Lûke 9:19 - Mbëtï Ndjapä: TÄFO MADƗ̈

¹⁹ Adjisîpili nə̈ tô rə̂ ndə̂nə̈ päkëdə̂: «Angânə̈ tö rə̂ pä mo də̈ Jâan-Batîse, angânə̈ tô rə̂ pä mo də̈ Elïe earə̂ ndə̂ma Ndjapä, angânə̈ kä tô rə̂ pä ngâ earə̂ ndə̂ma Ndjapä lə̂ gbâtə̂ andjanə̈ ndə̂ andjë tchû alême kä ndə̂ âjô âtə.»

Lûke 9:19 Iomraidhean Croise

Matiyə̈ 14:2

tche tô rə̂ sə̈ a-earə̂ kə̂ mbo kua tchâtchâ yê päkëdə̂: «Jâan-Batîse kä; tche jô lə̂ kuzü nə̂! Djusə̂nə̈ kä ndə̂ tche wâ la gbôgbô ndə̂kə̂ mbo akpɨ̈ngbɨ̈ rə lâme.»

Matiyə̈ 3:1

Lo nə̈ lâme, Jâan-Batîse wûtu kə̈ sə̂ lakə̂ mu pö Ndjapä bhâlə̂ kpaɛ̈gâ ndə̂ Judë.

Mâreke 6:14

Gbïɛ̈ Hërôde djê pö ndə̂ Jezü bëte rə̈ yê zä tchô gbɛ̂. A tö rə̂ päkëdə̂: «Jâan-Batîse jô lə̂ kuzü nə̂, bëte rə̂ kä ndə̂ tche wâ la gbôgbô ndə̂kə̂ mbo akpɨ̈ngbɨ̈ rə.»

Mâreke 6:15

Angânə̈ tö rə̂ päkëdə̂: «Elïe kä.» Angânə̈ tô ndjë rə̂ päkëdə̂: «Ngâ earə̂ ndə̂ma Ndjapä batə̂ angâ a-earə̂ ndə̂ma Ndjapä ndə̂ azə̂ alême kä.»

Lûke 9:18

Tə̂ngâlo ndə̂ Jezü sə̂ bhâchï lakə̂ to pö sə̈ Ndjapä la kütû yê, adjisîpili ndə̂ yê pâlatə̂ andjê ndrotə̂ yê. Tche yû andjê päkëdə̂: «Azü gbɛ̂ tö rə̂ pä më də̈ tchabâ?»

Lûke 9:20

Jezü yû adjisîpili päkëdə̂: «Â nyënyê? Nyë tö rə̂ pä më də̈ tchabâ?» Pîêre tô rə̂ ndə̂nə̈ päkëdə̂: «Mo də̈ Krîsiti ndə̂ mo tô bhândə̂ Ndjapä.»

Jâan 1:21

Andjë kä yû tchë päkëdə̂: «Mo də̈ tchabâ? Mo də̈ Elïe?» Jâan tô rə̂ sə̈ andjê päkëdə̂: «Më də̂âbo Elïe-a.» Andjë yû tchë päkëdə̂: «Mo də̈ earə̂ ndə̂ma Ndjapä?» Jâan tô rə̂ sə̈ andjê päkëdə̂: «Më də̂âbo tchë-a.»

Jâan 1:25

Andjë yû tchë päkëdə̂: «Ndə̂ mo wâbô wâtə̂ Krîsiti, kə̈ wâbô wâtə̂ Elïe, kə̈ wâbô wâtə̂ earə̂ ndə̂ma Ndjapä âtə-ê, mo zä batɛ̂me ndə̂ ngû sə̈ azü bëte giamâ?»

Jâan 7:40

La tchêngbâ nə̈ ndə̂ azü nə̈ djê apö ndə̂ Jezü lâme, angânə̈ lə̂ kpûlû nə̈ tô rə̂ päkëdə̂: «Tə̂ lëge nə̈, tchetchë kä ndə̂ âdə̂ earə̂ ndə̂ma Ndjapä!»

Jâan 9:17

Afarizïɛ̈n kâ yû earə̂ föla lâme päkëdə̂: «Momö, âbatə̂ tche vrô la zə̈ lâme, mo tö rə̂ tə̂ yê atöko?» Tche tô rə̂ ndə̂nə̈ päkëdə̂: «Tche də̈ earə̂ ndə̂ma Ndjapä.»