Lûke 9:16 - Mbëtï Ndjapä: TÄFO MADƗ̈

¹⁶ Jezü kʉ̂ mâpa mïndûu la agiangû bïchuû lâme, kə̈ kênga la yê atə̂ lafô, kə̈ ê tchôtchô pö pânə̈. Tche tchô tchə̂lə̂ nə̈ kə̈ kʉ̂ rə̂ sə̈ adjisîpili ndə̂ yê ndə̂kə̂ pa andjë krʉ tchə̂lə̂ nə̈ tə̂ akpûlû azü nə̈.

Lûke 9:16 Iomraidhean Croise

Matiyə̈ 14:19

Pânə̈ tche zâma sə̈ azü nə̈ ndə̂kə̂ pa andjë sə bêche pâ abë. Tche kʉ̂ mâpa mïndûu la agiangû bïchuû nə̈, kə̈ kênga la yê atə̂ lafô, kə̈ ê tchôtchô pö pânə̈. La tchêngbâ nə̈ tche tchô tchə̂lə̂ mâpa nə̈, tche kʉ̂ rə̂ sə̈ adjisîpili, ânyë andjë krʉ̂ tchə̂lə̂ nə̈ tə̂ azü nə̈ gbɛ̂.

Matiyə̈ 15:36

Tche kʉ̂ mâpa mïndûu manə̈ bïchuû la agiangû lâme, kə̈ zâ ayîabâ sə̈ Ndjapä, kə̈ tchô tchə̂lə̂ nə̈, kə̈ kʉ̂ rə̂ sə̈ adjisîpili ânyë andjë krʉ̂ tchə̂lə̂ nə̈ tə̂ kpûlû azü nə̈ gbɛ̂.

Mâreke 7:34

La tchêngbâ nə̈, tche kênga la yê atə̂ lafô, kə̈ wû foo, kə̈ tô rə̂ sə̈ köchë nə̈ päkëdə̂: «Efata», ndə̂ ânyîndə̂ kə̂ to rə̂ päkëdə̂: «Amö kro-ê!»

Lûke 22:19

Pânə̈ Jezü zâ mâpa kə̈ ê tchôtchô pö pânə̈, kə̂ tchô tchə̂lə̂ nə̈ ânyë kə̈ zâ rə̂ sə̈ andjê, lakə̂ to rə̂ päkëdə̂: «Mâpa âtə wätə̂ tə̂ mê ndə̂ a zâ rə̂ bëte nyê. Nyë mbö rə̂ logbɛ̂ ndə̂kə̂ pa sə̂ mê yuabô yû tə̂ nyê-ê.»

Lûke 24:30

Ndə̂ andjë sə̂ lakə̂ zɨ kɨ̈zɨ̂, Jezü zâ mâpa, kə̈ ê tchôtchô pö pânə̈, kə̈ tchô tchə̂lə̂ nə̈, kə̂ krʉ̂ tchə̂lə̂ nə̈ tə̂ andjê.

Lûke 9:15

Adjisîpili nə̈ mbô tâ käko-ë, kə̈ mbô rə̂ pä andjë sə gbɛ̂ ëbêche.

Lûke 9:17

Azü gbɛ̂ zɨ̂ rə tchə̂lə̂ andjê sɨ̂-î. A kʉ̂ adɨ̂ andöma nə̈ lə̂ agbasa lə̂ könô gbɛ̂ tchêpâ nə̈ bïchuû.

Jâan 6:11

Jezü kʉ̂ mâpa nə̈, kə̈ zâ ayîabâ sə̈ Ndjapä, kə̈ krʉ̂ tchə̂lə̂ nə̈ tə̂ azü nə̈, tche mbô ndjë tâ käko tə̂ agiangû nə̈. Tche krʉ̂ tchə̂lə̂ nə̈ tə̂ andjê batə̂ rə̂ ndə̂ su andjê nyîndə̂ nə̈.

Jâan 6:23

Praâbalë angâ azü nə̂ la angâ akülû, andjë tö bhâ Tïbërïyâde kə̈ wûtu ndola sə̂ tchô ndə̂ andjë zɨ̂ mâpa tâ alême, pânə̈ ndə̂ Gbölö Gbïɛ̈ zâ ayîabâ sə̈ Ndjapä lâme.

Abadjângele 27:35

Pâ pö lâme, Pôlo zâ mâpa, kə̈ zâ ayîabâ sə̈ Ndjapä tchâtchu andjê gbɛ̂, kə̈ tchô tchə̂lə̂ nə̈ ânyë kə̈ jêtə̂ kə̂ zɨ rə̂.

Rômo 14:6

Akrə ndə̂ tche wûn ngâ lö batə̂ gbölö lö ndə̂ ârô adɨ̂ nə̈, tche mbö rə̂ käko ndə̂kə̂ lusə̂ Gbölö Gbïɛ̈. Akrə ndə̂ tche zɨ arə gbɛ̂, tche zɨ̈ rə̂ ndə̂kə̂ lusə̂ Gbölö Gbïɛ̈, bëte tche zä ayîabâ sə̈ Ndjapä. Akrə ndə̂ tche zɨ angâ rə, tche mbö rə̂ käko ndə̂kə̂ lusə̂ Gbölö Gbïɛ̈, bëte tchetchë ndjë gbɛ̂ tche zä ayîabâ sə̈ Ndjapä.

Dokʉ̈ Körɛ̂nte 10:30

Âdə mê âza ayîabâ sə̈ Ndjapä tə̂ pö ndə̂ kɨ̈zɨ̂ ndə̂ më zɨ̂ rə̂, bëte giamâ kä ndə̂ akrə jende mê bëte kɨ̈zɨ̂ ndə̂ më zâ ayîabâ tâ?»

Dokʉ̈ Körɛ̂nte 11:24

kə̈ zâ ayîabâ sə̈ Ndjapä, kə̈ tchô tchə̂lə̂ nə̈ ânyë kə̈ tô rə̂ päkëdə̂: «Rə âtə də̈ tə̂ mê, ndə̂ âwâ bëte nyê. Nyë mbö rə lâme ndə̂kə̂ pa sə̂ mê te lə̂ nyê.»