûn angbängbä afarizïɛ̈n la asadusïɛ̈n ndə̂ andjë nə̂ pû tchë ndə̂kə̂ gbo batɛ̂me, tche tô rə̂ sə̈ andjê päkëdə̂: «Nyënyê ndə̂ nyë wâtə̂ akângê âtə! Tchabâ kä ndə̂ ânyîsə̂ nə̈ sə̈ nyê ndə̂kə̂ pa nyë kpe wa mêrâ ndə̂ Ndjapä ndə̂ ânə lâme?

Mâreke 10:14

Ndə̂ Jezü wûn rə̂ käko, tchə̂lə̂ yê kʉ̂ tchë ânyë tche tô rə̂ sə̈ andjê päkëdə̂: «Nyë gbötə̂ abechë andjë nə̂ pu mê, nyë kïäbô kîtə̂ köbo tə̂ andjê-ê, bëte Gbölö gö-gbïɛ̈ ndə̂ Ndjapä wätə̂ andə̂ andjanə̈ ndə̂ andjë wâ batə̂ abechë lâme.

Mâreke 10:49

Jezü krʉ̂-ê, kə̈ tô rə̂ päkëdə̂: «Nyë ë tchë.» Andjë ê earə̂ föla nə̈ kə̈ tô rə̂ sə̈ tchë päkëdə̂: «Su zə̈ zɨ̈-î, alafô-ê! Tche kä lakə̂ e mö.»

Mâreke 9:19

Jezü zâ pö kə̈ tô rə̂ sə̈ andjê päkëdə̂: «Nyënyê ndə̂ azü ndə̂ tchô angêta ndə̂ nyë zâbo su nyê zä sə̈ Ndjapä âtə, mê âkä sə ndrotə̂ nyê zoo ëtə̂ lö atöko? Mê ârʉatə̂ su mê la nyê zoo dalatchêbâ? Nyë nə̈ la bechë nə̈ sə̈ mê.»

Lûke 8:25

Jezü tô rə̂ sə̈ adjisîpili ndə̂ yê päkëdə̂: «Kə̂ za su nyê sə̈ mê nə̈ wä bhâ tchêbâ?» Wawa mbô andjê, tchə̂lə̂ küma andjê djîngɨli, ânyë andjë sə̂ lakə̂ to rə̂ lə̂ gbâtə̂ andjê päkëdə̂: «Köchë âtə də̈ tchabâ? Ânyë kə̈ tô pö sə̈ yi la gbölö ngû ânyë â djê ndjë tchë âtə?.»

Lûke 9:40

Më yükû nə̈ sə̈ adjisîpili ndə̂ zə̈ ndə̂kə̂ pa andjë gro ngbongbo tchozö lâme, praâbalë andjë grô tchë tʉrʉ-ê.»

Lûke 9:42

Bechë nə̈ âsə̈ gitə̂ yê ndola Jezü, ngbongbo tchozö nə̈ yî tchë ëbêche, lakə̂ bhi tchë tə̂ cho. Praâbalë Jezü hrô la ngbongbo tchozö lâme, kə̈ tchâ bechë nə̈, kə̈ zâ tchë sə̈ bha nə̈.

Jâan 14:9

Jezü tô rə̂ sə̈ tchë päkëdə̂: «Fïlîpe, ndə̂ mê gû lə̂ gûtə̂ nyê nə̂, mo wûn-âbo sə̂ mê dämba? Akrə ndə̂ tche wûn mê, dëkë tche wûn Bha mê nə̂. Bëte giamâ mo yû mê päkëdə̂: ‹Amö nyisə̂ Bha sə̈ ârâ›?

Jâan 20:27

Pânə̈ tche tô rə̂ sə̈ Tomä päkëdə̂: «Amö yi küma ɛ̈ könô zə̈ tchâtə, kə̈ wûn tchânə̂ mê, amö yi könô zə̈ lə̂ krabadja mê. Amö gbotə̂ kə̂ kosə̂ pö-ê, praâbalë amö gamba rə̂!»

Abadjângele 13:18

Lə̂ ngû ndola tə̂ azü bïchuû, tche bâta andjê la kɨ̈zɨ̂ bhâlə̂ kpaɛ̈gâ.

Abadjângele 2:40

Pîêre kä tô angâ angbängbä apö sə̈ andjê. Tche mbö rə̂ gbɛ̂ ndə̂kə̂ pa andjë gamba pö nə̈ lakə̂ to apö ndə̂kə̂ za gbôgbô tə̂ su andjê. Tche tö rə̂ päkëdə̂: «Azü ndə̂ tchô angêta wätə̂ angbongbo azü; äwäpä nyë wutu lə̂ gbâtə̂ andjê ânyë kə̂ tcha lə̂ kuzü!»

Rômo 2:4

Ndjapä mbö tchôtchô rə tə̂ zə̈ tə̂ gbölösə̂nə̈, tche wâbo ngbanga lə̂ küma zə̈ gasa-a, tche rʉ̈ätə̂ su yê ndə̂kə̂ krʉ bëte mö; mo wün rə̂ lə̂ la zə̈ ämbänə̈? Tche mbö tchôtchô rə tə̂ zə̈ ndə̂kə̂ pa mo gbotə̂ bəndɨ kə̂ mbo rə ndə̂ zə̈;

Aheborö 3:19

Käko azə̈ wûnsa sə̂nə̈ nə̂ pä andjë wâbo ndə̂kə̂ li lə̂ tchô ndə̂kə̂ yatə̂ lâme-a, bëte andjë kösə̂ kə̂ za su andjê sə̈ Ndjapä.

Aheborö 4:11

Bëte rə̂ kä, äwäpä azə̈ pu köbo gbɛ̂ ndə̂kə̂ li bhâsə̂ tchô ndə̂kə̂ yatə̂ nə̈ lâme, kə̂ mbo rə̂ pä ngâ akrə balë lə̂ gbâtə̂ azə̂ teabô tê-ê lakə̂ kosə̂ pö batə̂ araâta azə̂ lâme-ê.

Aheborö 4:2

Bëte azə̈ djë Tchôtchô Pö batə̂ rə̂ ndə̂ araâta azə̂ djê rə̂ alême. Praâbalë pö nə̈ mbôâbo ngâ rə tə̂ andjê balë-a, bëte azü ndə̂ andjë djê pö nə̈, andjë gâmbabô rə̂-a.

Aheborö 7:25

Bëte rə̂ kä, azü ndə̂ andjë gitə̂ andjê pu Ndjapä lə̂ köbosə̂ yê, tche kä la gbôgbô ndə̂kə̂ tcha andjê tə̂ lëge nə̈ tratralë, bëte tche wä la tchîsûwu ndə̂ logbɛ̂ logbɛ̂ ndə̂kə̂ to pö sə̈ Ndjapä bëte andjê.