Lûke 8:39 - Mbëtï Ndjapä: TÄFO MADƗ̈

³⁹ «Gu atə̂ndə̂ zə̈, kə̂ to tchêngbâ arə gbɛ̂ ndə̂ Ndjapä mbô rə̂ tə̂ zə̈ sə̈ azü.» Köchë lâme gû kə̈ mû pö ndə̂ rə gbɛ̂ ndə̂ Jezü mbô rə̂ tə̂ yê lâme lə̂ gö nə̈ gbɛ̂.

Lûke 8:39 Iomraidhean Croise

Mâreke 1:45

Praâbalë köchë lâme gîtə̂ yê kpro kâkë, kə̈ sə̂ lakə̂ on la pö nə̈, kə̈ tô pö ndə̂nə̈ sə̈ azü gbɛ̂. Ädə̈ käko ânyë Jezü kä wâbo ndə̂kə̂ li lə̂ angâ agö lə̂ la azü-a, praâbalë tche ê atə̂lə̂ kpaɛ̈gâ. Azü nə̂ pu tchë kulə̂ atchô gbɛ̂.

Mâreke 5:18

Ndə̂ Jezü â lə̂ külû ndə̂kə̂ gu, köchë ndə̂ tche wâ alême la angbongbo atchozö lə̂ yê lâme dɨ̂ tchə̂lə̂ ma yê sə̈ tchë ndə̂kə̂ pa tche gbotə̂ anyê, anyë sə̂ ndrotə̂ yê.

Mâreke 5:19

Praâbalë Jezü kôsə̂ nə̈ ânyë kə̈ tô rə̂ sə̈ tchë päkëdə̂: «Gu atə̂ndə̂ zə̈, kə̂ pu azü lə̂ bûngrɨ̂ ndə̂ zə̈, kə̂ to tchêngbâ pö ndə̂ arə gbɛ̂ ndə̂ Gbölö Gbïɛ̈ mbô rə̂ tə̂ zə̈ lə̂ köbosə̂ nə̈ ndə̂ tche wûn nyonyo zə̈ lâme.»

Lûke 8:38

Köchë ndə̂ angbongbo atchozö wûtu lə̂ yê lâme yûkû nə̈ sə̈ Jezü pä tche gbotə̂ anyê, anyë sə̂ ndrotə̂ yê. Praâbalë Jezü grô tchë lakə̂ to rə̂ sə̈ tchë päkëdə̂:

Lûke 8:40

Ndə̂ Jezü âsə̈ kângbâ yê, kpûlû azü nə̂ lə̂ köbo yê, bëte andjë gbɛ̂ sə̈ âme bëte tchë.

Jâan 4:29

«Nyë nə̈ kə̈ wûn ngâ köchë ndə̂ tche tô apö ndə̂ rə gbɛ̂ ndə̂ më mbô rə̂. Krîsiti də̂âbo tchë?»

Dokʉ̈ Timotë 5:8

Âdə ngâ akrə âbatabô azü lə̂ bûngrɨ̂ ndə̂ yê bâta, tə̂ gbogbôsə̂nə̈ azü ndə̂ andjë sə̂ lə̂ nda ndə̂ yê, dëkë tche gbôtə̂ köbo su yê ndə̂ tche zâ rə̂ sə̈ Krîsiti nə̂, ngbongbo rə ndə̂ yê lâme, rö andə̂ akrə ndə̂ tche zâbô su yê zâ sə̈ Krîsiti dämba-ê.