Lûke 8:21 - Mbëtï Ndjapä: TÄFO MADƗ̈

²¹ Praâbalë Jezü tô rə̂ ndə̂nə̈ sə̈ andjê päkëdə̂: «Anyï mê la ayîngâ mê də̈ azü ndə̂ andjë djê pö Ndjapä ânyë kə̈ mbô rə gundə̂sə̂ nə̈.»

Lûke 8:21 Iomraidhean Croise

Matiyə̈ 17:5

Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë.»

Matiyə̈ 25:40

Gbïɛ̈ nə̈ âtoadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyê mbo rə lâme tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbö rə̂ tə̂ mê.›

Matiyə̈ 25:45

Gbïɛ̈ nə̈ toadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyë mbôâbo rə̂ mbô tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbôâbo ndjë rə̂ tə̂ mê-a.›

Matiyə̈ 28:10

Käko Jezü tô rə̂ sə̈ andjê päkëdə̂: «Wawa mböäbô nyê mbô-ê! Nyë gü kə̈ tô rə̂ sə̈ arə̂mâ ndə̂ mê ndə̂kə̂ pa andjë e atə̂ Galilë, andjê wun-adje mê bhâye.»

Lûke 8:15

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Lûke 8:20

A tô rə̂ sə̈ Jezü päkëdə̂: «Anyï zə̈ la ayîngâ zə̈ kä sûwu, andjë nyïndə̂ kə̂ wun mö.»

Jâan 13:17

Nyë kä la mômô, âdə nyê âwunsə̂ arə lâme, ânyë kə̈ mbô rə gundə̂sə̂ nə̈.

Jâan 20:17

Jezü tô rə̂ sə̈ tchë päkëdə̂: «Amö ngbiabô mê ngbî tchâtə-ê, bëte më kêngabô bhândə̂ Bha mê dämba nə̂-a. Praâbalë amö êë kə̈ tô ndə̂ma mê sə̈ arə̂mâ ndə̂ mê päkëdə̂: Mê âkenga atə̂ndə̂ Bha mê, ndə̂ tche wâ ndjë tə̂ Bha nyê, tche wätə̂ Ndjapä ndə̂ mê, kə̈ wâ ndjë tə̂ Ndjapä ndə̂ nyê.»

Bïchuû Körɛ̂nte 5:16

Bëte rə̂ kä angaâtə, ârâ kä wâbo ndə̂kə̂ ka wun ngâ akrə lə̂ la ârâ batə̂ kə̂ wun tchô ndə̂ akrə-a. Âdə rə̂ ndə̂ ârâ wûn Krîsiti alêe batə̂ kə̂ wun tchô ndə̂ akrə, angaâtə ârâ kä wun bata tchë käko tee-a.

Bïchuû Körɛ̂nte 6:18

Gbölö Gbïɛ̈ ndə̂ tche wâ la gbôgbô gbɛ̂ kä tô rə̂ päkëdə̂: «Mê wadje tə̂ Bha nyê, ânyë nyê wadje tə̂ amodô la aɛ̈wünrə ndə̂ mê.»

Jâke 1:22

Âwâbo pä nyë deka tü nyê kütû ndə̂kə̂ dje pö nə̈-a, ndə̂kə̂ bolotə̂ nyê la tə̂ nyê-a, praâbalë äwäpä nyë mbo rə gundə̂sə̂ pö ndə̂ nyë djê rə̂ lâme.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.