Lûke 9:12 - Mbëtï Ndjapä: TÄFO MADƗ̈

¹² Ndə̂ lo âsə̈ zɨ, abadjângele ndə̂ Jezü lə̂ könô gbɛ̂ tchêpâ nə̈ bïchuû gîtə̂ andjê ndola tchë, kə̈ tô rə̂ sə̈ tchë päkëdə̂: «Amö gro azü âtə gbɛ̂ andjë gû atə̂lə̂ ayɛ̈yɛ̈ gö la atchô ndə̂ âwâtə̂ ama kɨ̈ndɨ̈ ku ndrotə̂ azə̂ ndə̂kə̂ pu kɨ̈zɨ̂, kə̂ pu ndjë tchô ndə̂kə̂ lo tâ, bëte tchô ndə̂ azə̈ sə̂ tâ âtə azü mbôâbo gö tâ-a.»

Lûke 9:12 Iomraidhean Croise

Matiyə̈ 14:13

Ndə̂ Jezü djê pö lâme, tche âlafô la kütû yê kə̈ â lə̂ külû ndə̂kə̂ e bhâsə̂ ngâ tchô ndə̂ âwâtə̂ kpaɛ̈gâ. Kpûlû azü âsə̈ dje rə̂ pä tche rô nə̂ etə̂, andjë wûtu lə̂ agö ngbî ngbî ânyë kə̈ zâ tchêngbâ yê la da andjê.

Matiyə̈ 15:23

Jezü tôâbo ngâ pö balë ndə̂nə̈ sə̈ tchë-a. Adjisîpili ndə̂ yê nə̂ ndola tchë kə̈ yû tchë päkëdə̂: «Amö gro tchë, bëte tche sə̈ lakə̂ ta wârə̂ lakə̂ za tchêngbâ azə̂.»

Matiyə̈ 15:32

Jezü ê adjisîpili ndə̂ yê kə̈ tô rə̂ sə̈ andjê päkëdə̂: «Nyonyo kpûlû azü âtə mbö mê. Bëte lə̂ lö vötaâ ndə̂ andjë sə̂ ndrotə̂ mê, andjë wâbo la kɨ̈zɨ̂ ndə̂kə̂ zɨ rə̂-a. Më nyîâbo ndə̂kə̂ gbotə̂ andjê pä andjë gu la gʉ ânyë kə̂ yorotoabô yôroto gbɛ̂ la gʉ lə̂ köbo-ê.»

Lûke 9:11

Praâbalë kpûlû azü nə̈ djê rə̂ kə̈ zâ tchêngbâ andjê. Jezü gâmba kə̂ nə ndə̂ andjê, kə̈ tô pö ndə̂ Gbölö gö-gbïɛ̈ ndə̂ Ndjapä sə̈ andjê, kə̈ tchâ azü ndə̂ andjë wâ la tə̂kömbô.

Lûke 9:13

Praâbalë Jezü tô rə̂ sə̈ andjê päkëdə̂: «Nyënyê la tə̂ nyê nyë kʉ̈ kɨ̈zɨ̂ sə̈ andjê.» Andjë tô rə̂ ndə̂nə̈ päkëdə̂: «Ârâ wä kütû la mâpa mïndûu la agiangû bïchuû. Mo nyïndə̂ nə̈ pä ârâ e kə̂ yo kɨ̈zɨ̂ bëte azü âtə gbɛ̂?»

Jâan 6:1

La tchêngbâ nə̈ Jezü zû dəkalâ gbölö kpakpa ngû ndə̂ Galilë ndə̂ ngâ rə̈ nə̈ wû pä Tïbërïyâde.

Fïlîpe 1:19

Bëte më wünsə̂ nə̈ pä rə lâme gbɛ̂ mbö rə̂ pä më tcha lə̂ köbosə̂ kə̂ to pö ndə̂ nyê sə̈ Ndjapä, la könô ndə̂ Yingö ndə̂ Jezü Krîsiti zâ rə̂ sə̈ mê.