Lûke 8:42 - Mbëtï Ndjapä: TÄFO MADƗ̈

⁴² Bëte kêlä ɛ̈wünrə ndə̂ yê ndə̂ tche wâ la ngû ndola lə̂ könô gbɛ̂ tchêpâ nə̈ bïchuû kä ësə̂ kə̂ tchu. Ndə̂ Jezü âsə̈ ro atə̂ndə̂ köchë lâme, angbängbä azü sə̂ lakə̂ frofro tchë.

Lûke 8:42 Iomraidhean Croise

Mâreke 5:24

Jezü la Jäyïrûse, andjë gû gutə̂. Ngâ gbölö kpûlû azü zâ tchêngbâ Jezü ânyë kə̈ sə̂ lakə̂ frofro tchë katchôgbɛ̂.

Lûke 7:12

Ndə̂ Jezü nə̂ ndola manda ndə̂kə̂ li atə̂lə̂ gö nə̈, a zâ ngâ kuzü, kə̈ ê la rə̂ ndə̂kə̂ chi rə̂. Ngâ kêlä modô ndə̂ ngâ ɛ̈chë lə̂ ndavrö alême kä ndə̂ âtchû. Kpûlû azü gö nə̈ zâ tchêngbâ kuzü nə̈.

Lûke 8:41

Ngâ köchë ndə̂ rə̈ yê wû pä Jäyïrûse nə̂ ndjë, tche wätə̂ makündji ndə̂ nda kə̂ voga Ndjapä. Tche tê tchâtchâ Jezü, kə̈ dɨ̂ tchə̂lə̂ ma yê sə̈ tchë pä tche nə bhândə̂ anyê.

Lûke 8:43

Dëkë lə̂ kpûlû azü nə̈, ngâ ɛ̈chë kä tâ ndə̂ jï sə̂ lakə̂ tu tə̂ yê ngû lə̂ könô gbɛ̂ tchêpâ nə̈ bïchuû. Ɛ̈chë lâme ndɨ̂ arə gbɛ̂ ndə̂ tche wâ la rə̂ sə̈ adokotöro, ngâ akrə balë tchâbo tchë-a.

Lûke 8:45

Jezü yûkû nə̈ päkëdə̂: «Tchabâ kä âkə̈ grʉ̂ mê?» Azü gbɛ̂ tô rə̂ päkëdə̂, âdə̂âbo anyê kä me-a. Pîêre tô rə̂ päkëdə̂: «Earə̂ kə̂ nyisə̂ rə, angbängbä azü kä ndə̂ âtâkpa ndə̂ zə̈ ânyë kə̂ frofro mö katchôgbɛ̂ âtə!»

Rômo 5:12

Kə̂ mbo ngbongbo rə nə̈ atə̂pâ cho âtə bëte akrə balë ndə̂ tche də̂ Adâme, ânyë lə̂ köbosə̂ kə̂ mbo ngbongbo rə kä ndə̂ kuzü wâ. Bëte rə̂ kä ndə̂ kuzü kʉ̂ azü pâ cho âtə gbɛ̂ bëte azü gbɛ̂ mbô ngbongbo rə nə̂.