Lûke 8:41 - Mbëtï Ndjapä: TÄFO MADƗ̈

⁴¹ Ngâ köchë ndə̂ rə̈ yê wû pä Jäyïrûse nə̂ ndjë, tche wätə̂ makündji ndə̂ nda kə̂ voga Ndjapä. Tche tê tchâtchâ Jezü, kə̈ dɨ̂ tchə̂lə̂ ma yê sə̈ tchë pä tche nə bhândə̂ anyê.

Lûke 8:41 Iomraidhean Croise

Lûke 13:14

Praâbalë su makündji ndə̂ nda kə̂ voga Ndjapä nə̈ kʉ̂ tchë tə̂ rə ndə̂ Jezü mbô rə̂ ndə̂ tche tchâ tə̂kömbô lə̂ lö sabäa lâme. Tche tô rə̂ sə̈ kpûlû azü nə̈ päkëdə̂: «Alö kä mïndûu manə̈ balë ndə̂kə̂ pa a mbo kua lə̂nə̈, nyë nə̈ lə̂ alö nə̈ lâme ndə̂kə̂ pa a tcha nyê. Nyë nə̈äbô nə̂ lə̂ lö sabaä-ê.»

Lûke 17:16

Tche tê tchâtchâ Jezü, kə̈ chî küma yê tə̂ cho lakə̂ za ayîabâ sə̈ tchë. Köchë lâme wätə̂ akrə gö ndə̂ Samarï.

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Lûke 8:42

Bëte kêlä ɛ̈wünrə ndə̂ yê ndə̂ tche wâ la ngû ndola lə̂ könô gbɛ̂ tchêpâ nə̈ bïchuû kä ësə̂ kə̂ tchu. Ndə̂ Jezü âsə̈ ro atə̂ndə̂ köchë lâme, angbängbä azü sə̂ lakə̂ frofro tchë.

Lûke 8:49

Ndə̂ gbô Jezü âsə̈ to pö lâme, ngâ akrə tô bhâ tchâalê ndə̂ Jäyïrûse, makündji ndə̂ nda kə̂ voga Ndjapä lâme, kə̈ nə̂ kə̈ tô rə̂ sə̈ Jäyïrûse päkëdə̂: «Ɛ̈wünrə ndə̂ zə̈ nə̈ tchû nə̂, amö ka bata küma earə̂ kə̂ nyisə̂ rə kâ-ê.»

Jâan 11:21

Mârete tô rə̂ sə̈ Jezü päkëdə̂: «Gbölö Gbïɛ̈, âdə mo âsə alême tchâtə, gʉ̈me mê tchuabô tee-a.

Abadjângele 13:15

Pânə̈ ndə̂ a dɨ̂ a-Mbëtï-ndïɛ̈ la andə̂ earə̂ ndə̂ma Ndjapä, amakündji ndə̂ nda kə̂ voga Ndjapä tô rə̂ sə̈ Pôlo la Bärnäbâse päkëdə̂: «Arə̂mä, âdə nyë âwa la angâ apö ndə̂ âza gbôgbô tə̂ su azü gö nə̈, nyë tö rə̂!»

Abadjângele 18:17

Pânə̈ andjë gbɛ̂ zâ Sösötêne, makündji tə̂ küma nda kə̂ voga Ndjapä ndə̂ ajuîfu, kə̈ bhî tchë kpô tchâtchu nda ngbanga nə̈, praâbalë Galiyön mbôâbo ngâ rə balë-a.

Abadjângele 18:8

Krïpûse ndə̂ tche də̂ makündji tə̂ küma nda kə̂ voga Ndjapä ndə̂ ajuîfu zâ su yê sə̈ Gbölö Gbïɛ̈, tchetchë la azü lə̂ bûngrɨ̂ ndə̂ yê gbɛ̂. Angâ azü ndə̂ Körɛ̂nte tə̂ gbölösə̂nə̈ djê pö ndə̂ Pôlo mû rə̂ kə̈ zâ su andjê sə̈ Gbölö Gbïɛ̈ ânyë kə̈ gbô batɛ̂me.

Abadjângele 9:38

Gö ndə̂ Jopë gûâbo la gö ndə̂ Lidä-a. Ndə̂ adjisîpili ndə̂ gö ndə̂ Jopë djê rə̂ pä Pîêre kä bhâ Lidä, andjë wân azü bïchuû sə̈ tchë kə̈ dɨ̂ tchə̂lə̂ ma andjê sə̈ tchë päkëdə̂: «Amö nə gasa kə̈ gbô ârâ!»

Apökälîbïchi 5:8

Ndə̂ tche âsə̈ gbo mbëtï nə̈, arə voanə̈ ndə̂ âwâ la tʉ̈rʉ̂ la lâme la akpôkpô azü tə̂ akrə gbɛ̂ tchêpâ nə̈ voanə̈ lâme gʉ̂te tchâtchâ Ngbavö Ɛ̈bro-ngbaga nə̈. Akrə balë balë kä la kundi tchânə̂ yê la akangûchi ndə̂ a mbô rə̂ la lôlo ndə̂ kâdâ-yömbö sɨ̂sɨ̈ lə̂nə̈. Kâdâ-yömbö nə̈ də̈ kə̂ to pö sə̈ Ndjapä ndə̂ azü ndə̂ andjë wâ ngbî bëte Ndjapä.