Lûke 9:1 - Mbëtï Ndjapä: TÄFO MADƗ̈

¹ Jezü ë adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ zâ gbôgbô la kümändëmä sə̈ andjê ndə̂kə̂ gro angbongbo atchozö gbɛ̂ lakə̂ tcha a-earə̂ tə̂kömbô.

Lûke 9:1 Iomraidhean Croise

Matiyə̈ 16:19

Mê kʉadje akûlïɛ̈ manda ndə̂ Gbölö gö-gbïɛ̈ ndə̂ tchêlafô sə̈ mö. Rə ndə̂ mô iadje rə̂ bêche âtə, Ndjapä iadje rə̂ bhâ lafô. Rə ndə̂ mô zuadje rə̂ bêche âtə, Ndjapä zuadje rə̂ bhâ lafô.»

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Matiyə̈ 8:9

Bëte mëmê la tə̂ mê, më wä tchâtchâ agbölö azü gö ndə̂ andjë wâ pâ mê. Më wä ndjë la aturûgu tchâtchâ mê. Më tö rə̂ sə̈ ngânə̈ päkëdə̂: ‹Amö e təbhâ›, tche e ndjë; âdə më âto rə̂ sə̈ ngânə̈ päkëdə̂: ‹Amö nə tchâtə›, tche nə ndjë. Më tö rə̂ sə̈ ngbâa ndə̂ mê päkëdə̂: ‹Amö mbo nə̈ âtə›, tche mbo ndjë rə̂.»

Lûke 10:1

La tchêngbâ nə̈, Gbölö Gbïɛ̈ dɨ̂ angâ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû, kə̈ wân andjê bïbïchuû ndə̂kə̂ ro dokʉ̈tchê kulə̂ agö gbɛ̂, la atchô gbɛ̂ ndə̂ tchetchë la tə̂ yê, tche nyîndə̂ kə̂ e tâ.

Lûke 10:19

Nyë djë pö âtə! Më zä gbôgbô sə̈ nyê ndə̂kə̂ nə pâ aɛ̈krʉ̂ la akpâlâkʉ̈ngrʉ̈, ndə̂kə̂ ndɨ gbôgbô ndə̂ Jâbolo, ngâ ngbongbo rə balë âgboabô nyê tee-a.

Jâan 14:12

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche zâ su yê sə̈ mê, tchê mboadje arə ndə̂ më mbô rə̂ lâme. Tchê âkä mbo rə̂ âro anə̈ âtə, bëte mê âgûgü atə̂ ndrotə̂ Bha mê.

Abadjângele 1:8

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Abadjângele 3:16

Lə̂ köbosə̂ kə̂ za su sə̈ Ndjapä la rə̈ Jezü kä ndə̂ âtchâ köchë ndə̂ nyê sə lakə̂ wun tchë ânyë kə̈ wûnsə̂ yê âtə. Bëte kə̂ zâ su sə̈ Ndjapä ndə̂ âtô bhândə̂ Jezü kä ndə̂ tə̂ köchë lâme kâ dâka gbɛ̂ kpô tchâtchu nyê la azə̂ gbɛ̂ âtə.

Abadjângele 4:30

To könô zə̈ pâ ârâ ndə̂kə̂ pa ârâ tcha a-earə̂ tə̂kömbo, kə̂ mbo akpɨ̈ngbɨ̈ rə la arə ndə̂ âropâ küma azü la rə̈ Jezü, earə̂ kua ndə̂ zə̈ ndə̂ tche wâ ngbî bëte mö.»

Abadjângele 9:34

Pîêre tô rə̂ sə̈ tchë päkëdə̂: «Enë, Jezü Krîsiti tchâ mö nə̂! Alafô, kə̈ zâ kʉ̈ngrʉ ndə̂ zə̈!» Kpro kâkë, tche âlafô-ê.