Lûke 8:44 - Mbëtï Ndjapä: TÄFO MADƗ̈

⁴⁴ Tche nə̂ ndola Jezü dəngbâ yê, kə̈ grʉ̂ ma lə̂ba ndə̂ yê, posə̂nə̈ jï nə̈ krʉ̂-ê.

Lûke 8:44 Iomraidhean Croise

Matiyə̈ 20:34

Nyonyo andjê mbô Jezü ânyë tche grʉ̂ la andjê. Posə̂nə̈, andjë kä wûn tchô, kə̈ zâ tchêngbâ Jezü.

Matiyə̈ 8:3

Jezü yî könô yê kə̈ grʉ̂ tchë kə̈ tô rə̂ päkëdə̂: «Më nyîndə̂ nə̈ nə̂, tə̂ zə̈ däka-ê!» Posə̂nə̈, broma nə̈ gbôtə̂ köchë lâme-ê.

Matiyə̈ 9:20

Dëkë ngâ ɛ̈chë kä tâ ndə̂ jï sə̂ lakə̂ tu tə̂ yê lə̂ ngû lə̂ könô gbɛ̂ tchêpâ nə̈ bïchuû. Tche nə̂ dəngbâ Jezü, kə̈ grʉ̂ ma lə̂ba ndə̂ yê.

Mâreke 6:56

Tchô gbɛ̂ ndə̂ Jezü ro tâ, lə̂ agö, lə̂ ayɛ̈yɛ̈ gö âdəndjë kulə̂ ayɛ̈yɛ̈ gö tə̂ ma akɨ̈ndɨ̈, azü nə̈ kʉ̈ a-earə̂ tə̂kömbô kə̂ nə la andjê, kə̂ kʉ andjê sə̂ atchô ndə̂ azü sə tchê tâ. Andjë dɨ̈ tchə̂lə̂ ma andjê sə̈ tchë ndə̂kə̂ pa tche gbotə̂ andjê andjë grʉ kütû ma ngrɨ̈ngrɨ̈ lə̂ba ndə̂ yê. Azü gbɛ̂ ndə̂ andjë grʉ̂ rə̂, andjë tchâ-ê.

Lûke 13:13

Jezü tô könô yê lə̂ küma ɛ̈chë lâme, posə̂nə̈ tche yôrʉatə̂ yê ëlafô, kə̈ sə̂ lakə̂ voga Ndjapä.

Lûke 7:38

Tche nə̂ kə̈ krʉ̂ dəngbâ Jezü tə̂ kʉ̂tê da yê. Ɛ̈chë lâme sə̂ lakə̂ kɨ, ngûla yê sə̂ lakə̂ tu pâ da Jezü, tche sə̂ lakə̂ tro rə̂ la su küma yê. Tche â kʉ̂tê da Jezü lakə̂ su yömbö nə̈ pânə̈.

Lûke 8:43

Dëkë lə̂ kpûlû azü nə̈, ngâ ɛ̈chë kä tâ ndə̂ jï sə̂ lakə̂ tu tə̂ yê ngû lə̂ könô gbɛ̂ tchêpâ nə̈ bïchuû. Ɛ̈chë lâme ndɨ̂ arə gbɛ̂ ndə̂ tche wâ la rə̂ sə̈ adokotöro, ngâ akrə balë tchâbo tchë-a.

Lûke 8:45

Jezü yûkû nə̈ päkëdə̂: «Tchabâ kä âkə̈ grʉ̂ mê?» Azü gbɛ̂ tô rə̂ päkëdə̂, âdə̂âbo anyê kä me-a. Pîêre tô rə̂ päkëdə̂: «Earə̂ kə̂ nyisə̂ rə, angbängbä azü kä ndə̂ âtâkpa ndə̂ zə̈ ânyë kə̂ frofro mö katchôgbɛ̂ âtə!»

Jâan 5:13

Praâbalë köchë ndə̂ tə̂ yê dâka lâme wûn-âbo sə̂ yê-a, dëkë Jezü dô nə̂ kâbu kə̈ yû lə̂ kpûlû azü ndə̂ andjë sə̂ sə̂ tchô nə̈ lâme.

Abadjângele 19:12

Âmbô rə̂ pä azü kʉ̂ alə̂ba âdəndjë andöma lə̂ba ndə̂ andjë grʉ̂ kʉ̂tê Pôlo la rə̂, kə̈ kâ la rə̂ kə̈ mbô rə̂ tə̂ a-earə̂ tə̂kömbô, tə̂kömbô ndə̂ andjê kâ-ê, ndjë angbongbo atchozö wûtu lə̂ andjê-ê.

Abadjângele 5:15

Azü wütu la a-earə̂ tə̂kömbô ndroma köbo, a kʉ̈ andjê ëpâ kʉ̈ngrʉ âdəndjë pâ gbogbo ndə̂kə̂ pa Pîêre âsə̈ ro, tchâkrʉzrö yê ro pâ angânə̈ lə̂ gbâtə̂ andjê.