Lûke 9:2 - Mbëtï Ndjapä: TÄFO MADƗ̈

² Pânə̈ tche wân andjê ndə̂kə̂ mu pö ndə̂ Gbölö gö-gbïɛ̈ ndə̂ Ndjapä, lakə̂ tcha a-earə̂ tə̂kömbô.

Lûke 9:2 Iomraidhean Croise

Matiyə̈ 10:5

Jezü wän adjisîpili ndə̂ yê lə̂ könô gbɛ̂ tchə̂pânə̈ bïchuû lə̂ gö nə̈. Tche zâma sə̈ andjê päkëdə̂: «Nyë ëäbô ê bhândə̂ azü ndə̂ andjë wâbô wâtə̂ ajuîfu-î. Nyë lïäbô lî lə̂ ngâ gö ndə̂ Samarï-ê.

Matiyə̈ 13:19

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Matiyə̈ 24:14

A âmuadje Tchôtchô Pö ndə̂ Gbölö gö-gbïɛ̈ ndə̂ tchêlafô kupâ cho gbɛ̂ ndə̂kə̂ pa azü gbɛ̂ ndə̂ andjë wâbô wâtə̂ ajuîfu dje rə̂, pânə̈ ânyë ma arə gbɛ̂ krʉ.»

Matiyə̈ 3:2

Tche tö rə̂ päkëdə̂: «Äwäpä nyë gbotə̂ bəndɨ kə̂ mbo rə ndə̂ nyê, bëte lo kə̂ mbo kümändëmä ndə̂ Ndjapä pâ nyê ndô nə̂.»

Mâreke 16:15

Pânə̈ Jezü tô rə̂ sə̈ adjisîpili ndə̂ yê päkëdə̂: «Nyë êë kupâ cho gbɛ̂, kə̈ mu Tchôtchô Pö ndə̂ mê sə̈ azü gbɛ̂.

Mâreke 6:12

Adjisîpili nə̈ rô lakə̂ mu Tchôtchô Pö päkëdə̂: «Nyë gbötə̂ bəndɨ kə̂ mbo rə ndə̂ nyê!»

Lûke 10:1

La tchêngbâ nə̈, Gbölö Gbïɛ̈ dɨ̂ angâ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû, kə̈ wân andjê bïbïchuû ndə̂kə̂ ro dokʉ̈tchê kulə̂ agö gbɛ̂, la atchô gbɛ̂ ndə̂ tchetchë la tə̂ yê, tche nyîndə̂ kə̂ e tâ.

Lûke 10:11

‹Ârâ âgʉgʉ acho ndə̂ gö ndə̂ nyê ndə̂ âpî tchâda ârâ ndə̂kə̂ gi rə̂ sə̈ nyê ëngbânə̈. Praâbalë äwäpä nyë wunsə̂ nə̈ pä Gbölö gö-gbïɛ̈ ndə̂ Ndjapä ndô la nyê nə̂.›

Lûke 10:9

Nyë tchä a-earə̂ tə̂kömbô lə̂ gö nə̈, kə̂ to rə̂ sə̈ azü gö nə̈ päkëdə̂: ‹Gbölö gö-gbïɛ̈ ndə̂ Ndjapä ndô la nyê nə̂.›

Lûke 16:16

«Ndïɛ̈ ndə̂ Möyîze la a-Mbëtï ndə̂ a-earə̂ ndə̂ma Ndjapä nyïsə̂ köbo sə̈ azü zoo ëtə̂ lo nə̈ ndə̂ Jâan-Batîse wûtu. Ätö tə̂ lö nə̈ lâme, a nyïsə̂ Tchôtchô Pö ndə̂ Gbölö gö-gbïɛ̈ ndə̂ Ndjapä sə̈ azü, ânyë azü kä lakə̂ mbo gbôgbô gbɛ̂ ndə̂kə̂ li atə̂lə̂ nə̈.

Lûke 9:11

Praâbalë kpûlû azü nə̈ djê rə̂ kə̈ zâ tchêngbâ andjê. Jezü gâmba kə̂ nə ndə̂ andjê, kə̈ tô pö ndə̂ Gbölö gö-gbïɛ̈ ndə̂ Ndjapä sə̈ andjê, kə̈ tchâ azü ndə̂ andjë wâ la tə̂kömbô.