Lûke 8:3 - Mbëtï Ndjapä: TÄFO MADƗ̈

³ la Jâne, ɛ̈chë ndə̂ Chuzä, earə̂ kə̂ bata arə ndə̂ Hërôde la Suzâne la angâ angbängbä aɛ̈chë ndə̂ andjë kʉ̂ rə ndə̂ andjê ndə̂kə̂ mbo rə̂ la Jezü la adjisîpili ndə̂ yê.

Lûke 8:3 Iomraidhean Croise

Matiyə̈ 14:1

Tə̂ lo nə̈ lâme, Hërôde Äntïpâse ndə̂ tche wâtə̂ goverenëre pâ Galilë djê apö ndə̂ âkɨ̂ la rə̈ Jezü,

Matiyə̈ 14:3

Dëkë Hërôde zäma alême sə̈ azü ndə̂kə̂ pa andjë za Jâan-Batîse kə̈ î tchë la djingîli kə̈ yî tchë bhâlə̂ nda kânga. Hërôde känga tchë bëte Hërödîâde ndə̂ tche wâtə̂ ɛ̈chë ndə̂ yîngâ yê Fïlîpe.

Matiyə̈ 14:6

Dëkë lə̂ köbosə̂ kpülü ndə̂ lö kə̂ zɨ Hërôde, ɛ̈wünrə ndə̂ Hërödîâde dâ ɛ̈ngbä tchâtchu azü ndə̂ Hërôde ê andjê ndə̂ kpülü nə̈. Ɛ̈ngbä ndə̂ yê nə̈ fü tə̂ Hërôde tə̂ gbölösə̂nə̈.

Matiyə̈ 2:11

Andjë lî bhâ tchâalê nə̈, kə̈ gbô bechë nə̈ la anyï nə̈ Malê. Andjë gʉ̂te lakə̂ voga bechë nə̈. La tchêngbâ nə̈ andjë jî ma kədjâ ndə̂ andjê kə̈ wûtu la atchôtchô arə batə̂ lôlo la dukâni la yömbö ndə̂ rə̈ nə̈ wû pä mîre, kə̈ kʉ̂ rə̂ sə̈ bechë nə̈.

Matiyə̈ 20:8

«La zɨtɨ tchêndə̂gölo, earə̂ kɨ̈ndɨ̈ vînye nə̈ tô rə̂ sə̈ kabïta ndə̂ yê päkëdə̂: ‹Amö e azü kua nə̈ gbɛ̂ kə̈ kʉ̂ makətche ndə̂ andjê sə̈ andjê. Amö dokʉ̈tchê tə̂ andjanə̈ ndə̂ më ê andjê dəngbânə̈ lâme, ânyë kə̂ wutu tə̂ andjanə̈ ndə̂ më ê andjê dokʉ̈tchê lâme.›

Matiyə̈ 25:40

Gbïɛ̈ nə̈ âtoadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyê mbo rə lâme tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbö rə̂ tə̂ mê.›

Matiyə̈ 26:11

Bëte a-earə̂ yûkü kä ndrotə̂ nyê logbɛ̂, praâbalë më sə̂âbo ndrotə̂ nyê logbɛ̂-a.

Matiyə̈ 27:55

Angbängbä aɛ̈chë kä alême tâ, andjë sə̈ bhâchï ânyë kə̈ sə̂ lakə̂ wun tchô. Andjë də̈ aɛ̈chë ndə̂ andjë zâ tchêngbâ Jezü alême lakə̂ mbo rə̂ la tchë, ätö bhâ Galilë.

Lûke 24:10

Aɛ̈chë nə̈ lâme də̈: Malê akrə gö ndə̂ Magadalä la Jâne la Malê anyï Jâke, la angâ aɛ̈chë ndə̂ andjë sə̂ ëtə̂ kʉ̂tê andjê, andjë tô ndjë gbôgbô pö nə̈ lâme sə̈ abadjângele.

Jâan 12:6

Pö ndə̂ tche tô rə̂ lâme, nyîâbo sə̂nə̈ pä tche wün nyonyo a-earə̂ yûkü-a, praâbalë tche wätə̂ earə̂ ngbä. Bëte a zä kədjâ-makətche ndə̂ azü gbɛ̂ sə̈ tchë ndə̂kə̂ wun tchô pânə̈. Tche zɨ̈ ngbä makətche ndə̂ a kʉ̂ rə̂ lə̂ kədjâ-makətche nə̈.

Abadjângele 13:1

Lə̂ Egilîze ndə̂ Äntïyôche, a-earə̂ ndə̂ma Ndjapä la aköchë ndə̂ andjë nyisə̂ rə kä tâ: Bärnäbâse, Simeyön ndə̂ a ê rə̂ tə̂ yê pä bübü akrə, Lüsïûse akrə gö ndə̂ Sïrêne, Manayë ndə̂ andjë kʉ̂che la gbölö kömändâ Hërôde, la Sôlo.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Fïlîpe 4:22

Azü ndə̂ Ndjapä gbɛ̂ ndə̂ andjë sə̂ bhâtə pô ndə̂ nyê nə̂, ndə̂kə̂ wun rə̂ djîrə̂, andjanə̈ ndə̂ andjë sə̂ bhâlə̂ gbadja ndə̂ gbölö gbïɛ̈ ndə̂ Rômo pô ndjë ndə̂ nyê nə̂.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.