Lûke 9:22 - Mbëtï Ndjapä: TÄFO MADƗ̈

²² Tche kä tô rə̂ päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Lûke 9:22 Iomraidhean Croise

Matiyə̈ 17:12

Andə̂ me nə̈, më tö rə̂ sə̈ nyê: Elïe nə̂ nə̂, azü wûn-âbo sə̂ yê-a, ânyë kə̈ mbô rə gbɛ̂ ndə̂ su andjê nyîndə̂ nə̈ tə̂ yê. Käko kä ndə̂ andjê mboadje Modô ndə̂ Akrə la yûkü.»

Matiyə̈ 17:22

Ndə̂ adjisîpili pâlatə̂ andjê tə̂ngâlo bhâ Galilë, Jezü tô rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü,

Matiyə̈ 27:63

Andjë tô rə̂ sə̈ tchë päkëdə̂: «Gbölö akrə, sə̂ ngâ pö ndə̂ earə̂ yepa lâme tê lə̂ ârâ nə̂, ndə̂ gbô tchë sə̂ la tʉ̈rʉ̂ la yê alême, tche tö rə̂ päkëdə̂: ‹La tchêngbâ lö vötaâ, mê joadje lə̂ kuzü.›

Mâreke 8:31

La tchêngbâ nə̈, Jezü jêtə̂ kə̂ nyisə̂ rə sə̈ adjisîpili ndə̂ yê päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Mâreke 9:31

Bëte tche sə̈ lakə̂ nyisə̂ rə sə̈ adjisîpili ndə̂ yê, lakə̂ to rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, andjê won-adje tchë, lö vötaâ la tchêngbâ nə̈, tchê joadje lə̂ kuzü.»

Lûke 17:25

Praâbalë äwäpä tche wun yûkü tə̂ gbölösə̂nə̈ dokʉ̈tchê, ânyë äwäpä azü ndə̂ tchô angêta kosə̂ yê.

Lûke 24:26

Âwâbo la köbo nə̈ pä Krîsiti wun yûkü dokʉ̈tchê ânyë kə̂ gbo voga ndə̂ yê?»

Lûke 24:44

Pânə̈ Jezü tô rə̂ sə̈ andjê päkëdə̂: «Ndə̂ gbô mê ndə̂po lə̂ gûtə̂ nyê alême, më tö rə̂ sə̈ nyê päkëdə̂: Pö gbɛ̂ ndə̂ a tô rə̂ la rə̈ mê lə̂ Mbëtï ndə̂ Möyîze, lə̂ Mbëtï ndə̂ a-earə̂ ndə̂ma Ndjapä ndjë lə̂ Apösômo, äwäpä arə nə̈ mbo gundə̂sə̂ nə̈.»

Lûke 24:7

‹Äwäpä a gbotə̂ Modô ndə̂ Akrə tchânə̂ a-earə̂ ngbongbo rə, a âbhiadje tchë tə̂ yö ndə̂ gba, lə̂ vötaâ lö nə̈, tchê joadje lə̂ kuzü.›»

Lûke 9:44

«Pö ndə̂ mê to rə̂ âtə, nyë zä rə̂ lə̂ küma nyê: A âgboadje tə̂ Modô ndə̂ Akrə ëtchânə̂ azü.»

Dokʉ̈ Körɛ̂nte 15:4

a chï tchë, lə̂ lö vötaâ, tche jô lə̂ kuzü, batə̂ rə̂ ndə̂ Mbëtï Ndjapä tô rə̂.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?