Lûke 9:26 - Mbëtï Ndjapä: TÄFO MADƗ̈

²⁶ Bëte âdə ngâ akrə âmbo ganô mê, la apö ndə̂ mê, Modô ndə̂ Akrə âmboadje ndjë ganô yê, lo nə̈ ndə̂ tchê kadje lə̂ gbôgbô ndə̂ yê, ndjë lə̂ gbôgbô ndə̂ Bha nə̈, ndjë la andə̂ aânje ndə̂ andjë wâ ngbî ânyë kə̈ dâka gbɛ̂.

Lûke 9:26 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Matiyə̈ 26:64

Jezü tô rə̂ ndə̂nə̈ sə̈ tchë päkëdə̂: «Mo tô rə̂ la ma zə̈ nə̂. Praâbalë më tö rə̂ sə̈ nyê, ndə̂kə̂ to tə̂ tchô angêta, nyê wun-adje Modô ndə̂ Akrə ndə̂ tche sə̂ də ndôkö könô Ndjapä ndə̂ tche wâ la gbôgbô gbɛ̂, ânyë kə̂ kadje lə̂ ndrö ndə̂ tchêlafô.»

Mâreke 8:38

Bëte âdə ngâ akrə âmbo ganô mê la apö ndə̂ mê lə̂ la azü ndə̂ tchô angêta ndə̂ andjë kôsə̂ pö ma Ndjapä lakə̂ mbo ngbongbo rə, Modô ndə̂ Akrə mboadje ndjë ganô yê lo nə̈ ndə̂ tchê kadje lə̂ gbôgbô ndə̂ Bha nə̈ la aânje ndə̂ yê ndə̂ andjë wâ ngbî tiî bëte Ndjapä.»

Jâan 12:43

Bëte andjë nyïndə̂ kə̂ lusə̂tə̂ andjê, ndə̂ âtô dəndə̂ azü kə̈ rôpâ anə̈ ndə̂ âtô bhândə̂ Ndjapä.

Jâan 5:44

Nyë nyïndə̂ nə̈ pä angâ nyê gamba nyê, nyê gamba ndjë andjê, ânyë kə̈ nyîâbô nyîndə̂ kə̂ pu köbo ndə̂kə̂ pa Ndjapä gamba nyê lâme, nyë âza su nyê sə̈ mê tchïtchïnə̈ atöko?

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Rômo 1:16

Më wâbo la ganô ndə̂kə̂ mu Tchôtchô Pö ndə̂ Ndjapä-a. Tchôtchô Pö nə̈ wätə̂ gbôgbô ndə̂ Ndjapä ndə̂ tche zâ rə̂ ndə̂kə̂ tcha azü gbɛ̂ ndə̂ andjë zâ su andjê sə̈ Jezü Krîsiti. Tche tchä ajuîfu dokʉ̈tchê, la tchêngbâ nə̈, tche tchâ azü ndə̂ andjë wâbô wâtə̂ ajuîfu.

Bïchuû Körɛ̂nte 12:10

Bëte rə̂ kä ndə̂ më wâ la mômô sə̂nə̈ ndə̂ më wâbô wâ la gbôgbô, ndjë, sə̂nə̈ ndə̂ azü drô mê, âdəndjë lə̂ agbôgbô arə ndə̂ âpu mê katchôgbɛ̂, âdəndjë rə̂ ndə̂ azü mbo gbôgbô tə̂ mê bëte Krîsiti, ndjë la arə nyonyo. Bëte sə̂nə̈ ndə̂ më wâbô wâ la gbôgbô, dëkë sə̂nə̈ lâme kä ndə̂ më wâ la gbôgbô.

Gälâte 6:14

Âdə andə̂ me nə̈, tə̂ mê krâbo tə̂ ngâ rə ngbî-a, tə̂ më krä kütû tə̂ pö ndə̂ yö ndə̂ gba ndə̂ Gbölö Gbïɛ̈ ndə̂ azə̂ Jezü Krîsiti. Lə̂ köbosə̂ yö ndə̂ gba nə̈, arə tchêbêche âtə tchû lə̂ mê nə̂, ânyë më tchû ndjë tə̂ pö ndə̂ arə tchêbêche nə̂.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Bïchuû Timotë 2:12

Âdə azə̂ âwun yûkü la tchë, azə̂ mboadje kümändëmä la tchë. Âdə azə̂ âvusə̂ yê, tchetchë ndjë gbɛ̂ tchê vuadje sə̂ azə̂.

Aheborö 11:26

Möyîze nyïndə̂ nə̈ pä azü talusə̂ anyê batə̂ Krîsiti ndə̂ a âtaluadje sə̂ yê, äwä batə̂ ngâ gbölö tchôtchô rə kə̈ rô atchôtchô arə ndə̂ Ejîpiti, bëte gbô su yê kä pâ atchôtchô arə ndə̂ tchê gboadje rə̂ ngbâ rə ndə̂ tche mbô rə̂.

Aheborö 13:13

Käko äwäpä azə̈ wutu də sûwu gbadja nə̈, kə̂ e kə̂ takpa la tchë, ânyë a dro ndjë azə̂ batə̂ tchë.

Jûde 1:14

Hënôke, ndə̂ tche də̂ akrə mïndûu manə̈ bïchuû lə̂ gbölö mawo la tchêngbâ Adâme tô ndə̂ma Ndjapä pâ azü lâme dokʉ̈tchê alême päkëdə̂: «Wunsaâ, Gbölö Gbïɛ̈ nəadje la angbängbä aânje ndə̂ andjë wâ ngbî ânyë kə̈ dâka gbɛ̂,

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.

Apökälîbïchi 20:11

Pânə̈ më wûn ngâ gbölö grôgrô ngendë-gbïɛ̈ la akrə ndə̂ tche sə̂ pânə̈. Tchêlafô la tchêbêche rô tchâtchu yê, ânyë a kä wûn bata rə̂-a.

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»

Apökälîbïchi 3:5

«Käko akrə ndə̂ tche rô lə̂ arə gbɛ̂ la gbôgbô, tche yuadje agrôgrô lə̂ba. Ânyë mê jiabô rə̈ yê lə̂ mbëtï ndə̂ tchîsûwu tee-a, ndjë, më âto tchôtchô pö ndə̂ yê kraâ tchâtchu Bha mê la aânje ndə̂ yê.